THU PHLAAN 1:15 - Cho Bible Common Language 2016

¹⁵ A khaw cu mei ung m’hling ne m’tui ah kyeicee ah mäih ah tui ne ak aw cu tuinu gaai ne ang hüüt ah mäih ah ng’hmum ci.

THU PHLAAN 1:15 Referans Kwoze

EZEKIEL 43:2

acun ung Israel Khanpughi ah dei ne ng’shü ciah akhang cu ak kyang täng ah ka law sei kei naw ka hmuk ci. Khanpughi ah ak’aw cu tuinu ah ng’güt ah mäih ah ng’hmum ci, khomdek khan cu dei ne khang ci.

DANIEL 10:6

Ani ah pumsa cu pyülung ah mäih ah vai ci, ani ah hmai cu kho lailäp ah mäih ah khang ci, amik cu mei ah mäih ah ng’shü ci. Ani ah akut gui la a khaw gui cu kyei m’tui ah mäih ah vai ci. Ani ah ak aw cu chang hli nän ah k’aw ah mäih ah ng’hmum ci.

THU PHLAAN 14:2

Khanmawpi ah ng’güüt ciah tuinu la khaw ng’hmum ah mäih ah ng’shan ciah k’aw cun phi ka ng’yak ci.

THU PHLAAN 19:6

Cun ung chang khli ng’nään ah k’aw, tuinu ah ng’hmum k’aw la kho ng’hmum ah mäih k’aw cu ka ng’yak ci. Cun ah k’aw naw, “Khanpughi cu m’kümto vä, hlüngtai pi k’bäih ciah Bawipa mi Khanpughi cu Ghangpughang ah kyak ci nei.

THU PHLAAN 2:18

“Thiatira Khrithabum ah khankho chang-am ca gu ne peit law nei! “Shin ah ca cu, a mik meidäi ah mäih ah ng’shü ne, kyei m’tui ah mäih ah pyü sei khaw nak ciah, Khanpughi ah Htapa ah m’cäi nak ah kyak ci.

SAM 93:4

Bawipa naw hlüngtai ne khan kho cu uk ci, Ani cu tuinu ah gaai ah mä dämduh pi ne, tuinu ah ng’hnawh ata hlüngtai pi ci nei.

EZEKIEL 1:7

Ami khaw cu yäih ne vantang ah khawpaw ah mäih khawpaw nak ci gui. Hoofs Ngami cu kyei m’tui ah mäih ng’shü ci gui.

EZEKIEL 40:3

Ani naw na ng’et sak khäta, kyei ah mäih ah pyi ciah chang tumat cu ka hmuk ci. Ani cu nüt nak vai ah linen gui la nüt nak ah htung cu kawt ne, m’kawt ung ng’düi ci.

ISAIAH 17:13

Chang pakhui gui cu tuinu ah ng’güüt ah mäih ah ma lam gawk lawk ci gui. Cun ung phi khanpughi naw k’ceet gui sei, ngami cu ng’hlat u ne, khokhi naw m’htung pem ung m’vut azon ah mäih ah, küiphak naw htang kou a zon ah mäih ah kyak ci gui.

EZEKIEL 1:24

Ami zon ung ami ng’phia ami khäp ah k’aw cu ka ng’yak ci; cunah k’aw cu tuinu ah gaai ah mäih, gakap maknu ah k’aw ah mäih, m’gäi ciah khanpughi ah k’aw ah mäih ah kyak ci. Ami zon ami ng’düm ung, ami ng’phia chum ba ci gui,

THU PHLAAN 10:1

Cun kawn ah khankho ah kaa m’gääi ciah khankho chang tumat kyum law sei ka hmuk ci. Ani cu khongmei sui ne ng’hlawp ci, alu cu yapi naw koi ci, a hmai cu khohni ah mäih lawk ci, a khaw gui cu mei ah däi ciah k’tung gui ah mäih lawk ci.