THUSHÄUTU 9:10 - Cho Bible Common Language 2016

¹⁰ Na bi lawh phung cu tha na ne na bi vai nei, a i ah kyasei ci ung, hnünthawh nak, ngaih-tüh nak, hmuhmat nak, cüivai nak gui cu sih nak ah khaw ung kä om ba khai nei — cun cu nang naw na hteh nak ah kyak ci.

THUSHÄUTU 9:10 Referans Kwoze

KOLOSE 3:23

Nami bi phung phung cu chang ah bi bi ah mäih ah kä kyak ciah Bawipa ah bi bi ah mäih ah nami m’lung kyong avan awn nami bi vai.

EPHESIAN 5:16

Tuhchü cu shekak ciah a khin ah kyak ci, cun ah kyasei, nami gah ah akhin k’ni phung cu, ak ni pi ah nami mang vai nei.

ROMAN 12:11

Kä damduh ne k’tha na ne bi nami bi vai. Nami m’lung kyong avan ap ne Khanpughi ah khuut nami bi vai.

SAM 6:5

Sih nak ah kho ung nang cu a u naw kä ning shüm ba ci nei; A cu ah a u naw nang kä ning m’tam ba hning ci nei.

1 KORIN 9:24

Chang khli ng’längna ne dawng law nak ung tumat bäng naw vah näng nak ng’chuh cu gah ci, cicu nami hmat ci. Cun ah kyasei ng’chuh nami gah vai ah tha na ne dawng vä.

THUSHÄUTU 11:6

Na geit m’shi cu kho ngawi lam ah phi phu ä, mühun lam ah phi phu ä. Na phu avan cu pyo khai, käcung na phu htük ah mä na phu ba cu ni pi khai, cicu nang naw kä na hmat ci.

JEREMIAH 29:13

Nangmi naw nami na shui khai, nami na hmuk khai, a i ah kyasei ci ung nangmi naw nami m’lung kyong avan awn nami na hmuk khai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

1 KORIN 9:26

Kei cu ka bü nak ung düng sei ka dawng ci; a kut m’hnüm alä düt ah käkphäi ciah ng’thäk thei ciah chang awn ka täng ci.

JOHAN 9:4

Kei na tüi lawk ciah ah bi cu kho adei yah ung mi bik khai. A u naw bi kä abi nak hlawt vai ah kho a münak gawk lawk khai.

JOHAN 4:34

Bawipa Jesuh naw, ngami-am,” Kei ah ei awk cu, na tüi lawk ciah ang yak hlü ah om vai la abi pyi ne bi vai ah kyak ci.

THUSHÄUTU 11:3

Sing ghing cu a i täng ah a kyuk ung phi, a kyuk nak ung ng’yän ci nei. Khomei a be law ah akyak ung kho aa ci nei.

NEHEMIAH 4:2

Apawchang gui la Samaritan gakap gui ah ma ah ani naw a pyen cu, “Ami k’tha kä om ciah shin ah Jew gui naw a i bik ci gui ah ang ami ngaih? Ngami naw mang gaw co ba khai gui ah ng’bü u ne ang? Ngami naw khawihnah ami douthak nak awn hnüüp ät ung pyi ne bi khai ah ngai u ne ma? Ngami naw im cawh nak ah lung gui cu mei ah m’khih ah ng’awt bum ung ka la ba khai gui ah ngai u ne ma?”

NEHEMIAH 4:6

Cun ah kyasei keimi naw paang cu co ba u ne, chang gui naw k’tha na ne bi u sei, a hlüng ah a teih cu kami pyi pyi ci nei.

1 SHONTÄP NAK 22:19

Tuhbäi na Bawipa Khanpughi ah bii cu na m’lung kyong avan na ghin nak avan awn na bi vai. Taigüim cawh vai cu tuhbäi na k’tün vai, cun ung nang naw Bawipa ah Thukhän M’küm la khawihnah nak ung mang ah a hei theingthap ci avan cu nang naw cun ah kyong ah na tha hning khai” cik ci.

1 KORIN 16:10

Nangmi ah Timothi a gawk law ah a kyak ung akni ah dou ne nami khinchah nak vai nei, a i ah kyasei ci ung ani cu kei ah mäih ah Khanpughi ah khuut bik ciah kyak ci.

NEHEMIAH 2:12

Kei naw Jerusalem ah phäh ah ka bi vai ah Khanpughi naw ana m’shumphyuk cu, kei naw a u am kä ka m’thein ci. Khomü cawih ah tho law ne ka chang gui api khah püi gui ne akpung ah ka hteit ci. Kei ah ng’cuum nak ka laa tumat bäng kami hteh püi ci.

1 SHONTÄP NAK 28:20

Ghangpughang David naw a hta Solomon am a pyen nak cu, “Nang cu khüi ghat ne na thamah vai nei. Bii cu na tün ge vai, a i naw phi kä ning düm en sak sä. Bawipa Khanpughi, kei naw abii ka bi naw ning om püi khai nei. Ani naw kä ning nawng khai nei, Taigüim ung nang naw bi vai cu na bi yawp güt ung ani cu nang awn a täng ah om khai nei.

KHEI NAK 13:30

Moses hnungtuk püi ne chiu m’da ciah chang gui cu Kaleb naw a düm ah om sak gui neta, a pyen cu, “Mikmi naw mi tu u ne, cun ah khaw cu mi m’khüt khai nei. Mikmi cu acun näng hning khai ah mi k’thamah ci nei” cik ci.

ATÜNNAK 37:35

A hta gui pami hnumi ami van naw m’cäi u sei phi, maa na gui ne, “Ka hta ah a hteh nak ah m’htei khaw ah ka hteit khai nei” cine Joseph ah hmawk ah thüi kyap ci.

1 SAMUEL 10:7

Shin gui a kyak law ung Khanpughi naw na bi vai a ning m’shüm phung cu na bi vai.

JOB 21:13

Ngami cu ami ghin nak ung dimdeeih sei om u ne kä yaica ne ak ding ah sik ci gui.

ISAIAH 38:10

Kei naw ka ngai ci, kei cu kanong sung ung, kei cu sih nak ah kho ah ka hteit vai ci nei, kei ah kahnun cukä ghing ba vai ci nei.

JOB 10:21

Kei cu shäng shäng khätah hmup ne am tham nak ah khaw, mü ah mäih ah a hmüp nak khaw, sih nak ah khaw la a i kä ng’khailang nak ah khaw, ak khang tu phi ak hmüp ah a kyak nak khaw ah ceit law ne, a ngoi ah phi kä ka law ba khai.

NG'THU K'THUUK~ 3:28

Tuhbäi chang na m’htei tu hning vai ah a kyak ung na paw chang am ngawi ung güt na ging ngä cine kä na pyen vai.

MATTHE 20:7

Ngami naw, ‘A u naw kä na ghüh gui sei nei,’ cine kyak ci gui. Cun kawn ah lo mah naw, ‘Ka sapyit lo ah hteit ne bi tu vä,’ cine kyak na gui ci.

JOHAN 5:4

(Khanpughi ah khankho chang cu kyum law ne, tui ak hnawh law ung, tui ng’hnawk ung ng’hnim ma cicu gai ba man ci kya sei, tui hnawk cu ngäng ci gui.)