THUSHÄUTU 9:3 - Cho Bible Common Language 2016

³ Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

THUSHÄUTU 9:3 Referans Kwoze

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

THUSHÄUTU 1:17

Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.

TITUS 3:3

Ayan ä mikmi mi mät phi mi gu aang ne, thu kä ngai ne, mi cheishoh ne mi om man te ci. Ng’yak nak hlü hlü la hlim tui nak a hnga hnga ah khleihtein ah mi kya man ci. Mi ghin nak cu m’thüi m’khang nak la vamneng nak awn mi ng’pyi sak ci; chang naw phi na gen gui ci, chang phi mi gen man ci.

2 PETER 2:16

a shetkat ah hmawk ah k’shedam nak gah ciah kyak ci. Ang se cu chang ah mäih ah ng’thu ne, cun ah profet she ah bilawh cu ng’düm sak ci nei.

LAMKTU 26:24

Paul naw cun ah thu a pyein yah ung, Festus naw, “Paul aw, nang na gu pyi ci nei, na mät ah hmuhmat nak naw ning gu sak pyi ci nei” cine m’lau ne pyein ci.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

LUKA 15:17

Cun ah kho ah ani cu akcang ah ng’yu ba netah kapa ah im ah bi bik ci gui ah chang gui hngaw ami phü ah ei awk ci gui. Kei läi shin ung ang htai ah cawi gha ne ka gein vai ci.

LUKA 6:11

Pharisee gui cu ang htei ah thüi ne m’lungshe u netah Bawipa Jesuh ah khan ah a i hawkcha ah bi bi vai ciah ng’ge ci gui.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

THUSHÄUTU 9:2

Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.

THUSHÄUTU 7:25

Ka mät naw ka mät hmuhmat vai ah tha na ne, ka ng’thei ci; kei naw cüivai nak hmuh vai la ka shi nak gui m’shan nak gah vai ah ka tha nak ci, cun kawn ah shetkat nak la gu-ang nak ah shekha nak phi ka ng’thei thang ci.

NG'THU K'THUUK~ 14:32

Chang shekha gui naw akshe ami bi nak awn ami mät ah kyuk taat nak vai cu law pui ci gui. Cung ung phi changni gui cu ami niba nak naw shungvong gui ci.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

JOB 15:16

Chang naw akshe cu tui ah mäih ah awk ci, Chang cu akcang ah cheishoh ci, alä maih ah kyak ci.

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

LAMKTU 26:11

Pum im gui ung phi kei naw akda vei ngami cu m’sheitkat gui ne, ami yum nak ami nawng vai ah ka k’tha na man ci. Kei cu ngami ah khan ah m’lung k’she aih netah, a kho hei gawnu gui yungpum ah hteit ne ngami cu ka k’dudeiu na gui ci.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

THUSHÄUTU 2:14

Cüivai ciah chang naw a hteh nak ah lam cu hmat ci, gu-ang ci naw kä hmat ci.” Cun ung phi täng ciah manak vai naw mi van na ngäng gui ciah ka hmat ci.

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

THUSHÄUTU 9:4

Cun ung phi, ghin nak ah khaw ung, ghin ne om ci phäh ah ngaih u nak cu om ci nei: ghing ciah ui cu sik ciah kawng ah mä bä tuba ci nei.

JEREMIAH 16:12

Cun ung phi nangmi naw nami pupa gui ah ta kapi khai ah nami bik ci nei. Nangmi nami van cu nami m’lung ling ne nami shekhak ci, kei kä na mi na ngai ci.

JEREMIAH 17:10

Kei, Bawipa naw hnicim chang ah m’lung cu shui zap ne, chang ah m’lung ngaih cu ka m’nüm ci nei. Kei naw chang nü cu amät ah om ah ci ah amät ah bi ah läk ah ka om püi ci nei.”

JOB 21:26

Cung phi chang avan cu a cun ah mäih ah si ne a cun ah mäih ah ng’cim ci gui; ami van cu m’kyiit naw vun gui ci.

SAM 64:7

Cun ung phi Khanpughi naw am la awn kap gui sei, ngami cu ang ghit ah leim ci gui.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.