THU PHLAAN 1:18 - Cho Bible Common Language 2016

¹⁸ Kei cu ghing ne om ciah ka kyak ci, kei cu ka si te ci, cun ung phi tuhbäi hta ng’shon ung ghing ne ka om ci. Sih nak la sihnak ah khaw ah khan ah kei ah huham cu om ci.

THU PHLAAN 1:18 Referans Kwoze

ROMAN 6:9

Bawi Khrit cu sih nak ungka tho ba pyi ci kya sei, ani ung sih nak kä om ba phung khai, sih nak naw ani cu kä uk ba hlawt khai.

HEBRU 7:25

Cun ah kyasei ani ah ang ming ung Khanpughi ah lawk ciah chang gui phung angtäi sei hun gui ci. A i ah kyasei ci ung Bawipa cu cun ah chang gui ah hmawk ah Khanpughi ah ng’coi ng’pak khai ah, angtäi ah a ghin ah hmawk ah kyak ci.

SAM 68:20

Mi Khanpughi cu na hun gui ciah Khanpughi; Ani cu sih nak ung ka nak phyawn gui ciah Bawipa mi Bawipa ah kyak ci.

THU PHLAAN 3:7

“Philadelphia Khrithabum ah khankho chang-am ca gu ne peit law nei: “Shin ah ca cu ng’ciim ne ng’düng ciah ng’cäi nak ah kyak ci. Ani naw David ah m’kawt k’hnawn nak cu kawt ci, ani naw m’kawt ak hnawn ung a u naw kä khai hlawt ci, ani naw m’kawt a khai ung a u naw kä k’hnawng hlawt ci.

ISAIAH 22:22

Kei naw David ah hta ng’shon, ghangpughang ah aka ung huham akbe ah ka pek khai. Ani cu yung m’kawt hmawn nak ah htawh ah kya ne; ani naw ak hmawn cu a u naw kä khai khai, ani naw a khai cu a u naw kä hmawng khai.

HEBRU 12:2

Tün nak ungka naw pyii nak ung khüt sei, mi yum nak ah ang yung ah kyak ciah Bawipa Jesuh cu ng’kheing sei mi teng khai nei. Ani cu kutlamtung ah mawng ung käm lung k’si phung ci, Bawipa cu ani ung gawk lawk khai ah yeikyai nak ah hmawk ah kutlam tung ung käng yocho phung ne sih nak aut netah Khanpughi ah mang kiang k’patlam ung ngok ci.

MATTHE 16:19

Kei naw nang-am khankho hmawn nak ah htawh gui cu ka ning pek khai. Khomdek khan ung nang naw na khih pawn cu, khankho ah phi khih pawn nak om khai. Khomdek khan ung nang naw na chah cu khankho ah phi chah nak om khai,” cine pyen nak ci.

THU PHLAAN 20:14

Cun kawn ah sihnak la sihnak ah khaw avan cu meidäi ung yuk shum ci gui. (Cun ah meidäi cu akhnih vei nak sihnak ah kyak ci.)

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

KALATIAN 2:20

Cun ah kyasei kei kä ka ghing ba ci, Bawi Khrit cu kei ung ghing ci. Tuhbäi ka ghin nak cu Khanpughi ah Htapa ka yum nak awn ka ghin ah kyak ci, cun ah Htapa naw kei nam hni ne, kei ah hmawk ah a hnun gui pe pyi ci.

THU PHLAAN 4:9

Mang kiaang ung ngo ne, angtäi sei ghing ne om ciah Bawimang ah bühmang nak, hlüngtai nak, küikyang nak gui cu, khiküi paphli naw ng’äi m’cu ne m’kümtou ci gui. Acun päng ung,

HEBRU 7:16

Ani taigü ah a kyak law cu, chang ah thukhän thungyo awn ah kä kiak ci, käng pyii hlawt ciah ah ghin nak ah hlüngtai nak awn ah kyak ci.

2 KORIN 13:4

Bawipa cu kutlam tung ung ami ngawn yah ung ak tha ken ciah mäih ah a kyak ung phi, tuhbäi Khanpughi ah hlüngtai nak awn ghing ne om ci nei. Ani ung mi kawng ät nak ung mikmi phi mik tha ken te ci; cun ung phi, Khanpughi ah hlüngtai nak awn, Bawi Khrit ung a täng ah ghing ne, nangmi awn mi ng’hmu teng khai nei.

