THU PHLAAN 12:1 - Cho Bible Common Language 2016

¹ Cun kawn ah khankho mik ung küikyang ciah ng’cängbang nak dang law sei ka hmuk ci. Acun ung om ciah hnuminu cu hni liing sui ne, chaa ung ng’leh ne, aisi ghalei-goi kawp ciah lukhu ng’büng ci.

THU PHLAAN 12:1 Referans Kwoze

LUKA 21:25

“Hni cha aisi gui ung cäicat vai gui dang lawk khai. Khomdek khan ah chang gui cu tuinu ah ng’hnawk ng’ya ne cäicat khai gui.

EPHESIAN 5:32

Shin cu ang htei ah thuuk ne ng’kau ciah thuciim ah kyasei, Bawi Khrit la krihtabum ah hmawk ah kyak ci, ciah ka pyein ci.

ISAIAH 62:3

Nang cu Bawipa ah hmawk ah kyom ciah lukhu ah na kyak khai.

MAKUH 13:25

Aisi gui phi khankho ah kaa kiawi ne kya law yawp khai gui. Khankho mik ung hlüngtai ci gui ah hmun-lam gui phi ng’phleng yawp khai gui.

SOLOMON NG’Ä~ 6:10

Kho thaih ah mäih ah dei ciah chang cu a u ang? ani cu kyom ne khang ci, hni la cha ah mäih ah vai ci nei.

LUKA 21:11

A kho päng ung ak nuipai ah shihpi ah thüng nak, ei awk ah maih nak, gawpyam ah ng’peeih nak gawk lawk khai. Kyihkyawk cäicat gui vai khankho ah dang lawk khai.

SAM 104:2

Na mät naw na mät cu akdei awn na uk ci. Nang naw khankho cu phung ah mäih ah na ng’shawng sak ci,

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

2 SHONTÄP NAK 32:31

Ami khaw ung kä kya man ciah a mawngma gui kya law sei, k’tä khai gui ah Babilonian ng’shä chang gui ami law yah ung phi, Khanpughi naw ani ah om ih am nüm nak ah, Hezekiah am amät ah ng’yak hlü ah bi sak ci.

THU PHLAAN 21:23

Cun ah mang gaw ah khan ah Khanpughi ah bämang nak cu dei ne Htomehta cu amei im ah kyak ci kisei acun ah mang gaw ung hni la chaa ah akdei kä hlü ci.

THU PHLAAN 15:1

Cun kawn ah kei naw, khankho ah küikyang ciah cäicat vai cu ka hmu ba ci. Cun cu leigaai mawng chih law püi ci gui ah khankho chang pachih ah kyak ci. Cun ah leigaai gui cu Khanpughi ah m’lungshe nak akhnubäih ah ang dang nak ah kyak ci, akhnubäih ah gawk lawk ciah lei ah kyak ci.

THU PHLAAN 12:3

Cun kawn ah khankho mik ung a hei ng’cängbang nak dang law ba mä ci, cun cu shawk asennu tumat ah kyak ci. Ani cu alu chih, aki ghaa law sei, alu päng ung lukhu ng’büng ci.

THU PHLAAN 11:19

Cun kawn ah khanmawpi ah pum im cu ng’hmawng law khätah, Thukhän M’küm cu ka hmuk ci. Acun yah ung khaw lailäp ne ng’hmumkyeek ne, shipi thüng ne, gääi nu bawh ne khawshe ne aa lawk ci.

LAMKTU 2:19

Ak khan ah om ciah khankho ah, cäi aih gui vai kam dang khai, ak ka ah om ciah m’dek khan ah, ngaih khit gui vai kam dang khai. Si ng’hlui ng’huk khai, mei m’lei taut neh, mei khu thet khai.

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

ZEKHARIAH 9:16

Cun ah hnüüp a gawk law ung, Bawipa naw a chang gui cu, Htoshäm naw htome gui kyihkyawk nak ung a hun gui ah mäih ah hun gui khai. Ngami cu ani ah khaw ung pyülung lukhu ah mäih ah ng’shü khai gui.

ISAIAH 61:10

Bawipa naw bi a bi ah phäh ah Jerusalem cu yeikyai ci nei. Ani cu ceimah lawk khai ah ng’lami hta ng’sui ng’sak ciah mäih ah kyak ci nei. Khanpughi naw ani cu hun nak la näng nak suisak sak ci nei.

MALAKHI 4:2

Cun ung phi kei na läk ciah nangmi ah phäh ah ka hun nak huham cu khohni ah mäih ah nami khan ah so lawk khai, hni ah pyü ne gai nak law püi khai. Nangmi cu phyawng ne, sei im ungka lut law ne ng’hlü ciah sei hta ah mäih ah nami yei khai.

KALATIAN 6:14

Kei läi cu mi Bawipa Jesuh Khrit ah kutlam tung ah hmawk bäng ah ka khähghah khai nei. Bawi Khrit ah kutlam tung ah hmawk ah khomdek cu kei ah phäh ah sik ci, kei cun phi khomdek ah phäh ah ka sik ci.

MATTHE 12:38

Amshah Thukhän saya gui la pharisee gui naw, “Sayapa, keimi am cäi-aih vai tumat nam hnuh gui ä,” cine k’thäh ci gui.

THU PHLAAN 21:14

Mang gaw k’chaam nak ung lung k’tung gha-lei-goi ng’ling ci gui. Cun ah lung k’tung gha-lei-goi ung Htomehta ah ng’düihpüi gha-lei-goi ah ming gui cu guk ah kyak ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

KALATIAN 3:27

Nangmi cu Bawi Khrit ung kawng ät ne tui nami ng’hnim pyi ci kyasei, Bawi Khrit suisa u ne, Bawi Khrit ah mäih ah ghing ne nami ng’thu ci.

2 KORIN 11:2

Kei cu nang mi ah hmawk ah Khanpughi a m’thüi ah mäih ah kam thüi ci nei; nangmi cu Bawi Khrih tumat bäng awn ng’puikhah khai goi ah beit pyi ah htalaa ah nami kyak ci.

ROMAN 3:22

Khanpughi naw chang gui cu ami yum nak awn, Jesuh Khrit ung düng sak gui ci. Cun cu Khanpughi naw Bawi Khrit yum ciah chang phung ung abi ah kyak ci, a i ah kya sei ci ung, chang gui ung ng’lakmah nak a i kä om ci:

JOHAN 3:29

Ceimah ci khäm cicu chumah ciah kyak ci. Chumah ciah teih püi cun naw, chumah ciah k’o cu ng’düi ne ngai netah, ang yak ung ang htei ah a yeikyai ah mäih ah, kei ang htei ah ka yeikyai pyi ci nei.

ROMAN 13:14

Bawipa Jesuh Khrit cu li khim ah mäih ah nami suisak vai nei, ng’tüipüi ah nami shetkat nak cu nawt heng u ne, mät ah ng’yak hlü düt ah kä nami om ih ba vai nei.

KALATIAN 4:26

Cun ung phi Khanmawpi ah Jerusalem cu, ng’päiye nak ah kya ne, mi nu ah kyak ci.