THU PHLAAN 1:3 - Cho Bible Common Language 2016

³ Shin ah mawng gui a khüm law nak vai ng’et law pi ci kyasei, shin ah ca phat ciah chang phung la shin ah ng’cäi nak ah ng’thuthuuk ngai ng’yak ciah chang phung ni, shin ung guk ah thuthuuk läk ciah chang gui phung cu, yeikyai nak om ci nei.

THU PHLAAN 1:3 Referans Kwoze

LUKA 11:28

Cun ung phi Bawipa Jesuh naw, “Khanpughi ah ng’thu ngai ne läk ciah khan ah yeikyai nak om sä, ci ung ni pi khai nei” cik ci.

THU PHLAAN 22:10

Cun kawn ah khankho chang naw, “Shin ah a mawng gui a bä law nak vai ng’et law pyi ci kyasei, shin ah ca-uk ungka ng’cäi nak ah ng’thu gui cu kä na m’yih en vai nei.

ROMAN 13:11

Nang mi cu nami ih nak ungka nami thawh nak ba vai ah a khin gawk law ciah nami hmat pyi ci kya sei, ng’yumhni tu ne nami om vai. A i ah kya sei ci ung mikmi naw hun nak mi gah nak vai ah khaw hnüüp cu, mi yum law nak htük ah mä, ang et law pi k’täi ah hmawk ah kyak ci.

1 PETER 4:7

Kho ah khüt nak vai ng’et lawk ci. Nami taigü nak hning vai ah htingling ne cüivai ne nami om vai.

NG'THU K'THUUK~ 8:34

Kei na ngai ciah chang cu — A hnüüp tä ka m’kawt pei ah ng’düi ne, ka im kawt ung lut khai ah ngäng ciah chang cu yeikyai nak om khai.

THU PHLAAN 22:12

Bawipa Jesuh naw, “Ngai vä, kei ka kyum law ge ci nei. Chang gui-am ami mät ah bi ah ciah peit gui vai ah m’cümhnah nak cu ka law püi khai nei.

2 PETER 3:8

Cun ung phi teih püi gui aw, tumat kä nami m’hnih vai cu, Bawipa ung kho hnüüp ät la khokum phia-ghaa cu ang lak kä om ci, a täng ah kyak ci.

THU PHLAAN 22:20

Shin ah a mawng gui yuk pyein ciah Bawipa naw, “Kei akcang ah ka kyum law ge vai ci nei,” cine pyein ci. Cun cu akcang ah kya sä, Bawipa Jesuh yu kyum law ä!

MATTHE 24:15

“Profet Daniel ah pyein ah kyihkyawk tükyai vai kyak cicu a theingcim nak ung ng’düi sei nami hmuk khai. (Ca phat ci naw, shin ah mawng cu ang ngaih thei vai.)

ROMAN 13:12

Khaw ah mü nak ng’pyi law ne, khaw cu thai law ghi ghi ci nei. Cun ah kya sei mikmi cu, hnüp khui ah ng’yak hlü ah om ih nak gui cu mi nawng shüt ne, akdei ung gaa tuk nak vai ah li khim cu mi pawng püi khai nei.

THU PHLAAN 3:11

Kei ka gawk law ge vai ci nei, nang ung om cicu m’htek ne khäm ge ä, cun ung nang ah näng nak ng’chuh cu a u naw kä ning gut hlawt khai.

JEREMIAH 51:61

Seriah ka m’thein cu, “Nang cu Babilon ah na gawk ah a kyak ung, chang gui ah ma ah shin ung guk nü avan cu m’lau ne ng’htei khai ah na phat vai.