THUSHÄUTU 9:13 - Cho Bible Common Language 2016

¹³ Kei naw ka hmuh tumat om ci, shin ah khomdek khan ung cüivai nak cu a hawkcha ang ciah m’tumtäng nak akni ah kyak ci.

THUSHÄUTU 9:13 Referans Kwoze

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.

THUSHÄUTU 7:15

Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

THUSHÄUTU 6:1

Shin ah khomdek khan ung nuipai ciah kä taga nak bi gui cu kei naw ka hmuk ci.

THUSHÄUTU 9:11

Kei naw ka hmat ah a hei tumat cu, shin ah khomdek khan ung, dawng gai ciah chang päng angtäi sei dawng kä näng ci, m’gäi ciah chang päng angtäi sei ng’tuk kä näng ci, cüivai ciah chang, angtäi sei kä gahtang ci, hmuhmat ciah chang päng angtäi sei kä bämang ci, m’khütnäng ciah chang päng angtäi sei bawi ah kä ngok ci. A chang päng ah khan ah akshe cu gawk law thei ci.

2 SAMUEL 20:22

Ani cu ang bü nak awn mang gaw chang gui ah dawng ba sei, ngami naw Sheba ah lu chüng ne, pang ah khan ung Joab am ak ghawh lawk ci gui. Ani naw mang gaw hteh tak nak vai ah m’hnüt nak ah phyung puuk tum sei, ngami cu ng’hlat ne ami im ah hteit ba ci gui. Joab cu Jerusalem ung ghangpughang ah hteit ba ci.

THUSHÄUTU 7:19

Uktu chang gha naw mang gaw tumat ah phäh ah ami bi hning ah ta, cüivai nak naw chang tumat phäh ah bi hning pi ci.

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

THUSHÄUTU 9:14

Chang kä da hnga ciah gawnu aläm tumat om ci. Huham mah ciah ghangpughang naw cun cu tuk ci. Ani naw cun cu koi neta, gawnu pang gui gäi ne luh vai ah pawng ci.

DANIEL 2:14

Daniela cu ghangpughang ngäng ciah gabawi Arioch, ngami ngawn gui vai k’bäi ciah om nak ah hteit neta, geing na ne ng’thu pyen ci,