THU PHLAAN 1:4 - Cho Bible Common Language 2016

⁴ Johan naw Asia khaw gawnu pachih ung khrithabum gui-am ca aning guk law gui cu; Zanta, tuhngawi, ngawi yä angtäi sei om ciah Khanpughi, amang kiang ah maa ah ng’tän ciah mümcha pachih la;

THU PHLAAN 1:4 Referans Kwoze

ISAIAH 11:2

Bawipa ah mümcha naw aniam cüivai nak pek khai, Ak chang gui a uknak vai ah hmuhmat nak la m’khütnäng nak cu pek khai. Ani naw Bawipa ah ang yak hlü cu hmat ne, ani cu kyih aa khai;

SAM 90:2

Khomhtung gui la khomdek khan ak ghing avan kä na tüisho pha ge ung, cau pui tün ne Khanpughi ah na kyak ci, ngawi yä Khanpughi ah na kyak khai.

HEBRU 13:8

Bawipa Jesuh Khrit cu yanta, tuhngawi, ngawi yä, käng khukhlat phung ci.

JOHAN 1:1

Khomdek kä a ng’tüi pha ung Thu cu om ci. Thu cu Khanpughi awn a täng ah om ci. Thu cu Khanpughi ah phi kya ci.

THU PHLAAN 5:6

Cun kawn ah htomehta cu khiküi paphli la aghaampa gui ah ng’lung ah mang kiaang ah lai ung ng’düi sei ka hmuk ci. Ani cu küikyan nak vai ngawn pyi ah htomehta awn täng ci. Ani ung aki chih la amik chih om ci. Cun gui cu khomdek khan avan ung a tüih ah Khanpughi ah Mumcha chih ah kyak ci.

THU PHLAAN 4:5

Mang kiaang ah kyong ung khaw lailäp ne ng’thüi ne ng’hmum kyeek ciah ak aw gui lut lawk ci. Mang kiaang ah maa ah Khanpughi ah Mumcha pachih ah kyak ciah mei im pachih cu däi ne khang ci.

THU PHLAAN 1:8

“Kei cu Alpha la Omeka, tün nak la khüm nak ah ka kyak ci” ci ne yanta, tuhngawi ngawi yä angtäi sei om ne hlüngtai pi säih ciah Bawipa Khanpughi naw pyein ci.

THU PHLAAN 3:1

Sadis khrithabum ah khankho chang-am ca gu ne peit law nei: “Shin ah ca cu Khanpughi ah Mumcha pachih la aisi pachih ah om nak naw amcäi nak ah kyak ci. Nang ah bilawh cu kei naw ka hmat ci: Nang cu ghing ciah na ng’ming thang pang sei phi na sik ci.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

ISAIAH 41:4

Shin ah kya lawk khai ah bik cicu a u ang? A u naw ang ng’shonlam manngma a kyak sak ve? Kei, Bawipa cu ang tün nak ung ka om ci, Kei, Bawipa cu akhüt nak ung phi ka om khai nei.

PHYAWN NAK 3:14

Khanpughi naw, “Kei cu Kei ah ka kyak ci” cicu na m’thein gui vai. ‘Kei ah ka kyak ci’ cik ci naw ana tüih law nei, na ci vai.

THU PHLAAN 4:8

Cun ah khiküi paphli cu, ami ng’phia pachuk ci lawk ci, ami pum akpung akyong avan ung mik bäng ah kyak ci. Amü ak hnüüp ngami cu kä ng’düm phung ne ng’äi m’cu u ne; “Aktheing, aktheing, aktheing cu Bawipa nei, Hlüngtai pi säih ne, Zanta, tuhngawi, ngawi yä angtäi ghing ciah Khanpughi nei,” ci ne m’kümtou ci gui.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

ROMAN 1:7

Cun ah kyasei Khanpughi naw ning m’hni gui ne a ning khü gui pyi ah Rom Khrithabum am shin ah ca cu ka ning guk law gui nei. Mi Pa Khanpughi la Bawipa Jesuh Khrit naw m’geinsei nak la dimdeeih nak cu ning pe gui sä.

ZEKHARIAH 3:9

Kei naw Joshua ah ma ah chih mawng nak ciah lung tumat ka m’shän khai. Cun ah lung vüt ne ca ka guk khai, shin ah khaw ah katnak avan cu khaw hnüüp ät awn ka k’täm yawp khai.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

THU PHLAAN 1:20

Ka k’pat lam ka kut ung om sei na hmuh ah aisi pachih la ghui mei ng’düi pachih ah thuuk ciah a mawng cu; mei ng’düi pachih cu khrithabum gawnu pachih ah kyak ci, aisi pachih cu khrithabum gawnu pachih ngäng ciah khanchang pachih ah kyak ci.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

2 KORIN 1:2

Mi Pa Khanpughi la Bawipa Jesuh Khrih naw m’gein nak la dim nak cu ning pe gui sä.

1 KORIN 1:3

Mipa Khanpughi la Bawipa Jesuh Khrit ah m’geinsei nak la dimdeeih nak cu nami van ah khan ah om sä.

THU PHLAAN 3:14

“Laodicea Khrithabum ah khankho chang-am ca gu ne peit law nei: “Shin ah ca cu Khanpughi ah tüisho gui ung om-maa ah kya ne, bekhüt ne, saksi akcang ah kyak ciah Amen ah m’cäi nak ah kiak ci.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

THU PHLAAN 2:12

“Perkamum Khrithabum ah khankho chang-am ca gu ne peit law ne; “Shin ah ca cu vang ah vei ghaat ciah khim shäm ci naw amcäi nak ah kyak ci.

THU PHLAAN 1:1

Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

LAMKTU 19:10

Cun ah kho kum goi ung lüng ne pyein sa ne bilo khä tah, Asia kho ung om ciah Judah chang la changpakhui hei chang avan naw, Khanpughi ah Thu Ni cu ngai ya yawp ci gui.

ZEKHARIAH 6:5

Ani naw, “Ngami cu khokhi mawng phli ah kyak ci gui, m’dek khan avan khäm ciah Bawi ah ma ungka tuhbäi lawk ci gui ah kyak ci.

LAMKTU 2:9

Mik mi cu Parthia, Media, lah Elam; Mesopotamia, Judea, lah Kappadocia,

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

THU PHLAAN 1:17

Ani ka hmuh vai-am kei cu chang k’sii ah mäih ah a khaw pei ah kiu ne ka ng’yän ci. Ani naw ka khan ah akpat lam a kut taih netah,” Kä kyikyawk ä! Kei cu tün nak la khüm nak ah ka kiak ci.

THU PHLAAN 8:2

Cun kawn ah Khanpughi ah maa ah ng’düi ci gui ah khankho chang pachih cu ka hmu gui ci. Ngami cu phyungheng pachih ami peit gui ah kyak ci.

THU PHLAAN 16:5

Cun kawn ah tui ngäng ciah khankho chang naw “tuhngawi la ngawi yä om ne, theingciim ciah Bawipa, nam khoichaa nak cu bä ne chün ci nei.

THU PHLAAN 22:8

Shin ah a mawng ama gui hmu ng’yak cicu kei Johan ah ka kyak ci nei. Kei naw shin ah a mawng gui ka hmuh ng’yak kawn ah kei cu khankho chang ka khawihnah khai ah a khaw pei ah ka kawp ci.

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”