THU PHLAAN 11:10 - Cho Bible Common Language 2016

¹⁰ Cun ah purofet goi ani sih ah hmawk ah khomdek chang gui cu, yeikyai u ne, khawhchaam ng’khih ng’bah tu u ne, näng nak bik khai gui nei. A i ah kyasei ci ung cun ah purofet goi naw, chang ah hta gui cu ang htei ah ani geinvai sak ah hmawk ah kyak ci.

THU PHLAAN 11:10 Referans Kwoze

1 GHANGPUGHANG GUI 18:17

Ahab naw ani cu hmu law neta, “Shi ah nang na om ci maw — Israel khaw khüikha vai ah bi pikbäih ciah chang!” cik ci.”

THU PHLAAN 3:10

A i ah kyasei ci ung nang naw ka ng’thu cu na k’püüi ne na khäm ci, m’dek ah khan ah chang gui phawtcam gui khai ah yaica nak a gawk law hnüüp ung, nang cu kei naw ka ning ngung khai nei.

LAMKTU 5:33

Cun ah ng’thu cu kawngsi ng’vai gui naw ng’yah u netah ang htei ah m’lung she u neh ang düihpüi gui cu ngawn hlü gui ci gui.

JOHAN 7:7

Khomdek chang naw nangmi kä ning thüi na gui ci, cun ung phi ngami ah shetkat nak cu, kei naw m’dang ne pyein ngä sei, kei cu na thüi nak ci gui.

MATTHE 10:22

Kei ah hmawk ah chang naw ning gen gui khai, cun ung phi ak hnubäih ah khüt sei, düng ciah chang cu, hun phiawn nak gah khai.

MIKHAH 7:8

Mi ga naw mi khan ah ami yei nak vai a i kä om ci, mikmi mi täng ci, cun ung phi mi tho ba khai, mikmi hmüp khui ah mi om ci, cun ung phi Bawipa naw akdei na pe gui khai.

1 GHANGPUGHANG GUI 22:8

Ahab naw, “Tumat om ba ci nei, Imlah ah hta Mikaiah. Cun ung phi ani cu ka thüi nak ci, kei ah phäh ah a i phi akni ah kä ng’cäbang man ci; akshe ah va ang’täi sei pyen ci” cik ci. Jehoshaphat naw, “Cun ah kä na pyen vai” ciah pyen nak ci.

THU PHLAAN 13:14

Ani naw ak htükbäih ah khiküi ah maa ah abi hning ah cäi aih vai gui cu m’dang ne khomdek chang gui cu hmühma sak gui ci. Ani naw khim awn leim ne phi kä si ne ghing ciah khiküi m’tamkhah nak ah a gup cu pyan sak gui ci.

THU PHLAAN 13:8

Ami ngawn ah Htomehta ah ghinnak ca-uk ung khomdek khan kä a tüisho pha ge ung a guk ah, ming gui ah kawn ah k’pawih ba ciah chang phung naw khiküi cu khawihnah ci gui.

1 KORIN 13:6

M’Hni nak cu ak she ah hmawk ah yei nak kä om ci, düng nak ah hmawk ah yei nak om ci.

JOHAN 16:20

Kei naw akcang ka pyein cu, “Nangmi nami thüi kyap khai, khomdek chang gui yeikyai khai gui. Nangmi nami thüi sei khai cun ung phi nami thüisei nak cu yeikyai nak ah ng’lat yawp khai.

JEREMIAH 38:4

BAWI gui naw ghangpughang ah hteit neka ami pyen cu, “shin ah chang cu ngawn vai nei. Shinah mäih ah ng’thu pyen ne ani naw mang gaw kyong ah gakap gui cu k’tha ken sak ci. Ani naw chan gui m’htei gui vai ah a i kä bik ci, cmi nat nak vai vah ng’ya hlük ci.”

NG'THU K'THUUK~ 24:17

Na ga naw hungsai a bui awt law ung kä na yei vai, ang vawn tam ung kä na yeikyai vai.

SAM 89:42

Nang naw a ga gui am näng nak pe gui ne; ami van na yei sak gui ci.

SAM 13:4

Ka ga gui naw, “Kami tuk pyi ci nei” kä ci en u sä. Kei zu ng’kya ne ka ng’hlet ah phäh ah kä zei-en u sä.

1 GHANGPUGHANG GUI 22:18

Ahab naw Jehoshaphat pyen nak ci, “Kei naw ka ning m’thein pyi ci, ani naw kei ah phäh ah a i ah ung phi akni ah kä ng’cängbang man ci. Akshe laih laih ah va pyen ci.”

1 GHANGPUGHANG GUI 21:20

Ahab naw Elijah cu hmu neta, “Ka ga aw, kei na na hmu ne ma?” cik ci. Elijah naw, “Ä, ka ning hmuk ci nei, nang cu Khanpughi täng ah akshe akbe ah bi vai ah nang ap ci nei.

THU PHLAAN 16:10

Akhmaa nak ah khankho chang naw a eikbei ungka cu khiküi ah mangkiaang ah khan ah yuk huk khätah, khiküi ah uknak khaw avan cu mü ne hmüp yawp ne, cun ung om ciah chang gui cu geinvai u ne, ami haa htui ne kawp yawp ci gui.

THU PHLAAN 12:13

Shawk naw ani cu k’täm ne m’dek khan ah ami yuk gawt ah mawng cu hmat netah, pamihta ah hta ciah hnumi cu shui ne phak ci.

OBADIAH 1:12

Judah khaw ah na mätyah gui ah ng’yoyaw nak cu kä na teng hlü vai. Ngami ah di nak ah hnüüp ung nang cu kä na yeikyai vai. Ngami ah cümbawng ah phäh ah kä na gaih vai.

JEREMIAH 50:11

Bawipa naw pyen ci, “Babilonia chang gui, kei ah ka pakhui cu nami na gut ci nei. Nangmi cu htang leh ciah seipat ah mäih, hi ciah ng’se ah mäih ah nami yeikyai ci,

SAM 35:19

Ami gai pyen ne na gaih m’gin ne ka di vai ah, ka ga gui cu kä näng-en sak gui ä. A mawng ma a i kä om sei na thüi nak ci gui naw, ka thüi sangung kä na mik m’ghi en ah u sä.