THUSHÄUTU 9:8 - Cho Bible Common Language 2016

⁸ Angtäi sei yeikyai ne lünlawi ä.

THUSHÄUTU 9:8 Referans Kwoze

THU PHLAAN 19:14

Khankho gakaap gui naw, ak theing bäng bäng sui u ne, ng’se bawk bäng bäng ng’cum u ne a hnu ah läk ci gui.

THU PHLAAN 19:8

Ani cu a suisak vai ah theing ne ng’ciim ciah sui phi gah pyi ci nei. (Sui k’ni cicu Khanpughi ah chang gui ah om ih k’ni ah kyak ci.)

THU PHLAAN 7:9

Cun kawn ah teng ba netah a u naw kä ak khei yawp hlawt vai ah maw ng’nään khli ng’peeih cu ka hmuk ci. Ngami cu akhui päng, apa päng, a khaw päng, ak chang päng ungka lawk ci gui ah kiak ci. Ngami cu suinu a bawk bäng bäng sui u ne, hliip ah ng’baan kawt sek sek u ne, mangkiaang la Htomehta ah maa ah ng’düi ci gui.

THU PHLAAN 16:15

“Ngai vä, kei cu m’guk-ei ah mäih ah ka lawk khai nei! Cii m’gang ne asui them ngäng ciah chang cu akplui ah kä om khai, chang ah hmu ah kä lüng’aa khai, yeikyai nak om khai nei.”

DANIEL 10:3

Hnüüp m’ku lei ät kä ang pyi pha ah chuih kei cu buh meh akni kä ka ei ci, sapyit tui phi kä ka awk ci, ka lu phi kä ka huih ci.

SAM 23:5

Ka gaa gui ah hmuh vai ah, nang naw mang ei na na chaam ci; Nang naw chang m’sui ne, khin ah na na dou ci, ka khap phi pleip khai ah na na k’be ci.

ESTA 8:15

Mordekai cu amkim la a bawk ah kyak ciah mang ah suinu la suinu am vaw cu akiom ah sui ne, ghui lukhu ng’büng ne mang ah im ungka lut lawk ci. Cun ung Susa mang gaw lam gui cu m’hlüngtai nei, yeikyai nak bäng ah kyak ci.

2 SAMUEL 19:24

Cun kawn ah Mephibosheth, Saul ah atu cu ghangpughang hmuk khai ah lawk ci. Ani cu Jerusalem ungka ghangpughang a hteh ungka naw näng ne a law ba ung khüt sei, a khaw kä m’si ne, am gawng mu kä k’teiu ne, a sui kä m’su ne om ciah kyak ci.

RUT 3:3

Cun ah kyasei tui na ng’si vai, ang ui na ng’hluk vai, aknipi na suisak vai, cun kawn ah htang am häi nak ah na hteh vai, cun ung phi kä a ei awk yawp pha ah chuih ama ah kä na ng’dang vai.

MATTHE 6:17

Nangmi cu ei nami hlawi ah a kyak ung nami m’hmai m’hla ne, nami lu huih ne, nami säimai vai nei.

AMOS 6:6

Nang cu sapyit tui k’am ung be ci aw ne, tui ng’ui akni pi na mang ci, cun ung phi Israel ah dishum ah phäh ah kä na thüisei ci.

2 SAMUEL 14:2

ani naw Tekoa ah ka lunglang ciah hnumi cu tüi ci. Ani naw cun ah hnumi cu m’cäi ne, “Nang cu na thüi kyap ciah na ng’hlawk vai; Thüi kyah ung sui na sui vai, na lu kä na huih vai. Ak shou thüi kyap ciah hnumi ah mäih ah na om ih vai.

LUKA 7:46

Nang naw kei ah lu cu kä na na hluk ci, cun ung phi ani naw tuing’ui awn kei ah lu cu hluk pyi ci nei. Cun ah kyasei nang-am ka ning m’thein cu,’ shin ah hnumi cu hmakat nak akda ungka phyawng pyi ci nei.