THUSHÄUTU 7:9 - Cho Bible Common Language 2016

⁹ Nami m’lung nami k’üüp vai; ng’u hneit nak cu guktaak nak ah kyak ci.

THUSHÄUTU 7:9 Referans Kwoze

JAMES 1:19

Phäi nau gui aw! Nami shüm ba vai cu, ngaihyak nak ung nami yangkhai vai nei, ng’pyeinsak nak la m’lung she nak läi ung, nami shokshü vai nei.

NG'THU K'THUUK~ 14:17

M’lung she aiha ciah chang naw ak gu ang ah bii bik ci, cuivai pi cicu adüm ah om ci.

NG'THU K'THUUK~ 16:32

M’lung sau nak cu huham mah nak ah ta ba pi ci, amat naw amat nang cicu mang gaw avan nang ciah ta ba pi ci.

MAKUH 6:19

Cun ah kyasei Herodias naw, Johan cu ang htei ah ngawn hlük ci, cun ung phi kä ngawn hlawt ci.

JONAH 4:9

Cun ung phi Khanpughi naw, “Shin ah sing ghing ah phäh ah nang ung na m’lungshe nak hning vai a i ang a om?” Jonah naw, “Kei cu ka m’lungshe hning ci, ka sih nak vai ah ka m’lungshe hning ci” cik ci.

2 SAMUEL 19:43

Israel chang gui naw, “Ani cu nangmi ungka ah a kyak pang ung phi, Ghangpughang David cu nangmi ah ta keimi ung a gha ah ng’gui pha pi ci nei. A i ah kyasei keimi nami na kahta nak gui ang? Ghangpughang lak ba vai ah ng’thu pyen ma ci cu, keimi nei, kä nami m’hnih vai!” cik ci gui. Cun ung phi Judah chang gui ah ng’thu cu Israel chang gui ah thu ah ta khäng htek pi ci.

2 SAMUEL 13:22

Absalom naw Ammon cu abe Tamar ak pyei ah phäh ah thüi nak ci, ani naw ng’htau ah phi kä ng’htau püi ci.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

MAKUH 6:24

Cun ah hnumi hta cu anu ah va dawng ba netah, “kei naw a i ang kang yoih ung ani kaw” cine vang shi ba ci. Anu naw, “Tuihnim Johan ah alupum ng’yoi ä” cine pyen nak ci.

2 SAMUEL 13:32

Cun ung phi Jonadab, David ah phäi Shammah ah hta naw, “Ka bawi mang, ngami naw na hta gui avan kä ngawn ci gui, Ammon bäng nei a sih” cik ci. Nang naw Absalom cu teng neta, na pyen hning ci, Ani cu Ammon naw abe Tamar ak pyei ge ung tün ne, a shin ah bik khai ah m’lung na tu ge ci nei.

ATÜNNAK 4:8

Kain naw anau Abel am, “Lo ah ni hteit kaw” ci sei, lo ah hteit ni neta, Kain naw a nau cu ng’hlah shi ne ngawn ci.

NG'THU K'THUUK~ 14:29

Adüm ah na om ung nang cu cuivai ciah na kyak ci, Nang cu na m’lungshe aih ung a i hlawk ah na anglam cu na m’dang ciah kyak ci.

THUSHÄUTU 7:10

“A i ah kyasei cau a i baw gui cu ayan ah ta a bä pi ang?” cine kä nami ng’shi phung vai. Cun cu hmuhmat ciah ng’shi k’ca ah kä kyak ci.

NG'THU K'THUUK~ 25:8

Na hmuh ah mawng pyen vai ah ang ghit aih ah yung ah kä na hteh vai, a kawn ah ahei saksi naw law ne na hma ciah a pyen ung a i ah na kyak khai aw?

JONAH 4:3

Tuhbäi, Bawipa, kei cu na sih sak ä. Kei cu ka ghin nakdam ka sih cu bä pi khai nei” cik ci.

JONAH 4:8

Khaw sou law khäta Khanpughi naw ng’liing ciah hnilaw khokhi cu khi sak khäta, Jonah ah lu ah khan ah hniliing yuk so sei, a cun ah ng’ling ung geinvai ci. Cun ah kya ne ani cu si hlük ci. Ani naw, “Ka ghin nah dam ka sih cu bä khai nei” cik ci.