THU PHLAAN 11:12 - Cho Bible Common Language 2016

¹² Cun kawn ah purofet goi-am, “Shin ung kai law nä” ciah khankho ah m’lau ne ng’khü ah k’aw cu thang lawk ci. Ngani cu gaa gui naw ami teng goi ah chung ung, khawmei ng’cum ne khankho ah kai ci goi.

THU PHLAAN 11:12 Referans Kwoze

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

LAMKTU 1:9

Cun ah ng’thu a pyän kawn ah ami hmuh ge ah Bawipa Jesuh cu, khan khaw ah kai khätah kho ng’mei naw shung sei kä hmu ba ci gui.

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

THU PHLAAN 12:5

Cun kawn ah cun ah hnuminu naw, chang ah hta avan m’si hteipawng awn uk khai ah, htapa cu hta nak ci. Cun ah htapa cu anu ah k’coi ung kaa Khanpughi ah om nak amangkiaang ung yu chaang ci gui.

THU PHLAAN 3:21

Kei cu näng nak gah ne Kapa ah mang kiaang ung ani awn a täng ah kani ngoh ah mäih ah näng nak gah ciah chang cu ka mang kiaang ung ka pei ah a ngoh nak vai ah a khin cu ka pek khai nei.

LUKA 16:23

Ani cu m’htei mei khui ah ang htei ah gein vai law aih ne khankho cu han dang netah, Abraham la a k’pat lam ah ngok ciah Layarus cu hmu goi ci. Cun ah hmu goi netah, Mangpa naw;

ISAIAH 60:8

Kho ng’mei ah mäih ah ng’phong ciah htinpaw gui la Ang bu täng ah zong ba ciah mümkha gui ah maih ah kiak ciah shin gui cu a i gui ang?

ISAIAH 40:31

Cun ung phi Bawipa naw am htei vai ah ng’ap ciah chang gui naw, thagui akthai hmuk khai gui. Ghui zongzung ah mäih ah ami ng’phia phiat ne zong khai gui, ami dawng ung phi kä bawngbai khai gui; lam ami hteh ung phi kä khüi kha khai gui.

2 GHANGPUGHANG GUI 2:5

A cu ah om ciah prophet ng’bum gui naw Elisha hteh shi neta ng’shik ci gui, “Tuh ngawi Bawipa naw na bawi cu la lawk khai cicu na hmat ne ang?” Elisha naw, “Ä, ka hmat ci nei, cun ung phi cun ah mawng cu kä mi pyen khai nei” cik ci.

2 GHANGPUGHANG GUI 2:1

Bawipa naw Elijah cu khokhi kuiphak awn khankho ah akai püi nak vai ah akhin cu gawk lawk ci. Elijah la Elisha cu Kilkala ka naw lawk ci goi.

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

ISAIAH 14:13

Nang naw khankhaw ah hang kai ne, akhlüng pikbäih ah aisi gui ah khan ah na mangkiang k’süm vai ah nakbäi te ci. Khan pughi gui ah ami ng’bum nak a siiptäng khomhtung ung ghangpughang ah mäih ah ngoh vai ah nang naw na ngai te ci.

SAM 112:10

Changshe gui naw cun cu hmu neta, m’lungshe ci gui; Ngami cu thüi ne m’thüi u ne maih khai gui; ami ngaih u nak phi ng’kawn yawp ci.

SAM 86:17

Bawipa, na ni nak cu saksi awn na m’dang ä; m’lung üp nak la m’hteihtang nak na na pek cu ami hmuh ah akyak ung, kei na thüi nak ci gui cu lü khai gui nei.

SAM 24:3

Bawipa ah khomhtung ah hang kai khai cu a u ang? A pum im theing ung va lut khai cu a u ang?

SAM 15:1

Bawipa, na pum im ung a u lut khai ang? Theing ciah nam htung Zion ung a u naw khawihnah khai ang?

2 GHANGPUGHANG GUI 2:7

prophet hmakip naw Jordan ah khüt ne läk gui ci gui. Elijah la Elisha cu tuinu pei ah ng’düi ni sei, prophet hmakip cu ng’shawng pi pi ne ng’düi ci gui.

PHYAWN NAK 14:25

Ani naw ami yatha ping gui cu ng’shüh sak gui ci. Cun ah kyasei ngami cu khak sei ng’nawn ci gui. Egypt chang gui naw, “Bawipa naw Israel gui ah hmawk ah na ng’tuk püi gui ci nei, shin ungka mi dawng khai nei” cik ci gui.