Biblia Todo Logo
Bib sou entènèt

- Piblisite -




THU PHLAAN 11:5 - Cho Bible Common Language 2016

5 Ngami cu plawsheh law gui ci a om ah a kyak ung, ami m’gawng ung mei lut law ne ami gaa gui cu m’khih yawp ci. Acun ah mäih ah ngami ci gui khai ah k’tha nak ci phung cu ngawn ghäm ghäm ci gui.

Gade chapit la Kopi




THU PHLAAN 11:5
13 Referans Kwoze  

Cun ah kyasei kei naw m’khoicha nak la m’dishum nak ah ka ng’thu awn ka prophet gui cu nangmi ah ka tüi lawk ci. Nangmi ungka ng’yak hlü cu ng’mimüi nak la ni kyäp nak ah kyak ci.


Ani naw dukhaih ci gui cu nik khai ah m’khoi m’cha gui ne. Am gein kaa gui cu shungvong gui khai. Ani naw ang thukhäm awn chang gui cu m’kyuk gui khai, changshe gui cu sik khai gui.


Nangmi ning ng’tuk püi gui ci cu, kei ah ka, aknipikbäih ng’tuk püi ciah kyak ci” cik ci. Cun ah kyasei M’gäi ciah Bawipa naw shin ah ng’thu na m’kan ne, a chang gui m’di ciah pakhui gui ah om nak ah ana tüih ah kyak ci.


Tuhngawi kei naw nang am changpakhui gui la uk nak kho gui cu angzung ah mawi ne, phu ne, m’di ne ghawt ne, cokyang ne geitkaw ne kyak ah huham cu ka ning pek ci nei.


A hna ung mei khu thawk ne, a shai ung mei m’lei tawt ne, mei cak ng’ling ci.


Kei naw ka chang gui prophet gui ung nami pupa gui am thumkhän la m’cäi nak cu ka pe gui ci. Cun ung phi ngami naw a i ah kä ngai u ne, acun ah amawng ma ung yaica ci gui. Cun kawn ah ngami cu ng’yu ba u neta, kei M’gäi ciah Bawipa naw ka pyen ah mäih ah ka m’kyuk gui ciah pyen ci gui.’ ”


Shin ah muimang cu, Khanpughi naw Jerusalem m’di khai ah a law ung ka hmuh ah mäih, Chebar tuinu pei ah ka hmuh ah mäih ah kyak ci. Cun ung kei cu m’dek ung hmai na ne ka ng’bawk ci.


Ka mang ung ka hmuh ah cun ah ng’se ng’cum ci gui ah ami awi k’bah ah shawiphaw gui cu, ak’ai amkim ah mei ah mäih ah sen ne yüi ci gui. Ng’se gui ah ami lu cu phongkawng ah lu ah mäih lawk ci, ami m’gawng ung mei k’däi, meikhu la ami m’äm gui lut lawk ci.


Akhnih nak ah khiküi naw küikyang ciah cäi aih vai gui m’dang ci. Chang gui ah maa ah khankho ah kaa mei cu khomdek khan ah kiak law sak ci.


Swiv nou:

Piblisite


Piblisite