JOB 19:25

Cun ung phi ak hnukbäih ah gawk law ne kei ah phäh ah ng’thu pyen khai cu khankho ah om ciah ka hmat ci nei.

THU PHLAAN 9:1

Cun kawn ah ak hma nak ah khankho chang naw ak phyungheng cu tum khät ah khomdek khan ah aisinu tumat kya law sei ka hmuk ci. Cun ah aisi cu m’htei lungkhui hmawn nak vai ami peit ah kya ci.

JOHAN 14:19

Nangmi ah om nak ah kei ka law ba khai. Ashäng shäng ung m’dek chang gui naw kei kä na hmu law ba khai gui, cun ung phi nangmi naw nami na hmuk khai; a i ah kyasei ci ung, Kei ka ghing ci kyasei nangmi phi nami ghing khai.

KOLOSE 3:3

Nangmi nami sih ung nami hnun gui cu Bawi Khrit awn Khanpughi ung ng’thup ciah kyak ci.

SAM 18:46

Bawipa cu ghing ne om ci kyasei, kei ah ka ng’shung nak cu hlüngtai sä! Na hun ciah Khanpughi ah bämang nak cu ng’shäu vä.

THU PHLAAN 5:14

Khiküi paphli naw, “Amen” cine m’shang gui ci gui. A ghaampa gui naw, kawp ne khawihnah ci gui.

1 SAMUEL 2:6

Bawipa naw hnun gui m’sih ci hnun gui m’ghin ci; ani naw chang gui sih nak ah khaw ah tüi gui ci, law püi ba gui ci.

JOB 38:17

Sih nak ah khomü häng nak ah m’kawt cu tumat mat naw ning m’hnuh man ne ang?

MATTHE 11:23

Aw Kapernaum gawnu, nang cu khankho ah khüt khai ah, m’hlüngtai nak na gah khai ah na ngai ci ma? Nang cu m’hteikho ah khüt sei yuk buh nak na gah khai nei. Nang ung kamdang ah cäi aih gui vai cä, Sodom gawnu ung kamdang vai sü ung, cun ah gawnu cu tuhgüt om khai süte.

LUKA 24:5

Cun ah hnumi gui cu kyi ne kawp u khätah, cun ah chang goi naw, “A i ah kyasei ghing ne om cicu aksi ah om nak ah nami shui ang?

JOHAN 11:25

Bawipa Jesuh naw, “Kei cu thawh nak ba la ghin nak ah ka kiak ci, kei na yum ciah chang cu, a sih ung phi ghing ba khai;

THU PHLAAN 2:8

“Smirna Khrithabum ah khankho chang-am ca peit law nei; “Shin ah ca cu tün nak la khüm nak ah kya ne, sihnak ung ka tho ba ciah m’cäi nak ah kya ci.

THU PHLAAN 6:8

Kei naw teng netah, ng’se amvaw tumat cu ka hmuk ci. Cun ung ng’cum ciah ang ming cu sihnak ah kyak ci. Ani ah hnu ah m’htei khaw naw läk lawk ci. Ngami naw khomdek ah khan, k’bum phli ung kaa k’bum ät ung om ci gui cu, ng’tuk nak, khaw ah yaw nak, lei ah sou nak, ng’plouh ah kiun nak, gui awn sihnak vai ah huham cu gah ci gui.

THU PHLAAN 10:6

ng’shon päng ung ghing ne, khankho la khomdek, tuinu la apäng avan tüi sho ciah Khanpughi ah ming cu han be netah, “Cän kawn ah kä shou shü ba khai nei!

THU PHLAAN 15:7

Khiküi paphli ungka tumat naw, hta ng’shon ung om ciah Khanpughi ah m’lungshe nak awn be ciah ghui khawk chih cu khankho chang pachih-am pe gui ci.

THU PHLAAN 20:13

Tuinu naw ani ung om ciah aksi gui cu ap lawk ci. Sik nak la sihnak ah khaw naw phi ngami ung om ciah aksi gui cu ap lawk ci gui. Aksi gui ami van cu ami mät ah bilawh a ciah m’khoichaa nak gah ci gui.