Biblia Todo Logo
Bib sou entènèt

- Piblisite -




THU PHLAAN 10:6 - Cho Bible Common Language 2016

6 ng’shon päng ung ghing ne, khankho la khomdek, tuinu la apäng avan tüi sho ciah Khanpughi ah ming cu han be netah, “Cän kawn ah kä shou shü ba khai nei!

Gade chapit la Kopi




THU PHLAAN 10:6
14 Referans Kwoze  

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.


Akchih nak ah khankho chang naw, a eikbei ungka cu khawkhi ung yuk huk khätah pum im kyong ah mangkiaang ungka “Bi pyi ci nei” ciah k’aw cu ng’shan lawk ci.


Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,


Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,


Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.


Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.


Cä ah nami om khai ah kei naw shai katak ci, cun ung phi Kaleb la Joshua ah kawn ah a u phi kä nami om tuk khai.


Kei naw ka pyen gui cu m’thein gui ä. Kei naw Israel gui ka ghü yah ung kei naw shaitak ka bi püi gui ci. Kei naw Egypt ah ngami ah ma ah ng’dang neta ka m’thein gui cu: Kei cu Bawipa nami na Khanpughi nei.


Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.


Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.


aghaampa m’ku-lei-phli naw angtäi ah ghing ne mangkiang ung ngok ciah, Bawimang ah maa ah m’khuukdong ne, khawihnah ci gui. Ngami naw mang kiaang ah maa ah ami lukhu gui cu m’shän u netah;


Cun gui-am suinu a bawk bäng bäng pe gui netah, ngami ah mäih ah ami ngawn gui vai ah, ami teihpüi gui la ami phäi nau gui, ah ming a khüm güt, a shäng hta ami ng’düm vai ah m’cäi gui ci.


Cun ah kyasei khanmawpi la khankho chang gui yeikyai vä. Khomdek la tuinu ah phäh ah thüisei vai ah kyak ci nei. A i ah kiasei ci ung khoshebawi cu amät ah akhin apihta bäng om ba ciah hmat netah, ang htei ah m’lungshe ne ngami ah om nak ah a gawk law pyi ah hmawk ah kyak ci nei” cine a pyein cu ka ng’yak ci.


Ani naw leng ba mä ne, “Bi ng’pyi ci nei, kei cu Alpha la Omeka, tün nak la khüm nak ah ka kyak ci, tui gha ciah chang-am ghin nak ah tui cu alä ah ka awk sak khai.


Swiv nou:

Piblisite


Piblisite