THUSHÄUTU 8:7 - Cho Bible Common Language 2016

⁷ Mikmi a u naw phi, a i i ah kya lawk khai cicu kä mi hmat ci, na m’thein gui ci phi a u kä om ci.

THUSHÄUTU 8:7 Referans Kwoze

THUSHÄUTU 10:14

Chang gu-ang cu ng’thu ne ng’thu ci. Ngawi ah a i ah kya lawk khai cu a u naw kä hmat ci, mi sih kawn ah a i ah kyak khai ci phi a u naw kä na m’thei gui hning ci.

MATTHE 24:50

Cun kawn ah ani naw kä ang ngaih nak khin, kä ah hmuh yah ung a bawi cu law ba ne,

THUSHÄUTU 9:12

Na mät ah khin a i sang ung a gawk law vai cu nang naw kä na hmat ci. Kha gui ang ghit ah cuun ung pha ah mäih ah, nga gui ng’vai awn pha mäih ah, kä ngaih-tüh ah ng’yo a yaw khin ung, mikmi cu mi ng’pha thei ci nei.

NG'THU K'THUUK~ 24:22

Cun ah mäih chang cu a shänghta dishum khai. Na ngaih-tüh ne ang? Khanpughi kä cun ung ghangpughang naw leigai kyak sak hning ci, ci cu?

MATTHE 24:44

Chang ah Htapa cu nangmi naw kä nami ngaih yah ah akhin ung kyum lawk khai kyasei, nangmi cun phi angtäi yah ngaih nah ne nami om vai.

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

NG'THU K'THUUK~ 29:1

Ami ning m’düng m’shung päng ung na ling aih ah akyak ung hnüüp ät ung akhui ah na ng’deng khai, kä na tho ba hlawt khai.

THUSHÄUTU 7:14

Nang ah phäh ah apäng avan abä yah ung yeikyai vä, khüikha nak a gawk law läi ung shüm ba düt vä: Khanpughi naw yeikyai nak la khüikha nak cu a tüih law ah kyak ci; cun kawn ah a i kya ba khai, cicu nang naw kä na hmat ci.

ESTA 5:12

Haman naw k’täi ne a pyen cu, “Cun kawn ung phi ghangpughangnu Esther naw a u phi mang ei ei vai ah kä khü man ci, kei la ghangpughang bäng na khü goi ci, ngawi ung phi na khü ba goi ci.

NG'THU K'THUUK~ 27:1

Ngawi ung ah phä ah kä khähghah vai, heng ung ngawi ung a i ah akyak vai cu nang naw kä na hmat ci.

THUSHÄUTU 9:1

Kei naw shin ah mawng avan cu ang shäi ah, ak nui ah ngaih-tüh neta ka hmuh cu, cüivai ci la ng’düng ciah chang gui ah hnün thawh cu Khanpughi naw k’pang ci, ami m’hni nak la ami ng’gen nak phi k’pang ci. A ma ung a i ah kya lawk khai ci cu, a u naw phi kä hmat ci.