THU PHLAAN 1:1 - Cho Bible Common Language 2016

¹ Shin ah ca-uk cu Bawi Khrit ah m’dang ah muimang thu phlaan gui guk ah kyak ci. Khanpughi naw shin ah Thu Phlaan a peit ah mawng cu, ak changshäm gui-am kä shou pha sei gawk law ge khai ah amwang gui am thein nak gui ah kyak ci. Bawi Khrit naw ak khankho chang cu Johan ah om nak ah tüi law netah, shin ah Thu phlaan cu a hmat sak ah kyak ci.

THU PHLAAN 1:1 Referans Kwoze

THU PHLAAN 22:16

“Kei Jesuh naw nangmi Khrithabum gui-am shin ah a mawng gui cu shäu ne ning m’thein gui khai ah ka khankho chang cu ka tüi lawk ci nei. Kei cu David ah hta ng’shon ah ka kyak ci, ng’shü ne khang ciah thaihke aisi ah phi ka kyak ci.”

THU PHLAAN 22:6

Cun kawn ah khankho chang naw kei-am, “Shin ah ng’thu cu ng’düng ne ng’ciim ciah ng’thu ah kyak ci. Purofet gui cu ang mumcha awn be sak gui ciah Khanpughi naw kä shou pha sei kia lawk khai ah a mawng gui cu, ak chang gui-am m’dang gui khai ah, khankho chang cu tüi law pyi ci nei” cine pyein ci.

KALATIAN 1:12

Kei naw chang tumatmat ungka ka gah ah kä kyak ci, chang tumatmat naw a nam theingthang ah phi kä kyak ci. Bawipa Jesuh Khrit amät naw khän ne a nam dang ah kyak ci.

AMOS 3:7

Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.

EPHESIAN 3:3

Khanpughi naw thuuk ciah a pawngpüi gui cu kei-am nam thein ci. (Shin ah mawng cu ak tawi ah kei naw ka gu pyi ci,

THU PHLAAN 1:19

Tuhbäi kaa gui la ngawi ah gawk lawk khai gui na hmuh phung avan cu, na guk vai nei.

DANIEL 9:23

Nang naw Khanpughi ah na ng’coipa sangung ani naw ning m’shang ci. Ani naw ning m’hni gui ci, cun ah kyasei ani naw a ning m’shan nak gui cu kei naw law püi ne ka ning m’thein gui ci. Tuhbäi muimang phlan ne ka ning m’thein gui yah ung geing na ne nami ngaih vai nei.

THU PHLAAN 1:9

Kei cu a khawpäng ciah chang gui naw ami bui awt ah geinvai nak awt ciah nami paw, Bawipa Jesuh ah chang, nami phäi Johan ah ka kiak ci. Kei cu Bawi Khrit ah düng nak la Khanpughi ah ng’thu ka shäu ah hmawk ah, patmos ng’lei ung ami na üüp ah kyak ci.

JOHAN 3:32

Ani naw a hmuh la ang yak cu pyein sei phi ani ah ng’thu cu a u naw kä dou ci.

DANIEL 9:21

Kei ka taigü sangung muimang ung kei naw ka hmuh te ah Kabriela cu kei ka om nak ah yong ne lawk ci. Cun cu douthak vai ah mühun täng khawihnah nak ah a khin ah kyak ci.

JOHAN 15:15

Tuhbäi ung tün ne changshäm ah kä ka ning khü ba gui ci, a i ah kyasei ci ung, changshäm naw khuimah ah bilawh kä hmat ci. Kapa ah ng’thu kang yak avan cu ka ning m’thein gui pyi ah kiasei, tuhbäi ung tün ne ‘Teihpüi’ ah ka ning khü gui ci.

DANIEL 8:16

Cun kawn ah Ulai tuinu täng ah ka, ng’khü ah k’aw cu kei naw ka ng’yak ci, “Kabriela, ani naw a hmuh ah a mawng cu ani am m’thein ä.”

SAM 25:14

Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.

THU PHLAAN 4:1

Cun kawn ah ka mang ung Khanmawpi ah m’kawt ng’hmawng sei ka hmuk ci.

JOHAN 12:49

A i ah kyasei ci ung, kei naw kamät ah ngaih ah thu ka pyein ciah kä kyak ci, na tüi lawk ciah Kapa ah huham awn ng’thu ka pyein ah kyak ci.

