THU PHLAAN 11:8 - Cho Bible Common Language 2016

⁸ Ami gook cu ami Bawipa kutlamtung ung ami ngawn nak ah mang gaw, lam k’cawih ung ng’yän shüt khai. Cun ah mang gaw ah ming m’hlün cu Sodom, kä cun ung Egypt ah kyak khai.

THU PHLAAN 11:8 Referans Kwoze

JEREMIAH 23:14

Cun ung phi Jerusalem ah prophet gui cu sheka pi u sei ka hmu gui ci: ngami cu plet u ne ami hleei pyen ci gui; ngami naw chang gui phi cheishoh sak ci gui, cun ah kyasei a u chang naw phi akshe bi cu kä ng’düm ci gui. Kei ah phäh läi ah ngami ami van cu Sodom la Komorrah chang gui mäih ah shekak ci gui.

THU PHLAAN 18:10

Ngami naw ani ah geinvai nak cu hmu u ne, ang htei ah kyikyawk u ne, asho nak ah ng’düi u netah, “Hlüngtai küikyang ciah mang gaw, Babilon! Cäi-aih vai thüi aih vai kyak ci nei. Nang cu nayi ät hta ah kyong ung m’shetkat nak na gah pyi ci nei” ci ne kiak khai gui nei.

THU PHLAAN 18:21

Cun kawn ah k’thamah pi ciah khankho chang naw lungsum teih lawk ciah lungnu cu, la ne tuinu ung yuk shum netah “Babilon mang gaw cu a shin ah mäih ah tui ung yuk shum khai gui nei, a ngawi ah phi kä dang law ba khai nei.

HEBRU 13:12

Cun ah kyasei Bawipa Jesuh Khrit cu a si ng’hlui awn chang gui ah, cheishoh nak m’si khai ah, mang gaw ah k’pung ah sik nak aut ci.

THU PHLAAN 18:18

Cun ah mang gaw ui ciah meikdäi meikhu gui cu hmu u netah, “Shin ah mang gaw ah mäih a hei mang gaw a i sang ung phi kä man khai nei” cine m’lau ci gui.

THU PHLAAN 11:9

A khawpäng ungka a hlü hlü ah ng’thu ciah khui päng pa päng naw law ne, ami gook gui cu kä m’cim düt vai cine, hnüüp thum la am cawt ung teng khai gui nei.

JUDE 1:7

Sodom la Komorrah la ani pei ung ah gawnu gui cu ngaih-tüh ba shüm vä, cun ah gawnu gui ung om ciah chang gui cu, acun ah khan chang gui ah mäih ah ng’yawng’pawm hüithaw düt ne mupyei ci gui. Chang avan a khäntam nak ah ngami cu angtäi ah däi ciah mei awn m’shetkat nak gah ci gui.

2 PETER 2:6

Khanpughi naw Sodom la Komorrah cu mei awn m’khih ne m’di ci, cun cu kä yum ci gui ah chang khan ah gawk lawk khai ah mawng am dang nak ah kyak ci.

MATTHE 10:15

Kei naw akcang ka pyein cu, m’khoichaa nak ah hnüüp ung cun ah pigaw gui cu, Sodom la Komorrah ah tah nui pi ciah m’shet nak cu hmuk khai nei.

AMOS 4:11

“Kei naw nangmi am shah gui cu ka ning m’di gui khai, Sodom la Komorrah ah mäih ah nangmi ungka pawih ba cicu mei k’däi ungka lak ah htung ciuh ah mäih ah kyak khai. Cun ung phi nangmi kei ah kä nami law ba ci” cine Bawipa naw pyen ci.

EZEKIEL 23:27

Kei naw na gän tha nak la Egypt ah na om yah ge ung na bi ah pletbeng nak gui cu ka ng’düm sak khai. Nang naw a gup cu api ah phi kä na teng ba khai, Egypt phi api ah phi kä na ngaih-tüh ba khai.”

EZEKIEL 23:19

Ani cu hnumi hta ah kya ne Egypt ah a om yah ung ka ah mäih ah kya gäk gäk ne, a zan ah ta ka pi n e pawmzau lawk ci.

EZEKIEL 23:8

Ani naw angla mihta nak ashum nak ah Egypt ah a tün cu k’täi ne bik ci. Ani hnumi hta ah a kyak yah ung Chang gui naw ani cu ih püi u ne, pawm zau Chang ah mäih ah om püi ci gui.

EZEKIEL 23:3

Ngani ani hmaw yah ung Egypt ah om ci goi, ngani cu ani hta ah ani kyak nak shum ni ne pawm zau Chang ah kya lawk ci goi.

