THUSHÄUTU 9:7 - Cho Bible Common Language 2016

⁷ Cun ah kyasei, na buh ei ne yeikyai ä, na sapyit tui aw ne lünlawi ä. Cun cu Khanpughi ung bä ci nei.

THUSHÄUTU 9:7 Referans Kwoze

THUSHÄUTU 10:19

Ei ah pawi naw ning yei sak ci, awk ah pawi naw ning yei sak ci, cun ung phi ngui kä a om ung cun kä na bi hning khai.

THULÄÄN NAK 12:7

Acun ah hriham ning pe gui ciah Bawipa nami Khanpughi ah ma ah nangmi la nami kyong chang gui naw nami bi ah hmawk ah akni gui cu ei u ne nami yeikyai khai.

THUSHÄUTU 8:15

Cun ah kyasei kei naw ka hmat ci, chang mikmi cu mi yeikyai vai ah kyak ci, a i ah kyasei ci ung, mi ghin sang ung na yei sak cicu ei la, awk la, amät ah yeikyai nak ah kyak ci. Shin ah m’dek khan ung, Khanpughi naw a pek ah a ghin nak ung mikmi naw bilo lä aih ci kyasei mikmi naw shin hlawk ah läi cu bi hning ci.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.

LAMKTU 10:35

Ani kyih aa ne ang yaak hlü ah om ciah chang phung cu, Khanpughi naw pakhui käm khoi chak ci.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

THULÄÄN NAK 12:12

Ani ah ma ah nami yeikyai vai, nami hta nau gui, nami changshäm gui la nami gawnu ung om ciah Levit gui awn a täng ah; Levit gui ung ami mät ah kaa vai khaw kä om ci, cicu nami shüm ba vai.

JOHAN 4:50

Bawipa Jesuh naw, “hteit baä, na hta ghing gai ba khai nei” cik ci.

LUKA 11:41

Cun ah nami bi ung nangmi ah hmawk ah avan theingthap khai nei.

MAKUH 7:29

Cun ci khätah Bawipa Jesuh naw, “Nang naw cun ah nam hlan tu ba cu bä ci nei, na im ah hteit baä, na hta ungka khoshe cu dawng pyi sei na hmuk khai nei” ci ne pyen nak ci.

ATÜNNAK 12:19

A i ah kyasei ani cu kei naw ka lak vai ah na be ah na pyen ang? Na chu hteh püi ba ne hteit ba ä” cine pyen nak ci.

KHEI NAK 6:20

Cun tawi ne taigü naw cun gui cu aktung ah m’cümhnah ah Bawipa am a peik vai. Cun gui cu taigü ah hmawk ah theingthap ciah douthak ah kyak ci. Cun kawn ah hlü ba ciah meh ah ang kyang la a khaw gui cun phi thukhän thung ah taigü ah khäm ah kyak ci. Cun kawn ah Nazirit naw sapyit tui cu aw hning ci.

THUSHÄUTU 7:14

Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.

THUSHÄUTU 11:8

Akum tä ne na ghin nak phäh ah na m’hlüngtai vai nei. A i güt na ghin ah akyak ung phi, na sih nak cu akdäm shou pi khai cicu na shüm vai nei. Ma täng ung na ngaih u vai a i phi kä om ci nei.

RUT 3:7

Boaz cu ei aw yawp neta, aknep ah ip ci. Ani cu htang pum ah pei ah hteit ne ng’yän ne ip ci. Ruth cu adüm ah ang ghit ah hteit ne a yih khuih m’hü neta a khaw pei ah ng’yän ci.