THUSHÄUTU 9:2 - Cho Bible Common Language 2016

² Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.

THUSHÄUTU 9:2 Referans Kwoze

MALAKHI 3:18

Cun kawn ah mä ng’düng ci gui la chang shekha gui ah khan ah, ka khuut bik ci la kä bik ciah khan ah, a i ah a kyak law cu ka chang gui naw hmuk khai gui nei” cik ci.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

SAM 73:3

A i ah kyasei ci ung changshe gui bämang ne ami khawhmah ah hmawk ah kei cu ka m’thüi m’khang ci.

MALAKHI 3:15

Mi hmuh ah mäih ah chang k’om ci gui cu yei ci gui nei. Changshe gui cu ng’bühmang ci gui nei,” nami cik ci.

THUSHÄUTU 7:18

Akit vang goi vei cu nami hlawi vai. Nang cu Khanpughi na kyih aa ah a kyak ung, nang cu a i ung phi näng nak na gah khai.

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

THUSHÄUTU 6:6

cun ah kyasei kho kum phia m’ku a ghin ung phi, a ghin nak ung yeikyai nak kä om ci cu, ng’düm nak hmu pi ci nei. Ak hnu ah, a ni nik hnih cu hmun ät ung hteit ci goi nei.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

1 SAMUEL 14:26

Sing gui cu khoitui bäng ah be ci, cun ung phi Saul ah taam kyih u ne a u naw kä ei ci.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

JEREMIAH 43:6

Cuu gui cu pami gui, hnumi gui, a hmaw gui la ghangpughang ah hta hnumi gui ah kyak ci. Gabawi Nebuzaradan naw Kedaliah naw a htei vai ah anawng pek ah chang nü, Baruk la kei mah ah na hteh püi gui ci gui.