JOHAN 8:26

Nangmi ah mawng ka pyein vai akda om ci, nami katnak ka ning m’kat gui vai phi akda om ci. Kei na tüi lawk cicu düng ci, ani ung kang yak gui bäng vah, khomdek chang gui-am ka ning m’thein gui ci,” cine pyen na gui ci.

THU PHLAAN 21:2

Khanpughi ah khanmawpi ungka theingcim ciah Jerusalem mang gaw thai cu a cei awn ng’hmu lawk khai goi ah ng’laamihta ah ng’bilaw ah mäih ah kyum law sei ka hmuk ci.

ROMAN 16:25

Khanpughi ah bämang nak cu mi m’hlüngtai khai nei! Ani naw nang mi ah yum nak cu ning khänhtek sak gui ci nei. Kei naw Bawi Jesuh Khrit ah mawng Thu Ni ka ng’shäu nak ung shin ah ka pyein ci, cau puipui tüi ne ng’thup ne om ciah ng’yih ciah ng’düng nak naw phi acun na m’dang ci.

JOHAN 17:8

Nang ah na peit ah Thu Ni cu, kei naw ngami-am pe gui ngä sei, ngami naw dou ci gui nei. Nang ungka kei ka law cu akcang ah kyak ci, ci cun phi hmat pyi ci gui, nang naw kei na na tüih law cun phi yum pyi ci gui nei.

TITUS 1:1

Kei Paul, Khanpughi ah changshäm la Jesuh Khrit ah ng’düihpüi naw ca ka gu lawk ci nei. Khanpughi naw a ghü ah chang gui ah yum nak shawihkhem gui vai la mi yum nak ah düng ciah m’theithang nak lam shüm gui vai ah kei cu ghü ne ana tüih ah kyak ci.

THU PHLAAN 5:7

Cun ah htomehta naw law ne mang kiaang ung ngok ciah k’pat lam kut ungka ca k’chaw cu lak ci.

THU PHLAAN 17:1

Khankho chang pachih ungka eikbei chih kawt ciah khankho chang tumat cu kei ah law netah, “Lawä! Tuinu gui ah pei ah ami sak ah mang gaw ah kyak ciah pletbeng ciah hnumi ami m’shetkat law cu ka ning hmuh sak khai nei.

THU PHLAAN 19:9

Cun kawn ah khankho chang naw, “Shin cu na guk vai nei, Htomehta ah hta m’um nak ung ami khü gui ah chang gui cu yeikyai nak om ci nei” cinetah leng ba mä ne, “Shin ah ng’thu cu Khanpughi ah ng’thu akcang ah kyak ci nei” cine na pyen nak ci.

THU PHLAAN 19:10

Cun ah kyasei kei naw a khaw pei ah kawp ne ka khawihnah khai pawng ngätah, khankho chang naw, “Kä na bi vai! Kei cu nangni, na phäi nau gui ni, Bawipa Jesuh ah m’dang ah ang thu düng läk ciah chang gui ni ah püipaw changshäm ah ka kyak ci, Khanpughi vah na khawhnah vai” cine na pyen nak ci. Bawipa Jesuh ah m’dang ah ng’thu düng awn vah purofet gui cu hnün thawh nak gah ci gui.

THU PHLAAN 21:9

Leigaai mawng chih awn be ciah eikbei chih kawt ciah khankho chang pachih ungka tumat cu kei ah law netah, “Law ä, Htomehta ah k’chu vai ah ng’laamihta cu ka ning m’hnuh khai nei” ci ne pyein ci.

THU PHLAAN 22:1

Khankho chang naw kei-am ghin nak tui ah lon nak ah tuinu phi na m’hnuh ci. Cun ah tuinu cu k’pyülung ah mäih ah vai ne, Khanpughi ah Htomehta ah mang kiaang ungka mang gaw ah gaw ng’lung lam nu ung yu long vük ci.

THU PHLAAN 22:8

Shin ah a mawng ama gui hmu ng’yak cicu kei Johan ah ka kyak ci nei. Kei naw shin ah a mawng gui ka hmuh ng’yak kawn ah kei cu khankho chang ka khawihnah khai ah a khaw pei ah ka kawp ci.

THU PHLAAN 22:9

Khankho chang naw, “Shik cha ah kä na bi vai, kei cu nang ah püipaw ah ka kyak ci, na phäi nau purofet gui la shin ah cauk ung om ciah cacim läk ciah chang gui ah püipaw ah phi ka kiak ci, Khanpughi bäng na khawihnah vai nei” ci na kyak nak ci.