ISAIAH 3:9

Ami mät ah mikhmai naw amimät hungtuk püi gui ci nei. Ngami naw Sodom ung chang gui ah mäih ah katnak cu ang dang ah bik ci gui nei. Ngami cu shekha u ne, acun ah a phu ng’kheng cu ami khan ah ami mät naw law püi ci gui.

PHYAWN NAK 20:2

“Kei cu Bawipa, nami Khanpughi, changshäm ah nam kyak nak ah Egypt khaw ungka, ka ning law püi ba gui ciah ka kyak ci.

PHYAWN NAK 3:7

Cun kawn ah Bawipa naw, “Egypt khaw ah kaa chang gui a i hlawk ah ami shedam nak gui cu ka hmuk ci nei. Khleihtein shäm ci gui ah kut ungka gun gui vai ah ami kyah m’lau cu ka ng’yak ci nei, ngami ah geinvai avan ka hmuk ci nei.

ATÜNNAK 19:24

Bawipa naw Sodom la Komorrah ah khan ah yam mei k’däi cu khaw ah yuk aa sak ci.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

THU PHLAAN 18:2

Ani naw m’lau ne Babilon mang gaw cu di pyi ci nei! Di pyi ci nei! Cun ah gawnu cu khawshe gui, mumchashe gui ah om nak, shemshai ciah khoshe gui ah ng’yi nak ah kyak ci nei.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

THU PHLAAN 14:8

Akhnih nak ah khankho chang naw a hnu ah läk law netah, “Babilon gawnu di pyi ci nei! Di pyi ci nei! Ani naw ng’yaw ng’pawm nak ah kyak ciah yu cu chang ah hta avan-am tu pyi ci nei!” cine pyen ci.

THU PHLAAN 11:13

Acun vai-am shihpi thüng ne ng’hmum law sei, mang gaw ah bumghaa ung bum ät cu di yawp ci, chang phia chih-kip phi si yawp ci gui. K’pawih ba ciah chang gui cu cäicat u ne, khanmawpi ah Khanpughi ah hlüngtai nak cu m’kümtou ci gui.

HEBRU 6:6

Cun ung phi, ngami cu yum nak ung lam hma pyi ci gui nei! Ngahmi cu kä ng’yu ba sak gui hlawt vai nei, a i ah kyasei ci ung ngahmi cu Khanpughi ah Htapa kutlam tung ung ngawm ba mä u ne, thui ng’aa sak ciah kyak ci gui nei.

LAMKTU 9:4

Ani cu khomdek ung kyu neh ng’yän netah, “Soul, Soul? a i ah kiah sei kei nah na k’dudeiu nak ang?” Ciah k’ä cu ng’yak ci.

JEREMIAH 26:23

Ngami naw ani cu ghangpughang Jehoiakim ah law püi ba u khäta, ani cu ngawn ne apumsa cu chang gui ah ng’cim hmun ung gawt ci.)

THU PHLAAN 18:24

Babilon mang gaw ah dishum nak ah mawng cu purofet gui ah si, Khanpughi ah chang gui ah si, m’dek khan ung ami ngawn gui ah si gui cu cun ah mang gaw ung ali ah hmawk ah kyak ci.

THU PHLAAN 17:5

Ani ah amcalai ung, “Khaw ah kaa ung shemshai ne pletbeng ci gui ah nu, Babilon gawnu” cine thuuk ciah ng’thu awn ami guk ah kiak ci.

THU PHLAAN 17:1

Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

EZEKIEL 37:11

Khanpughi naw na pyen nak ci, “Hnicim chang, Israel chang gui cu shin ah guh gui ah mäih ah kyak ci gui. Ngami naw, ngami cu chawng pyi ci gui, ngaih u vai kä om ci, ma lam ah ka vai kä om ciah pyen ci gui.

EZEKIEL 16:46

“Nang ah na pai ang vaipi cu Samaria ah kyak ci, a siiptäng ah a gaw hta gui awn om ci. Nang ah na be ak hmaw ba cu, Sodom ah kyak ci, a htumtäng ah a gawhta gui awn om ci.

EZEKIEL 16:49

Ani la a hta hnumi gui cu Chang ah ng’shei ci gui, ai ah kyasei ci ung ngami cu ami ei vai da ci, ding gei sei adüm ah om ci gui, cun ung phi ngami naw dukhaih ci gui la zawken ci gui cu kä m’htei htang ci gui.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

THU PHLAAN 17:18

“Nang ah na hmuh ah hnumi nu cu khomdek khan ah ghangpughang gui uk gui ciah mang gawnu ah kyak ci,” cine pyein ci.