THU PHLAAN 12:3 - Cho Bible Common Language 2016

³ Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 12:3 Referans Kwoze

THU PHLAAN 17:12

“Nang ah na hmuh ah aki ghaa cu, kä uktu phak ci gui ah ghangpughang ghaa ah kyak ci. Ngami cu khiküi awn a täng ah nayi ät hta ung huham gah tuk khai gui ah kyak ci.

THU PHLAAN 12:9

Khomdek chang gui m’yaw gui ciah khoshe, kä cun ung Satan ming nak ciah shawknu cu ak khanchang gui awn a täng ah khomdek khan ah ami yuk täm law gui ah kyak ci.

THU PHLAAN 17:16

Nang naw na hmu ah khiküi la aki ghaa naw pletbeng ciah hnumi nu cu thüi nak khai gui nei. Ngami naw cun ah hnumi cu a suisak avan suh pe u sei akplui ah om khai nei. A sa cu ei u ne, ani cu mei awn m’khih khai gui nei.

THU PHLAAN 17:7

Khankho chang naw, “A i ah kyasei na cäi ang? Cun ah hnumi nu ah thuuk ciah amanwg la ang cun nak ah alu chih law ne aki ghaa lawk ciah khiküi ah manwg cu ka ning m’thein khai nei.

DANIEL 7:24

A ki gha cu cun ah uknak khaw uk khai gui ah ghangpughang gha ah kyak ci. Cun kawn ah ahei ghangpughang dang lawk khai, ani cu ma lawk ci gui awn ang htei ah ng’lak mah ne, ghangpughang thum cu leh m’hnep gui khai.

DANIEL 7:20

Cun kawn a lu khan ah om ciah a ki gha la a ki thum plawh ne lut lawk ciah a ki ah mawng cu ka hmat hlük ci. A cun ung a mik gui la am gawng om ci, ani cu chang ah ng’shei ci. Cun cu ahei gui ah ta kyih pi vai ah kyak ci.

THU PHLAAN 20:2

Ani naw shawk k’phyu ng’hlui cu pha netah, khawkum phyaa ghaa ung pin ne khit ci. Cun ah khawshe bawi kä cun ung Satan ah kyak ci.

THU PHLAAN 12:4

Ani naw khankho mik ah aisi gui bumthum bum ät cu ang mei awn hang kui ne m’dek ah yuk chah gui ci. Cun ah shawk sennu cu hnuminu ah maa ah ng’düi ne, a hta law nak ge vai ah ak hmaw cu, ei khai ah ngäng ci.

THU PHLAAN 12:1

Cun kawn ah khankho mik ung küikyang ciah ng’cängbang nak dang law sei ka hmuk ci. Acun ung om ciah hnuminu cu hni liing sui ne, chaa ung ng’leh ne, aisi ghalei-goi kawp ciah lukhu ng’büng ci.

THU PHLAAN 16:13

Cun kawn ah k’u ah mäih lawk ciah mümcha she pathum cu ka hmuk ci. Cun gui cu shawk, khiküi la purofet she gui ah m’gawng ungka lut lawk ci gui ah kyak ci.

ISAIAH 51:9

Bawipa, tho law ne, na m’htei gui ä! Na huham mang ne na hun gui ä; cau pui pui na mang man ah a cun cu mang ba ä. Tuinu-k’phyu hlui kahab kiük ne phyit cicu nang ah kyak ci nei.

ISAIAH 27:1

Cun ah hnüüp ung Bawipa naw huhem mah ne sihnak ah khim cu mang ne leviathan k’phhynu cu m’kyuk khai, cun cu ng’ten ne ng’vet ciah k’phyu ng’hlui ah kya ci, ani naw tuinu ung om ciah phyucung cu ngawn khai.

THU PHLAAN 19:12

Amik cu meidäi ah pying ne, alu ung lukhu akda ng’büng ci. Amät kawn ah a u naw kä a hmat ah ang ming cu ani ah khan ah ng’guk ci.

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

ISAIAH 9:15

A ghi gui la m’tamkhah vai ah chang gui cu alu ah kyak ci gui — hleei hlak ne m’theithang ciah prophet gui cu ang mei ah kyak ci gui!

DANIEL 2:42

Khawnu — m’sii ateih la m’deknai ateih — ah kyak ci ci cu, uknak khaw ateih cu thamah ne, ateih cu tha ken khai ciah kyak ci.

THU PHLAAN 12:7

Cun kawn ah khanmawpi ah ng’tuk bi nak om ci. Michaela la ak khanchang gui naw, shawk cu ng’tuk püi ci gui. Shawk la ak khanchang gui naw phi ng’tuk tu ba püi ci gui.

THU PHLAAN 12:13

Shawk naw ani cu k’täm ne m’dek khan ah ami yuk gawt ah mawng cu hmat netah, pamihta ah hta ciah hnumi cu shui ne phak ci.

THU PHLAAN 13:1

Cun kawn ah alu chih aki ghaa lawk ciah khiküi tumat cu tuinu ung kaa lut law sei ka hmuk ci. Aki päng ung lukhu büng ne, alu päng ung Khanpughi ah thang shet sak ciah ming om ci.

THU PHLAAN 13:2

A müi cu pupi kawng ah mäih law ne, a khaw gui cu khawm ah khaw ah mäih lawk ci. Am gawng cu phongkawng ah m’gawng ah mäih lawk ci. Shawk naw a hlüngtai nak, amangkiaang la m’gäi nak ah a huham cu khiküi-am ap ci.

THU PHLAAN 13:4

Shawk naw a huham cu khiküi-am a ap pyi ah kyasei, chang avan naw shawk cu khawhnah ci gui. Chang gui naw khiküi cun phi khawihnah u ne, “Khiküi ah mäih a u om khai ang? Ani ng’tuk püi hning ci a u om khai ang?” cine pyein ci gui.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

DANIEL 2:41

Khawlek la khawnu gui cu ateih m’deknai, ateih m’sii ah kyasei na hmuk ci. Cun cu ng’pai ciah uktu khaw ah kyak ci. Acun ung m’sii ah mäih ah thamah nak amshah om khai, a i ah kyasei ci ung cun ung m’deknai awn ng’caw ciah m’sii ah om ah hmawk ah kyak ci.