THUSHÄUTU 8:11 - Cho Bible Common Language 2016

¹¹ A i ah kyasei chang gui naw ang ghit ah cawipang nak cu ami bi ang? Cawipang nak cu ang ghit ah kä ami m’kyuk ah phäh ah kyak ci.

THUSHÄUTU 8:11 Referans Kwoze

ISAIAH 26:10

Nang naw changshe gui cu na m’gein gui ung phi, Ngami naw düng ci bi vai cu kä ng’thei phung ci gui nei. Shin ah chaung düng gui ah khaw ung phi ngami naw a cheishoh bi lä ci gui nei; Nang ah dämduh nak k’püüi tu vai ah mak ci gui nei.

SAM 10:6

Amät ng’htau ne, “Kei kä ka zu ng’kia hlawt khai; kei khuikha nak ung kä ka gawk hlawt khai” cik ci.

JEREMIAH 48:11

Bawipa naw pyen ci, “Moab cu angtäi sei ngaih gep ne om ci, a i yah ung phi omktu ah kä hteh püi man ci gui. Moab cu hlüng tumat ungka naw tumat ung kä lawng ne, kä thäu phung ah sapyit tui ah mäih ah kyak ci. A htang cu kä dip hung ci. A tui cu angtäi sei nik ci.

PHYAWN NAK 8:15

K’u gui ami sih cu ghangpughang naw hmu neta, ani cu ling ba mä ci. Bawipa ah pyen ah mäih ah Moses la Aaron cu ghangpughang naw kä ngai goi ci.

ISAIAH 57:11

Bawipa naw pyen ci, “Keina m’hnih sagei u ne, nami hleei pyen ne nami na m’thein ü awng vai ah, nami kyih ah khanpughi gui cu a u gui ang? Kei cu ak shounu a düm ah ka om ci kyasei, nami na m’tamkhah vai cu nami düm ei ne ma?

PHYAWN NAK 8:32

Shin hlawk ah kyasei phi, ghangpughang cu ling ne, Israel chang gui cu kä hteh sak ba gui ci.

PHYAWN NAK 34:6

Cun kawn ah Bawipa naw ama ung law neta am lau cu, Kei, Bawipa, Khanpughi, m’gein nak la m’hni nak awn ka be ci, kä ka m’lungshe yäi ci, dämduh ciah m’hni nak la bekhüt nak ka m’dang ci.

2 SAMUEL 11:15

Cun ah ca ung, “Uriah cu aktung ah ng’tuk nak pi k’bäih ung hma ne na tüih vai, cun kawn ah gakap gui na ng’hlah sak gui vai, ani ami ngawn vai ah na bi vai” ciah guk ci.

SAM 86:15

Cun ung phi, O Bawipa, nang cu chimgein ci la m’hni ciah Khanpughi ah na kyak ci, angtäi sei, na hnimgei ci, na k’dük ci, na bekhüt ci nei.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

JOB 24:23

Khanpughi naw ani cu üp oi nak pe hngaw khai, cun ung phi ani cu teng keng geng khai nei.

SAM 10:4

Changshe naw Bawipa cu a i ah kä sui ci; Chang ah ng’shei u ne, Khanpughi kä hlü ciah ngai ci.