THUSHÄUTU 9:1 - Cho Bible Common Language 2016

¹ Kei naw shin ah mawng avan cu ang shäi ah, ak nui ah ngaih-tüh neta ka hmuh cu, cüivai ci la ng’düng ciah chang gui ah hnün thawh cu Khanpughi naw k’pang ci, ami m’hni nak la ami ng’gen nak phi k’pang ci. A ma ung a i ah kya lawk khai ci cu, a u naw phi kä hmat ci.

THUSHÄUTU 9:1 Referans Kwoze

THULÄÄN NAK 33:3

Bawipa naw a chang gui m’hni gui ci, Amät ah prophet gui cu m’hni gui ci. Cun ah kyasei a khaw ka ah mi kawp ne, Ang thumkhän gui mi läk khai.

1 PETER 1:5

Nangmi nami yum cicu ak hnu bäih ah a khin ung dang law ge khai ah hun nak, nami gah khai ah Khanpughi naw, a hlüngtai nak awn ning m’htei gui ci nei.

THUSHÄUTU 8:14

Cun ung phi cun cu a lämaih ah kyak ci. Khomdek khan ung a i ah akyak cu teng vä. A hnü ät ung chang om veih gui naw chang omshe gui ah gah vai ah m’kyuk nak cu gah ci gui, chang omshe gui naw chang omveih gui ah gah vai ah m’cümhnah nak ah gah ci gui. Cun cu akholä ah kei naw ka pyen ci.

JOB 12:10

Khanpughi naw atüi pyan gui ah ghin nak cu lam shüm gui ci; chang ah ghin nak cun phi ani ah huham kiong ah om ci.

2 TIMOTHI 1:12

Acun ah mawng ung kei cu geinvai nak ka gah ciah kyak ci. Cun ung phi kei ung lung üp nak akbe ah om lä ci. A i ah kyasei ci ung kei a u ung kang ap cu ka hmat ci, kei naw ka ap gui cu ak hnu bäih ah Hnüüp güt ung kut shum khai ci cun phi, kei naw akcang ah ka hmat ci.

ISAIAH 26:12

Nang naw bühmang nak na na pe gui khai nei, BAWIPA; keimi ah m’khüt näng nak phung cu, nang ah bilawk ah ng’dang nak ah kyak ci nei.

NG'THU K'THUUK~ 16:3

Bi vai na pawng pui p’hung cu Bawipa naw ak phyuhtheh vai ah na ap vai, cun ung na bi nak phung ung m’khut nang nak om khai.

SAM 31:5

Kei cu na na m’htei nak vai ung ka om ci nei. Bawipa, nang naw na na hun khai nei, nang cu bekhüt ciah Khanpughi nei.

1 SAMUEL 2:9

Ani naw bekhüt ciah ak chang gui ah hnun gui shungvong ci, Cun ung phi changshe gui cu hmüp khui ung maih ci gui; Chang naw amät ah k’thagui awn näng nak kä gah ci.

THUSHÄUTU 10:14

Chang gu-ang cu ng’thu ne ng’thu ci. Ngawi ah a i ah kya lawk khai cu a u naw kä hmat ci, mi sih kawn ah a i ah kyak khai ci phi a u naw kä na m’thei gui hning ci.

THUSHÄUTU 8:16

Kei naw cüivai chang ah kyak vai ah ka tha nak sang ung la khomdek khan ung a i ah kyak ci, cicu ka ng’thei sang ung, kei naw ka hmat cu, nang cu amü a hnüüp na thawhlet khai.

THUSHÄUTU 7:25

Ka mät naw ka mät hmuhmat vai ah tha na ne, ka ng’thei ci; kei naw cüivai nak hmuh vai la ka shi nak gui m’shan nak gah vai ah ka tha nak ci, cun kawn ah shetkat nak la gu-ang nak ah shekha nak phi ka ng’thei thang ci.

THUSHÄUTU 7:15

Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

THUSHÄUTU 1:17

Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.

SAM 73:3

A i ah kyasei ci ung changshe gui bämang ne ami khawhmah ah hmawk ah kei cu ka m’thüi m’khang ci.

SAM 10:14

Cun ung phi nang naw na hmuk ci; Khüikha ci la gein vai cicu na hmat ci, na m’htei ge khai ah na om ci. A m’gein kaa cicu nang ung ng’ap ci gui, nang naw geinvai cicu angtäi sei na m’htei ci.

JOB 5:8

Kei cu nang ah ka kyak vaisü ung, Khanpughi ah ng’hlat ne, ka mawngma cu ka pek khai süte.

SAM 119:109

Kei cu angtäi sei ka ghin nak m’hlüng ge vai ah ka om ci nei; Na thukhän cu kä ka m’hnih phung ci nei.

THUSHÄUTU 9:6

Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.

JEREMIAH 43:6

Cuu gui cu pami gui, hnumi gui, a hmaw gui la ghangpughang ah hta hnumi gui ah kyak ci. Gabawi Nebuzaradan naw Kedaliah naw a htei vai ah anawng pek ah chang nü, Baruk la kei mah ah na hteh püi gui ci gui.

JOB 27:12

Cun ung phi cun gui cu nami mät naw nami hmu pyi ci nei; cun ah kyasei a i ah kyasei nangmi akholä ah nami ng’thu ng’htau ang?

THUSHÄUTU 8:7

Mikmi a u naw phi, a i i ah kya lawk khai cicu kä mi hmat ci, na m’thein gui ci phi a u kä om ci.