THU PHLAAN 10:11 - Cho Bible Common Language 2016

¹¹ Cun kawn ah khankho chang naw, “Nang cu khaw akda ung, a hlü hlü ah ng’thu ciah khui päng pa päng la ghangpughang gui ah ma ah Khanpughi ah ng’thu cu ng’shäu ne na pyein ba khai nei” cine na pyen nak ci.

THU PHLAAN 10:11 Referans Kwoze

EZEKIEL 37:4

Ani naw pyen ci, “Guh gui ung ng’cängbang ä. Shin ah guh chawng gui naw Bawipa ah ng’thu ami ngaih vai ah m’thein gui ä.

THU PHLAAN 17:15

Cun kawn ah khankho chang naw kei-am, “Nang naw na hmuh ah pletbeng ciah hnumi ah ngoh nak ah tui cu khaw nüng ung a hlü hlü ah ng’thu ci gui ah khui päng pa päng, chang khli gui ah kiak ci.

THU PHLAAN 14:6

Cun kawn ah khankho ah khankho chang tumat cu yong shüi shüi sei ka hmuk ci. Ani naw mdek ah khan a khaw päng ungka a hlü hlü ah ng’thu ciah khui päng pa päng-am m’thein vai ah ang täi ah om ciah Thu Ni cu law püi ci.

THU PHLAAN 11:9

A khawpäng ungka a hlü hlü ah ng’thu ciah khui päng pa päng naw law ne, ami gook gui cu kä m’cim düt vai cine, hnüüp thum la am cawt ung teng khai gui nei.

EZEKIEL 37:9

Khanpughi naw na pyen nak ci, “Hnicim chang, khokhi ah khan ah cängbang ä. Khokhi am m’thein ä, uktu Bawipa naw thumkhän ci, akit päng ung khokhi ne, shin ah aksi pumsa gui cu ng’ghi sak ne, ghin sak gui ä.”

THU PHLAAN 5:9

ami m’cu ah ng’äi k’thai cu; “Nang cu shin ah ca k’chaw la ne, M’Hnüt nak gui khawk ne k’phian khai ah na khin ci nei, Nang cu ami ning ngawn nak la küikyan khai ah Na sih nak awn, khaw nüng ung thu a hlü hlü ah ng’thu ciah, Chang pakhui, ng’shon law phung cu, Khanpughi ah hmawk ah Na khleih ci nei.

THU PHLAAN 10:10

Kei naw khankho chang ah kut ungka ca k’chaw cu la ne ka ei ci. Cun ah ca k’chaw cu ka m’gawng ung khawitui ah mäih ah tui pang ne phi, ka yuk düh kawn ah ka chikyong ah kha ne ng’liit ci.

THU PHLAAN 11:1

Khankho chang naw kei-am nüt nak vai htung tumat na pe netah, “Hteit ne Khanpughi ah pum im la sonkiaang cu na nüt vai nei, pum im ung khawihnah ci gui phi na khei gui vai nei.

THU PHLAAN 17:10

Ghangpughang pahmaa cu sih pyi ci gui, tumat ghing ne om yah ci, tumat cu kä dang law phak ci, ang dang law ung phi a shänghta vah uk tuk khai.

THU PHLAAN 17:12

“Nang ah na hmuh ah aki ghaa cu, kä uktu phak ci gui ah ghangpughang ghaa ah kyak ci. Ngami cu khiküi awn a täng ah nayi ät hta ung huham gah tuk khai gui ah kyak ci.

JEREMIAH 25:13

Kei naw Jeremiah ung ng’thu ka pyen yah ung, changpakhui gui am ka law püi khai cine ka m’kyih nak gui ah leigai gui avan awn Babilonia cu ka m’kyuk khai — cun ah leigai gui avan cu shin ah ca-uk ung guk ah kyak ci.