THU PHLAAN 1:2 - Cho Bible Common Language 2016

² Johan naw Khanpughi ah ng’thu la Jesuh Khrit ah m’dang ah düng nak cu a hmuh ah mäih bä bä ah a guk ba ah kyak ci.

THU PHLAAN 1:2 Referans Kwoze

1 KORIN 1:6

Keimi naw kami pyeinsak ah Bawi Khrit ah mawng cu nami m’lung kyong ung phung ghing ne khäng pym ci.

THU PHLAAN 12:17

Cun kawn ah shawk cu ang htei ah m’lungshe netah, k’pawih ba ciah hnuminu ah a hta ng’shon gui ah kyak ciah Khanpughi ah ng’thukhän läk ci gui la, Bawipa Jesuh ah dang sak ah düng nak ung bekhüt ci gui cu, ng’tuk püi gui khai ah ng’düi law ne hteit ci.

1 JOHAN 1:1

Ghin nak ah Thu ah mawng ca kami ning guk lawk ci, cun ah Thu cu ak htük ge ung om ciah kyak ci. Cun ah Thu cu mi ng’yak ci, mi mik awn mi hmuk ci, mi kut awn mi tawn ci.

JOHAN 21:24

Shin ah a mawng gui pyein ne gu ne m’dang cicu ani ah kyak ci. Ani ah pyein gui küm ciah mikmi naw mi hmat ci.

JOHAN 19:35

(Shin ah a mawng gui cu nangmi naw phi nami yum tu vai ah hmu tuk ci amät naw a pyein ah kyak ci. Ani ah pyein cu hman ci, ani naw amät akcang a pyein phi hmat ci.)

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

LAMKTU 26:16

Nang cu kei ah bi na bik khai, ka ning m’düih khai ah, tuk bäi ka lawk ci. Tuk ngawi na hmuh gui ah a mawng ama gui la, ngawi ah ka ning m’hnuh law vai ah a mawng ama gui cu, nang naw chang hei gui ah ma ah saksi ne na pyein khai.

JOHAN 12:17

Bawipa Jesuh naw Lasaruh cu ng’cim hmun ungka khü ne sih nak ungka am ghin ba cu hmu tute ciah chang gui naw,

THU PHLAAN 6:9

Htomehta naw ak hma nak ah mhnüt nak cu khawk ne hmawng khätah, Khanpughi ah ng’thu ami ng’shäu ah hmawk la bekhüt ne ami saksi ah hmawk ah ami ngawn gui ah mümcha gui cu, sonkiaang ung om u sei ka hmu gui ci.

1 JOHAN 4:14

Khomdek chang gui ah Hunbawi ah kyak khai ah Khanpughi naw Ahtapa am kyum law cu mi hmu ne mi ng’shäu ah kyak ci nei.

1 KORIN 2:1

Phäinau gui aw, kei naw nangmi ah law ne, Khanpughi ah ng’düngcim ciah hmuhmat nak awn kä ka pyein ci.

LAMKTU 4:20

Kei mi läi kami hmuh lah kami ng’yak cu kä pyein ah kä ka mi om hlawt khai nei” ci neh kyak nah gui ci gui.

JOHAN 3:11

Kei naw akcang ka pyein cu, keimi naw kami hmat cu pyein u ne, kami hmuh cu kami ngak ci. Cun ung phi keimi ah pyein sak cu nangmi naw kä nami yum ci.

JOHAN 1:32

Cun kawn ah Johan naw, “Müüm bawk ah mäih lawk ciah Mumcha Theing cu, khankho ah kaa kyum law ne, alu khan ah ngo law sei ka hmuk ci.

THU PHLAAN 12:11

Mi phäi nau gui naw Htomehta ah si awn la ami ng’shäu ah ng’düng nak awn Satan cu m’khüt pyi ci gui nei. Ngami cu ami hnun gui apit ung phi kä ng’hlat khai gui nei.

3 JOHAN 1:12

Chang nüng naw Demetrius ah ni nak cu pyein ci nei, thudüng mät naw phi ani ah ni nak cu dang sak ci nei. Keimi naw ani ah ni nak cu kami be sak hlük ci, Keimi ah thu ang düng ah mawng cu, nangmi naw nami hmat ci nei.

LAMKTU 22:15

Nang cu na hmuh na ng’yaak gui a van na pyein khai ah cun ah Bawi ah saksi ah na kya khai nei.

THU PHLAAN 1:11

Acun ah k’aw naw, “Na hmuh ng’yak gui phung cu ca ung guh ne, Ephesus, Smirna, Perkamum, Thiatira, Sadis, Philadelphia, Laodicea gawnu gui ung Khrithabum gui-am na peit gui vai nei” cine pyein ci.

THU PHLAAN 20:4

Cun kawn ah mangkiaang gui cu ka hmuk ci. Cun ung ngok ci gui cu m’khoichaa nak vai ah huham ami peit gui ah kyak ci. Cun kawn ah Bawipa Jesuh ah m’dang ah düng nak la Khanpughi ah ng’thu ami pyein ah hmawk ah ami ngawn gui ah, ami mümcha gui cu ka hmuk ci. Ngami naw khiküi la ani ah gup cu kä khawihnah ci gui. Ami m’calai la ami kut ung phi khiküi ah m’hnüt nak cu kä la tuk ci gui. Ngami cu ghing ne tho law ba u ne, Bawi Khrit awn atäng ah khokum phiaa ghaa ung ghangpughang ah mäih ah uk tuk ci gui.

THU PHLAAN 22:21

Bawipa Jesuh am geinsei nak cu nami changsing ah khan ah om sä! Amen.