THUSHÄUTU 8:1 - Cho Bible Common Language 2016

¹ Cüivai ciah chang bäng naw va, apäng avan ah akcang ah akyak ah mawng cu hmat ci. Cüivai nak naw hmai kyang sak ne hmai m’kyum nak cu maih sak ci.

THUSHÄUTU 8:1 Referans Kwoze

LAMKTU 6:15

Kawngsi yung ah gawk ciah chang gui naw Stephen cu kheing ne teng u netah, ani ah hmai cu khankho chang ah hmai awn täng sei hmuk ci gui.

THULÄÄN NAK 28:50

Ngami cu ghat ghum u ne a ghi a hmaw ah khan ah chimgein nak kä m’dang khai gui.

2 PETER 1:20

Cun ung phi cacim cu a u chang naw phi amät ah ngaih ah kä k’phlan thei ci, cicu nami shüm vai nei.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

LAMKTU 4:29

Aw Bawipa ngah mi ah pawng püi nak cu yuk chah pe gui ä. Na na chang shäm gui am, nang thu kami pyein nak hning vai tha gui na yuk pe gui ä.

LAMKTU 4:13

Peter la Johan cu hmuh hmat nak kä däm ciah chang ah kya lang ni neh ani ng’thu htaü hning cu kawngsi ng’vai gui naw hmuh u ne tah ang htei ah cäicat ci gui. Ngani cu Bawipa Jesuh ah ng’düihpüi gawi ah phi hmat gawi ci gui.

NG'THU K'THUUK~ 17:24

Lunglang ciah chang naw cuivai ne hnünthawh nak bu ci, cun ung phi chang ang naw dam ne khaw yau ci.

JOB 33:23

Khanpughi ah khanchang phia khak ungka Chang m’htei khai ah abi vai kyak ci naw law ne m’htei ei tu hman khai nei.

EPHESIAN 6:19

Kei thu ka pyein yah ung Khanpughi naw thu m’gawng thei nak ana peit vai ah nami na taigü peit vai nei. Cun ung kei naw Thu Ni ah a thuuk nak ah mawng cu dang ne ng’hmat khai ah ka pyein thei khai nei.

MATTHE 17:2

Ngami naw ami hmuh ge ah Bawipa Jesuh ah amüi cu ng’khukhlat lawk ci, a hmai cu khohni ah mäih ah pyü ne, a suisak gui cu bawk-en phäng phäng ne khang ci.

DANIEL 2:47

Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”

NG'THU K'THUUK~ 24:5

Cüivai nak cu thagui ah gai nak ah ta bä pi ci. Hmuhmat nak cu tha ghat nak ah k’tha ghaat nak ah ta küikyang pi ci.

NG'THU K'THUUK~ 1:6

Cun ah kyasei ng’thup ciah thu thuuk ah mawng la cüivai chang gui ung dang lawk ciah cuhcan nak gui cu, ngami naw hmat hning ci gui.

ATÜNNAK 40:8

Ngani naw, “Keini kani mang shek ci, cun ah mang k’phlan khai shin ung a u kä om ci nei” cik ci goi. Joseph naw, “Ng’mang cu cüivai nak pek ciah Khanpughi naw vah phlan hning ci, nani mang cu na m’thein ä” cik ci.

ROMAN 13:5

Cun ah kya sei nang cu Khanpughi ah m’shetkat nak kyih nak bäng awn ah kä kyak ciah namät ah m’lung kyong theing cim nak awn, uk ciah bawi ah huham cu na läk vai nei.

NG'THU K'THUUK~ 21:29

Düng cisah chang gui naw ami mät naw ami mät ngaih gep ci gui.

PHYAWN NAK 34:35

Ngami naw ani cu a hmai pyü sei hmuk ci gui. Ani naw Bawipa awn ng’thu khai goi ah kä a valuh ba pha ah chuih a hmai cu sam awn shung ci.

NG'THU K'THUUK~ 12:8

Nang cu na lulang ung m’tam nak na gah khai, na gu ang ung chang gui naw ning yuk teng khai gui.

DANIEL 2:22

Ani naw thuuk ci la ng’thup ci gui cu dang sak ci nei; Ani naw hmüp khui ung ng’thup cicu hmat ci nei, ani amät cu akdei naw ng’vong ci nei.