THUSHÄUTU 9:12 - Cho Bible Common Language 2016

¹² Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

THUSHÄUTU 9:12 Referans Kwoze

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

NG'THU K'THUUK~ 29:6

Düng ciah chang gui cu yeikyai ne ami ng’päiyee yah ung changshe gui cu ami mät ah katnak ung awk ci gui.

2 TIMOTHI 2:26

Cun ung ngami cu düng nak hmu law u ne, ang yak hlü phung läk khai gui ah pha ne shum gui ciah khoshe ah kut ungka phiawng khai gui nei.

2 KORIN 6:2

Khanpughi naw, “Ka ning m’htei nak gui vai ah khin a gawk law ung, Nami ng’yoih cu ka ning ngaih pe gui ci nei; Ka ning hun nak gui vai ah khin a gawk law ung, Ka ning m’htei gui ci nei” a cicu ngai yah vä. Ngai vä, Khanpughi ah m’gein nak gah nak vai ah khin cu, a tuhbäi ah kyak ci; hun nak ah hnüüp cu a tuhngawi ah kyak ci!

NG'THU K'THUUK~ 6:15

A cun ah phäh ah kä ngaih ah hungsai naw m’di gui sei, ciin ne ng’pyi khai gui.

2 PETER 2:12

Cun ah chang gui cu phaa vai, ngawn vai ah ng’tüi ciah k’pyamasa ah mäih ah kyak ci gui, a i kä ami hmat su ah päipih nak om ci. Ngami cu a i kä hmat ciah k’pyamasa ah mäih ah dimaih khai gui.

1 PETER 2:12

Bawipa kä yum ci gui naw nangmi cu ak she nami bik ciah ami ning k’bün gui ung phi, kä yum ciah chang gui ah lung ah akni ah nami om vai. Bawipa a kyum law ba hnüüp ung nangmi ah nikiom nak cu hmu u ne, Khanpughi ami m’hlüngtai vai ah cun ah nami bi vai nei.

LUKA 12:39

Akcang ah im ah naw m’guk-ei a law nak vai ah akhin cu a hmat ung ani ah im ung m’guk-ei kä lut hlawt khai cicu nami hmat khai.

LUKA 12:20

Cun ung phi Khanpughi naw, “Chang shekha aw, atuhmü si ne shing gui na nawng shüt khai nei, cun ung nang ah m’küm ah khawh chaam gui a u naw khäm khai ang?” cine pyen nak ci.

ISAIAH 30:13

Nangmi cu namishekak ci nei. Nangmi cu teek ne ng’bou ciah k’paang hlüng ah mäih ah nami kyak ci; nangmi cu ang ghit ah nami piawn khai nei.

THUSHÄUTU 8:11

A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

SAM 11:6

Ani naw meikcak ang’ai la k’sam mei däi cu changshe gui ah khan ah yuk chah ci; Khokhi ng’hüüt naw ngami cu m’kyuk gui ci.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 9:13

Kei naw ka hmuh tumat om ci, shin ah khomdek khan ung cüivai nak cu a hawkcha ang ciah m’tumtäng nak akni ah kyak ci.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

HOSEA 9:8

Khanpughi naw kei cu prophet ah na tha ne a chang Israel gui phi nangmi naw kha ah mäih ah nami na pha vai ah nami k’thu prophet gui ah ga ah kyak ci gui nei.

NG'THU K'THUUK~ 24:22

Cun ah mäih chang cu a shänghta dishum khai. Na ngaih-tüh ne ang? Khanpughi kä cun ung ghangpughang naw leigai kyak sak hning ci, ci cu?

THUSHÄUTU 8:8

A u chang naw phi sih nak phyawn nak vai ah kä bi hning ci, a sih nak vai ah hnüüp phi kä m’hnawn hning ci. Cun cu mikmi naw kä mi phyawn nak hlawt vai ah ng’tuk nak ah kyak ci; mikmi naw hleei hlak ne kä mi phyawng hlawt ci.

EZEKIEL 32:3

Chang pakhui gui akda ami ng’bum law ung, kei naw nang cu ka ng’vai awn ning pha ne, ng’vai cu tuikem ah ka saw sak gui khai.

HOSEA 7:12

Cun ung phi kei naw ng’vai phiaat ne ami heth nak päng ah kha ah mäih ahka pha gui khai.