THU PHLAAN 10:5 - Cho Bible Common Language 2016

⁵ Cun kawn ah tuinu la khaw kawng ung ng’düi ciah khankho chang naw, ak pat lam a kut khankho ah han shäng ne,

THU PHLAAN 10:5 Referans Kwoze

DANIEL 12:7

Khanchang naw khankho mik ah akut goi han shäng neta, angtäi ghing ciah Khanpughi ah ma ah küikyang ciah shaitak nak bik ci. Ani naw a pyen ka ng’yak cu, “Cun cu khokum thum la avang shou khai nei. Khanpughi ah chang gui ami dukdeiu nak ang pyi law ung shin gui avan cu kya yawp khai nei.

THULÄÄN NAK 32:40

Kei cu ghing ciah Khanpughi ah ka kyak ci, Kei naw ka kut shäng ne ka khäntam ci,

THU PHLAAN 16:17

Akchih nak ah khankho chang naw, a eikbei ungka cu khawkhi ung yuk huk khätah pum im kyong ah mangkiaang ungka “Bi pyi ci nei” ciah k’aw cu ng’shan lawk ci.

THU PHLAAN 14:7

Cun ah khankho chang naw, “Khanpughi cu m’tamkhah vä, a hlüngtai nak cu m’kümtou vä! Chang am khoichaa nak vai ah akhin cu gawk law pyi ci nei. Khankho khomdek, tuinu tuihta avan, tüisho ciah Khanpughi cu khawihnah vä” cine m’lau ci.

THU PHLAAN 10:2

Ani cu k’phiaat pyi ah ca k’chaw hta a kut ung kawt ci. Akpat lam a khaw awn tuinu ung ng’leh ne, ak eng lam a khaw awn khaw kawng ung ng’leh ne ng’düi netah;

THU PHLAAN 4:11

“Kami Bawipa, Khanpughi, Nang naw ang tüi avan cu na tüisho ciah kyasei, Nang ah ng’yak hlü ah ang tüi cu ghing om ciah kya ci. Cun ah kyasei bühmang nak, küikyang nak, hlüngtai nak gui cu Nang awn khinkhaa ci nei” ci ne pyein ci gui.

LAMKTU 14:15

“Paw chang gui aw, a i vai shicha na mi bi ang? Keimi phi nangmi ah mäih ah chang ah kami kyak ci nei, Nangmi naw a shin ah mäih ah bi lawh gui cu nawng shüt u neh, angtäi ghing ne, khan la kaa, tui la m’dek, ak ghing ak om avan tüi sho ciah Khanpughi cu nami yum tu vai ah, Thu Ni cu kami pyein khai ah kami lawk ci nei.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

THU PHLAAN 1:18

Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

NEHEMIAH 9:6

Cun kawn ah Israel chang gui cu shin ah taigü ci gui: Nang, Bawipa, nang bäng nei Bawipa; Nang naw khomik ung khankho la aisi gui cu na pyang ci. Nang naw khonglei, tuinu la acun ung om ci nü cu na pyang ci: Nang naw avan am ghin nak na pek ci. Khankho huham nak gui naw kawp ne ning khawihnah ci gui.

PHYAWN NAK 20:11

Khaw hnüüp chuk ung kei Bawipa naw khomdek, khankho, tuinu la a päng avan ka tüisho ci, cun ung phi a hnüüp chih hnüüp ung ka ng’düm ci. Cun cu a i ah kyasei ci ung Kei, Bawipa naw kyiin hnüüp cu hrilham pe ne ka theingciim sak ci.

ATÜNNAK 14:22

Abram naw, “Khankho la khomdek tüisho ciah A hlüngtai Pikbäih Khanpughi Bawipa ah ma ah akni ah ka ng’kiaa pyi ci nei,

HEBRU 6:13

Khanpughi naw Abraham am shaitaak nak a peit yah ung a shaitaak bä bä ah bik khai ah ng’phyun ci. Cun ung amät ah hlüngtai pi ci a u kä om ci kyasei, amät ah ming awn ng’phyun ne pyein ci.

ROMAN 1:20

Khanpughi naw shin ah khomdek khan a tüi pyan ung tün ne ani ah ng’täi ciah kä hmuh hningah hlüngtai nak la Khanpughi ah a kiak nak ah ang yung cu chang gui naw ang dang ah hmuk hmat ci gui. Cun ah ami hmuhmat cu Khanpughi ah tüi pyan gui ami hmuhmat nak awn ah kya ci. Cun ah kyasei chang gui cu ami katnak ah hmawk ah kä küi hlawt ci gui.

LAMKTU 17:23

Kei cu nami gawnu avan ung hteit shüi shüi ne, nami taigü nak gui cu teng netah, ‘Kä hmat ah Khanpughi ah’ cine ca guk ah taigü kiang tumat cu ka hmuk ci. Cun ah nang mi naw kä hmat ne nami taigü ah Khanpughi ah mawng cu tuk bäi ka ning m’thein gui ah kya ci.

EZEKIEL 20:5

Kei naw ka pyen gui cu m’thein gui ä. Kei naw Israel gui ka ghü yah ung kei naw shaitak ka bi püi gui ci. Kei naw Egypt ah ngami ah ma ah ng’dang neta ka m’thein gui cu: Kei cu Bawipa nami na Khanpughi nei.

SAM 146:5

Yeikyai nak om ciah chang cu, m’htei gui khai ah Jakob ah Khanpughi, Bawipa a Khanpughi ung ng’yung ciah kyak ci.

PHYAWN NAK 6:8

Abraham, Isaak la Jakob ni am ka pek gui vai ah, ang müi ah ka shaitak ah khaw ung, nangmi cu ka ning hteh püi gui khai; cun cu nami mät ah khaw ah kyak khai ah ka ning pe gui khai. Kei cu Bawipa nei” cik ci.

EZEKIEL 47:14

Kei naw shin ah khaw cu nami pupa gui naw ami kaa nak vai ah ka pek gui khai ah ak bäi ah shai ka tak ci; cun ah kyasei tuhbäi atäng täng ah nami ng’pai vai nei.

EZEKIEL 36:7

Kei, uktu Bawipa naw aktung ah shaitak ka bik ci, aveing ung pakhui gui cu m’shedam gui vai nei.

EZEKIEL 20:42

Kei naw nami pupa gui am ka pek gui vai ah ka shaitak ah khaw Israel ungka ning law püi ba gui ung, kei cu Bawipa ah nangmi naw nami hmat khai.

EZEKIEL 20:28

Kei naw ka pek gui vai ah shaitak ka bi ah khaw ah ka hteh püi gui ci. Ngami naw khomhtung hlüng gui la sing ghing m’kim gui ami hmuh law ung ngami naw cun gui ami van am khawihnah nak cu douthak ci gui. Ngami naw khawihnah m’khih ami douthak nak la sapyit tui douthak vai ah ami law püi nak awn kei cu na m’lungshe sak ci gui.

EZEKIEL 20:23

Cun ah kyasei kei naw a hei shaitak bung hmu ah ka bik ci. Cun ah kyasei khomdek khan avan ung ka püipiang sak gui khai, cine ka ng’taam ci.

EZEKIEL 20:15

Cun ah kyasei kei naw ka pek gui ah khaw, ng’büh mang ne anglei nik ci, khaw avan ung ni pikbäih ciah khaw ah kei naw kä ka hteh püi gui khai ah bung hmu ah kei naw shaitak ka bik ci.