THU PHLAAN 10:4 - Cho Bible Common Language 2016

⁴ Cun ah ng’hmumkyeek ciah ng’thu cu ka guk khai ah pawng ngätah, “kä na guk-en vai nei, chih vei ng’hmumkyeek ciah ng’thu cu na m’yih vai nei” ciah khankho ah k’aw cu ka ng’yak ci.

THU PHLAAN 10:4 Referans Kwoze

DANIEL 12:4

Ani naw na pyen nak ci, “Tuhbäi, Daniela, ca-uk na m’khüp vai. Khaw kä a khüt pha ah chuih cun ah khan ah m’hnüt nak na k’daih vai. Cun yah ung a i ah kya lawk ci, cicu ami hmat vai ah chang akda naw a kholä ah tha nak khai gui.

DANIEL 8:26

Mühun la kho ngawi ah khawihnah nak ah mawng muimang kei naw ka ning m’thein cu akcang ah kya lawk khai. Cun ung phi tuhbäi m’yih vai, a i ah kyasei ci ung a cun ah a kyak law nak vai cu kho ak shou lüng ba cang khai.”

DANIEL 12:9

Ani naw na m’shang ne, “Tuhbäi na hteh vai, Daniela, Shin ah ng’thu gui cu adüm ah gim ne, khaw a khüt güt ung thuh vai nei.

THU PHLAAN 22:10

Cun kawn ah khankho chang naw, “Shin ah a mawng gui a bä law nak vai ng’et law pyi ci kyasei, shin ah ca-uk ungka ng’cäi nak ah ng’thu gui cu kä na m’yih en vai nei.

THULÄÄN NAK 29:29

“Bawipa mi Khanpughi naw adüm ah shum ne ak pan amshah om ci. Cung phi ani naw ang thukhän cu m’than ci. Mikmi la mi htangshon gui naw khonglän ung mi läk vai kyak ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

ISAIAH 29:11

Prophet ah muimang ah mawng cu nangmi am ning m’zih gui vai nei; cun cu m’hziütah ca k’chaw ah mäih ah kya khai nei. Nang naw cun cu la neta, caphat thei ciah chang am phet ne aning m’thein vai ah na pyen ah a kyak ung ani naw kä ka phat khai, cik khai nei, a i ah kyasei ci ung cun cu m’hnüt ah kyak ci.

ISAIAH 8:16

Nangmi, ka ning düihpüi gui naw khanpughi naw ana pek ah ng’thu gui cu ngäng ne nami m’htei vai.

ISAIAH 8:1

Bawipa naw ana pyen nak cu, “ca guk nak vaiah ang kawmnu la neta, a cun ah khan ah ca ng’lung ang kawm gui awn na guk vai cu: ‘Ak yaang ah gutä, ang ghit ah gutä!

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

THU PHLAAN 10:8

Khankho ah ng’thu sei ka ng’yak ah k’aw naw kei-am, “Hteit ne tuinu la khomdek ung ng’leh ne ng’düi ciah, khankho chang ah kut ung k’phiaat ah ca k’chaw cu na lak vai nei” cine pyein ci.