THUSHÄUTU 9:9 - Cho Bible Common Language 2016

⁹ Na m’hni ah hnumi awn yeikyai ne om ä, cun cu shin ah khomdek khan ung na ghin hta yah ung Khanpughi naw aning pek ah akholä ah ghin nak ah kyak ci. Akholä ah kyak ciah a hnüp tä yeikyai ä, a i ah kyasei ci ung cun cu na khüikha nak avan ah phäh ah nang naw na gah vai avan ah kyak ci nei.

THUSHÄUTU 9:9 Referans Kwoze

THUSHÄUTU 2:10

Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

MALAKHI 2:15

Ani awn pum ät, mümcha ät ah Khanpughi naw ning tüi pyang ciah kä kya ne ang? Shin ung Khanpughi ah ng’bü nak cu a i ang? Cun cu Khanpughi ah chang akcang ah kyak ciah nami hta nau vai ah hmawk ah kyak ci. Cun ah kyasei nangmi ungka a u naw phi a chu ah khan ah a shaitak kä am shet en vai ah nami bi vai nei.

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

THUSHÄUTU 3:13

Mikmi, mi van naw, ei ne, aw ne, mi bi lawh gah tang awn yeikyai vai ah kyak ci. Cun cu Khanpughi ah m’cümhnah nak ah kyak ci.

THUSHÄUTU 7:15

Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

NG'THU K'THUUK~ 19:14

Chang naw anupa ah khawh la im cu pakhui m’dung hning ci, Cun ung phi langkha ciah chu cu Bawipa bang naw pe hning ci.

NG'THU K'THUUK~ 18:22

Chumah ciah chang cu akni hmuk ciah kyak ci. Acun naw Bawipa naw nang ah khan ah ani nak cu m’dang ci.

SAM 144:4

Ani cu khokhi goh ah mäih ah kyak ci; Ani ah kho hnüüp gui cu ng’kon ciah püpüi ah mäih ah kyak ci.

SAM 39:5

Ka ghin nak a i aih ah na tawi sak ci ang? Nang lam ah kei ah ghin nak cu a kho lä ah kyak ci nei. Akcang ah hni cim chang cu kho häi hlawk ah phi kä kyak ci nei,

ATÜNNAK 26:8

Acu ah ami om tu sho hta shäng khäta, Abimelek ghangpughang cu a im kawt ung yu mang neta, Isaak la Rebekka cu ng’yumhni tu ni sei hmu goi ci.