THU PHLAAN 11:4 - Cho Bible Common Language 2016

⁴ Cun ah saksi pahnih cu khomdek uk ciah ma ah ng’düi ciah olive singghing pahnih la mei im pahnih ah kyak ci.

THU PHLAAN 11:4 Referans Kwoze

JEREMIAH 11:16

Kei naw ngami cu a hnah khlum ne akiom ah amtheih awn be ciah Olive sing ah ka khü gui man cu, cun ung phi tuh bäi, khaw hmum kyeek ah mäih ah a hnah gui cu mei awn m’khih ne, ang ban gui cu ka cheiuh khai.

SAM 52:8

Cun ung phi kei cu Khanpughi ah im ung ghing ciah Olive sing ah mäih ah ka kyak ci nei. Kei naw hlim ciah am hni nak cu angtäi sei ka ngaih u ci nei.

ISAIAH 54:5

Nang ning tüisho ci naw na cei ah mäih ah ning m’htei khai nei Aming cu m’gäi ciah Bawipa ah kyak ci nei. Theingcim ciah Israel Khanpughi naw ning hun khai. Ani cu khomdek uk ciah kyak ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

ROMAN 11:17

Chang gui naw olive sing k’tui ah ng’ban cu m’chün u netah, pyupying k’thui ah ng’ban awn m’dün ne ng’ling ci gui. Pyupying k’thui naw, pyupying k’tui ah ang’yung la a ghing ung kaa, a ei auk tu ah mäih ah, nang mi khui hei chang gui naw cu Jew chang gui ungka mümcha ghin nak cu nami gah tuk ci.

LUKA 11:33

Mei m’däi ci naw kä thup man ci, dawn awn phi kä uk man ci. Kyong ah lut lawk ci gui naw akdei ami gah vai ah lung k’pei yung taih ne m’däi man ci gui.

PHYAWN NAK 8:22

Cun ung phi ka chang gui ah om nak Koshen khaw hmun cu kei naw ka m’htei khai, cun ah khaw ah pikying kä om tuk khai. Cun ah ka bi ung shin ah khaw ung Kei, Bawipa naw bii ka bik ciah nang naw na hmat khai.

MIKHAH 4:13

Bawipa naw, “Jerusalem chang gui, hteit ne nami ga gui cu m’kyuk gui vä! Kei naw nang cu m’si ki na ne, kyei khopaw nak ciah sei ah mäih ah ka ning gai sak khai. Nang naw changpakhui akda cu na deeng gui khai, akshe bi ne ami gah ah khawh gui cu nangmi naw kei, m’dek khan ung avan ah Bawipa am nami na pek khai.”

1 GHANGPUGHANG GUI 17:1

Kilead kho Tisbe ungka prophet Elijah naw Ghangpughang Ahab a pyen nak cu, “Kei naw a bii ka bi ah Israel gui ah ghing ciah Khanpughi, Bawipa ah ming ung, kei naw ka ning m’thein cu, kei naw kä ka pyen ba pha ah chuih, ma lam ah kum goi ung baw, kum thum ung baw k’daam phi kä bawk khai, kho phi kä aa khai.”

THULÄÄN NAK 10:8

M’htung pei ah Bawipa naw Levit pakhui chang cu Thukhän M’küm m’htei khai m’düh ci. Ani cu taigü ah kya ne akhuut bik ci. Ani ah ming ung hriham gah ah mawng ani naw ng’shäu ci. Shin gui cu ngami ah bi vai ah kyak ci.

LUKA 21:36

Tholet ne nami om vai, gawk lawk khai ah kho ah shet nak cu m’khüt ne, chang ah Htapa ah ma ah ng’düi ne m’khoichaa nak nami awt hning vai ah angtäi sei taigü ne nami om vai nei” ci ne m’cäi gui ci.