THU PHLAAN 1:7 - Cho Bible Common Language 2016

⁷ Teng tu vä, Bawipa cu khawmei ung cun ne kyum lawk ci nei, chang nüng nüng naw hmuk khai gui nei, amät k’htei awn shun te ci gui naw phi hmu tuk khai gui nei. Khomdek ah khan ung chang ah hta avan cu haala yawp khai gui nei. Cun cu akcang ah kya sä!

THU PHLAAN 1:7 Referans Kwoze

MATTHE 24:30

Cun yah ung chang ah Htapa a kyum law nak vai ah a mawng cu khankho ung dang lawk khai nei. Chang ah Htapa cu khankho ah meibawk ung cum ne, chünla ciah hlüngtai nak la küikyang ciah bämang nak awn a kyum law cu khomdek chang gui naw ami hmuh ung kyap ne m’lau khai gui nei.

ZEKHARIAH 12:10

“Kei naw David ah htangshon gui la Jerusalem ung chang gui cu, m’gein nak ah mümcha la tagüi nak ah mümcha awn ka be sak gui khai. Ngami naw ami mät naw shun ne ami ngawn cu teng khai gui, a hta tumat ah phäh ah thüi kyap ci gui ah mäih ah ngami cu ani ah phäh ah thüi kyap khai gui. A hta htük chük sei thüi kyap ci gui ah mäih ah ngami cu akshe ah thüi kyap khai gui.

DANIEL 7:13

Mü ah cun ah muimang ka hmuh sangung, chang ah mäih tumat cu ka hmuk ci. Ani cu khong mei naw koi sei kei täng ah ng’et lawk ci. Cun kawn ah ani cu angtäi ah ghing ciah ma ah hteit ci, a ma ah hteh nak hning gah ci.

JOHAN 19:37

Cun kawn ah phi, “Ngami naw ami k’htei awn ami shun cu, teng khai gui nei ciah cacim ung om ba ci.

MAKUH 14:62

Bawipa Jesuh naw, “Kei cu acun nei, nangmi naw chang ah Htapa cu a hlüngtai säih ah Bawimang ah k’pat lam ah ngoh sei phi bäi, khomei ung cun ne kyum law ba sei phi bäi, nami hmu lawk khai nei” cine kyak nak ci.

LUKA 21:27

Cun kawn ah küikyang ciah hlüngtai nak la bämang nak awn be ne, ng’mei bawk ung ng’cum ne lawk ciah chang ah Htapa cu nami hmuk khai.

1 THESSALONIAN 4:17

Cun ah akhin ung ghing ne ana om ciah mikmi cu tho ba ci gui awn atäng ah Bawipa hmuh vai ah khomei bawk awn m’hleim ne khankho mik ung na kai püi gui khai. Cun ung mikmi cu angtäi sei Bawipa awn mi om khai.

1 THESSALONIAN 1:10

Cun ah A Htapa Jesuh cu Khanpughi naw sih nak ungka thawh ba sak sei, gawk law ge ciah Khanpughi ah m’lungseh nak ungka nak phiawn gui ciah Bawipa ah kyak ci nei.

MAKUH 13:26

Cun kawn ah khomei gui ah ng’lung ah hlüngtai nak la bämang nak awn kyum lawk ciah chang ah Htapa cu nami hmuk khai.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

MATTHE 26:64

Bawipa Jesuh naw, “Nang naw na pyein cu hman ci nei, kei naw akcang ka pyein cu, ngawi ah chang ah Htapa cu hlüngtai pibäih ciah Bawimang ah k’pat lam ah a ngoh la khomei bawk cun ne a kyum law ba cu nami hmu lawk khai nei,” cine pyein ci.

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

SAM 22:16

Changshe gui naw na koi u ne, ui ah mäih ah ng’na ne, ka kut kho ung na htui ci gui nei.

