THU PHLAAN 11:2 - Cho Bible Common Language 2016

² Cun ung phi pum im ah ak pung lam cu kä na nüt vai, a i ah kia sei ci ung, cun cu changpakhui hei gui-am ap gui ah kyak ci. Ngami naw Manggaw Theing cu cha phlikip lei-goi ung ami khaw awn leh m’hnep khai gui nei.

THU PHLAAN 11:2 Referans Kwoze

THU PHLAAN 12:6

Hnuminu cu bunghmu ah Khanpughi naw a pyan nak peitah hteit ci. A cu ah hnüüp 1, 260 ung ani cu ami m’hteihtang ah kyak ci.

LUKA 21:24

Chang amshah cu chim awn sik khai gui, amshah cu pha ne, khlei htein nah ne, a kho päng ung hteh püi khai gui. Chang khui hei gui naw ami uknak kä ang pyi pha ah chuih Jerusalem cu ami kho awn kai nak khai gui.

DANIEL 7:25

Ani naw hlüngtai ciah Khanpughi cu hnung tuk püi ne ng’thu pyen ne Khanpughi ah chang gui cu, shedam na gui khai. Ami yum nak täng ung thukhän gui la pawi gui cu ani naw m’thawng pe gui khai. Khanpughi ah chang gui cu khokum thum la avang ung ani ah huham ah ka ung om khai gui.

THU PHLAAN 11:3

Kei naw ka saksi pahnih ka tüi lawk khai nei. Ngani cu ng’yu nak sui sui ni ne, hnüüp 1, 260 ah kyong ung Khanpughi ah ng’thu cu shäu khai goi nei,” cine pyein ci.

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

ISAIAH 52:1

Jerusalem, na khüighat vai, na dämduh ba vai nei! Theingcim ciah khanpughi ah mang gaw, suinu na sui bei vai nei! Khui hei gui cu na m’kawt ung kä lut tu ba phung khai gui nei.

THU PHLAAN 22:19

A u chang phi shin ah ca-uk ungka caciim heikpai tuk ciah chang cu, Khanpughi naw shin ah caciim ung guk ah ghin nak sing ah am theih ei nak hning la theingciim ciah mang gaw ung luh nak hning cu k’phleeng pek khai nei.

MATTHE 27:53

Bawipa Jesuh sih nak ungka a thawh ba kawn ah cun ah chang gui cu, ng’cim hmun ungka lut law u ne, theingthap ciah mang gaw ung lut tu u sei, chang akda naw hmuk ci gui.

MATTHE 5:13

Nangmi cu chang nüng ah hmawk ah m’shii ah mäih ah nami kyak ci. M’shii cu atui a maih kawn ah tui ba khai ah kä pyan ba hlawt nei. Kä ei mang ba phia sei, k’tai ah ghawh ung chang gui naw kai nak ci gui.

MATTHE 4:5

Cun kawn ah khoshe naw Bawipa Jesuh cu Jerusalem, theingcim pi ciah gawnu ung, ak hlüng pibäih pum im khan ah hteh püi netah;

DANIEL 8:10

Cun cu däm law ne gaigawng law ne, khankho gakap gui la aisi gui cu ng’tuk püi ne, amshah cu m’dek ung chah ne kai nak ci.

EZEKIEL 42:20

Cun ah kyasei k’paang ah k’um cu angveing ung metre 250 bäng bäng lawk ci. Cun ah k’paang naw Theingcim ci la kä theingcim cicu m’chak ci.

THU PHLAAN 11:11

Hnüüp thum la am cawt lüng khätah, Khanpughi ungka hnun ghin nak cu kyum law ne, ngani ung lut khätah, ngani cu tho law ne ng’düi ci goi. Cun hmuk ciah chang gui cu ang htei ah cäicat ci gui.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

DANIEL 7:19

Cun kawn ah kei naw ahei gui ung kä täng tuk ciah ak phli nak ah khiküi ah mawng cu ka hmat hlü pi ci — kyihkyawk vai ah khiküi naw a sa lawh cu m’kyem ne, a kyei m’htin awn k’tüi ne, am sii haa awn htui neta kai nak ci.

NG’ÄI KYAH 1:10

Aga gui naw ani ah am küm khawh avan cu gut ci gui. Ngami cu taigü im mät ung lut u sei ani naw hmu gui ci. Cun cu chang khui hei gui kä ami hteh vai ah Bawipa naw a hüng nak ah kyak ci.

ISAIAH 48:2

Nangmi naw nami mät cu theing cim ciah mang gaw chang gui ah nami pyen ci, m’gäi ciah Bawipa ming nak ciah Israel khanpughi nami ngaih u ciah pyen ne nami khäh ghah ci.

SAM 79:1

O Khanpughi, khuihei gui naw na khaw kaan lawk ci gui nei. Ngami naw na Pumim theing ng’gogan sak u ne, Jerusalem phi m’shet ci gui nei.

KHEI NAK 14:34

Nangmi naw nami katnak ah a mawngma gui cu, khokum phlikip ung nami yaica nak khai. Khokum ät cu nangmi naw khaw nami däät nak ung ng’pyi ciah hnüüp phlikip ungka hnüüp ät ci awn ng’müi ci. Cun ung nangmi naw kei naw ka ning hnungtuk püi gui ah mawng cu nami hmat khai.

ISAIAH 5:5

Kei naw ka sapyit lo ah khan ah ka bi law vai cu shin ah kyak ci nei: a un veing ne ng’vong nak cu ka gäi khai, a cun shung nak ah k’pang cu ka phyek khai, khisa gui am ei sak ne, ka leh sak gui khai.

EZEKIEL 4:6

Cun ang pyi ah a kyak ung nak pat täng ah ng’hlat ne Judah Chang gui ah katnak ah phäh ah hnüüp phli kip ung na zaila ba khai nei ngami m’kyuk nak gui ah kum ät päng ung hnüüp ät ciah kyak ci.

DANIEL 8:13

Cun kawn ah khanchang tumat naw ahei tumat ng’shi sei ka ng’yak ci, “Muimang ung hmuh ah shin ah mawng gui cu a i güt shou khai ang? Shin ah kyih vai ah katnak cu a i güt a hnüüptä khawihnah nak ah hnün ung om khai ang? A i güt khankho gakap gui la Taigüim cu kai nak khai gui ang?”

DANIEL 8:14

Ahei khanchang naw am shan nak cu ka ng’yak ci, cun cu kho hnüüp 1150 lüng khai, Cun yah ung kho ngawi la mühun ah khawihnah nak cu a u naw kä douthak ba khai. Cun kawn ah Taigüim cu m’thou ba khai gui.

THU PHLAAN 21:10

Ani naw mümcha awn kei cu ang htei ah hlüng ciah khomhtung khan ah na hteh püi netah, Khanpughi ah khanmawpi ah kaa kyum lawk ciah theingciim ciah Jerusalem mang gaw thai cu nam hnuh ci.