THUSHÄUTU 9:6 - Cho Bible Common Language 2016

⁶ Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.

THUSHÄUTU 9:6 Referans Kwoze

MATTHE 2:20

“Tho law ne ak hmaw la anu cu Israel kho ah hteh püi ba goi ä, akhmaw ngawn hlük ciah chang gui cu si pyii ci gui nei,” cine pyein ci.

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

NG'THU K'THUUK~ 10:28

Changnigui ah ngaih u nak naw yeikyai nak ah lam shüm ci, changshe gui cu a kholä ma na ne mang ci gui.

PHYAWN NAK 1:8

Cun kawn ah ghangpughang akthai Joseph ah a mawng kä hmat cicu huham mah lawk ci.

THUSHÄUTU 2:10

Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

THUSHÄUTU 9:1

Kei naw shin ah mawng avan cu ang shäi ah, ak nui ah ngaih-tüh neta ka hmuh cu, cüivai ci la ng’düng ciah chang gui ah hnün thawh cu Khanpughi naw k’pang ci, ami m’hni nak la ami ng’gen nak phi k’pang ci. A ma ung a i ah kya lawk khai ci cu, a u naw phi kä hmat ci.

ISAIAH 38:11

Kei naw ka ngai ci, shin ah ghin nak ah kho ung kei naw Bawipa cu kä hmu ba khai nei a i akghing phi kä ka hmu ba khai nei.