1 JOHAN 3:2

Ka püi gui aw, mikmi cu tuhbäi Khanpughi ah htanau gui ah mi kyak ci nei, cun ung phi ngawi ah a i ah mi kyak law vai cu kä ng’hmat pang sei phi, Bawi Khrit a kyum law ba hnüüp ung, ani awn täng ne mi om khai, amät akcang cun phi mi hmuk khai, cicu mi hmat ci.

SAM 97:2

Kho ng’mei la khomü naw ani cu koi ci; Ani naw düng nak la müi nak awn uk ci nei.

HEBRU 10:29

Khanpughi ah Htapa cu päipih ne, katnak theing sak ne Khanpughi ah thukhän thai ah kyak ciah si ng’hlui cu gaih m’gin ne, m’gein nak m’kyum lawk ciah Mumcha shetkat nak ci naw, a i hlawk ah nuipai ciah shetkat nak gah khai cicu nami ngaihtüh shüm vai nei.

JOB 33:26

Ani a taigü ung Khanpughi naw m’shang khai, Ani naw yeikyai ne Khanpughi khawihnah khai, Khanpughi naw ani cu ayan ka ah mäih ah kyak ba sak khai.

ISAIAH 19:1

Shin cu Egypt ah mawng thum’khäh ah kyak ci. Bawipa cu khongmei akyäpah ng cun ne Egypt ah lawk ci nei. Egypt gui ah amiagup gui cu ama ah ng’hlet ci gui, Egypt chang gui ami thagui maih ci.

NAHUM 1:3

Bawipa cu kä m’lungshe yäi ci. Cun ung phi ani cu huham mah ci, Akshe cu kä m’kyuk ah kä nawng ci. Bawipa ah hteh nak ah puikhaw khi ci; Akhaw a chaan ung khaw ng’mei m’vut ah thawk ci.

JOHAN 19:34

Cun ung phi gakap tumat naw Bawipa Jesuh ah am hnaak cu k’htei awn shun khätah, acun vai-am si la tui cu lut lawk ci.

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

SAM 68:1

Khanpughi tho law ne a gaa gui cu k’püi gui ci. Ani gen ciah chang gui cu dawng yawp ci gui.

SUKI GUI 5:31

O Bawipa, na ga gui ami van cu a shin ah mäih ah si u sä, cun ung phi na teihpüi gui cu hni pyii ah mäih ah ng’shü u sä! Cun ah kyasei cun ah khaw ung khawkum phli kip ung dim deih ci.

THU PHLAAN 22:4

Ngami naw Bawipa ah hmai cu hmuk khai gui, ani ah ming cu ami m’calai ung guk pe gui khai.

HEBRU 6:6

Cun ung phi, ngami cu yum nak ung lam hma pyi ci gui nei! Ngahmi cu kä ng’yu ba sak gui hlawt vai nei, a i ah kyasei ci ung ngahmi cu Khanpughi ah Htapa kutlam tung ung ngawm ba mä u ne, thui ng’aa sak ciah kyak ci gui nei.

ZEKHARIAH 12:11

Cun ah khin ung Jerusalem ah thüi kyah nak cu Mekiddo khawdo ung Hadad Rimmon ah hmawk ah thüi kyah ah mäih ah dämduh khai nei.

MATTHE 16:27

Chang ah Htapa cu apa Khanpughi ah bämang nak awn ak khankho chang gui awn a täng ah kyum lawk khai. Cun kawn ah chang gui-am, ami mät ah om ih ah ciah, m’cümhnah nak cu pe gui khai.

MATTHE 16:28

Kei naw akcang ka pyein cu, shin ung om ciah chang avan kä a sih pha ung chang ah Htapa cu Ghangpughang ah kya ne law ba khai nei” cine m’cäi gui ci.

MATTHE 25:31

“Chang ah Htapa cu khankho chang gui naw kiung u sei ghangpughang ah kya ne a kyum law ba ung näng nak mangkiang ung ngok khai.