THU PHLAAN 12:10 - Cho Bible Common Language 2016

¹⁰ Cun kawn ah khanmawpi ah ng’shan ciah k’aw naw, “Tuhbäi Khanpughi ah hun nak cu gawk law pyi ci nei! Tuhbäi Khanpughi naw Ghangpughang ah a kyak ah mawng dang sak pyi ci nei! Tuhbäi a Messiah naw a huham dang sak pyi ci nei! Mi Khanpughi ah maa ah ng’düi netah, amü ak hnüüp mi phäi nau gui shetkat sak gui ci cu khankho ah kaa k’täm pyi ci gui nei.

THU PHLAAN 12:10 Referans Kwoze

LUKA 22:31

Bawipa Jesuh naw, “Simon, Simon, htangmguh m’hääi ne, angshi angtak m’chaa ah mäih ah ning m’khoimchaa gui khai ah Satan naw akhin gah pyi ci nei.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

DANIEL 2:44

Cun ah uktu gui ah a khin ung khankho Khanpughi naw kä ng’pyi hlawt ciah uknak khaw cu m’düih khai. A cun cu a u naw kä näng hlawt khai, ani naw ahei uknak khaw gui cu m’di yawp ne, khonglän ung om khai.

1 SHONTÄP NAK 29:11

Nang cu dämduh ne, huham mah ne, bämang ne, chünla ne, m’gää ciah na kyak ci. Khankho la khomdek ung avan nünü cu nang ah ka ah kyak ci nei, nang cu ghangpughang, avan ah khan ah m’gääi ciah uktu ah na kyak ci.

MATTHE 28:18

Bawipa Jesuh cu ang düihpüi gui ah pei ah law netah, “Khankho la khomdek ung huham nak avan cu kei naw ka gah pyi ci nei,

JOB 1:11

Cun ung phi tubäi ani ung om ci avan na lak pek yawp vaisü ung ani naw na hmai ma ung ning plahtam khai nei!” cik ci.

JOB 1:9

Satan naw pyen ba ne, “Joba naw a i kä a gah ah a kyak ung nang cu ning khawihnah khai ang?

THU PHLAAN 2:26

Näng nak gah ne, kei ah ka ng’yak hlü ah khaw khüt sei om ciah chang-am Kapa ung ka gah ah huham cu ka pek khai. Cun ah huham cu, changpakhui avan m’si k’hteipawng awn uk gui ne, m’sitawn awn m’dek k’am thah gep ah mäih ah dep nak ah kyak ci. Kei naw ngami-am thaihke aisi phi ka pe gui khai nei.

2 KORIN 12:9

Cun ung phi ani ah nam shan nak cu, “Nang nak tha a ken yah ung kei ah hlüngtai nak cu, ak kuikyang pi ah kyak ci, cun ah kyasei kei ah m’gein nak bäng cu nang ung hlü ciah kyak ci” ciah kyak ci. Cun ah kyasei kei cu Bawi Khrit ah hlüngtai nak ung ka ng’yii nak vai ah, kak tha a ken ah hmawk ah, yeikyai aih ne ka khäghah ci nei.

LUKA 11:2

Bawipa Jesuh naw, “Nami taigü ung shi chaa ah nami taigü vai; “Khankho ah om ci kami Pa, Na ming theing thang sä, Na uknak gawk law sä, Khankho ah mäih ah m’dek khan ah phi Na ng’yak hlü cu be sä,

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

MATTHE 6:10

Na uknak gawk law sä; Khankho ah mäih ah m’dek khan ah phi nang yak hlü cu kümbe sä:

SAM 22:28

Bawipa cu ghangpughang ah kyak ci, changpakhui avan cu uk ci.

JOB 2:5

Cun ung phi tuhbäi a pumsa na nat sak ah a kyak ung ani naw na hmai ma ah ning plah tam khai nei” cik ci.

TITUS 2:3

Acun ah mäih ah hnumi ng’vaiba gui phi theingcim ciah ghin nak a om vai ah nam cäi gui vai nei. Ngami cu chang ah thang m’shet ci gui, kä cun ung yu ah khleihtein gui ah kä ami kyak en vai nei. Akni phung m’theithang ba thei ciah ami kyak vai nei.

1 KORIN 5:4

Kei cu nangmi awn a täng ah ka om ciah mäih ah, mi Bawipa Jesuh ah hlüngtai nak ung nami van ng’hmuh ne ng’bum ba yawp va.

SAM 45:6

Khanpughi ah ning pek ah uk nak kho cu a ngawi ah phi kä ng’pyi hlawt khai nei. Nang naw na chang gui cu taga nak awn na uk gui ci

THU PHLAAN 7:10

Ngami naw, “Hun nak cu mangkiaang ung gok ciah mi Khanpughi la Htomehta ungka lawk ci nei” cine m’lau ci gui.

1 PETER 5:8

Cüivai vä, geing nah ne ngai vä! Na mi gaa, Khoshe cu, m’ngawk ciah kawnghlui ah mäih ah, a u ka bai khai ang cine ng’shui shüi shüi ci nei.