THUSHÄUTU 7:5 - Cho Bible Common Language 2016

⁵ Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.

THUSHÄUTU 7:5 Referans Kwoze

SAM 141:5

Changni naw kei cu na m’kyuk sä, m’gein nak awn na m’cäi sä, cun ung phi changshe ah m’taam nak cu kä ka dou phung khai nei. A i ah kyasei ci ung ngami naw akshe ami bi gui cu, kei naw angtäi sei hnu ng’tuk püi ne ka taigü ci nei.

THU PHLAAN 3:19

Kei naw kam hni ah chang phung cu akat nak m’kyuk ne ka mcäi ci. Cun ah kyasei katnak ungka ng’hlat law ba ne, chang na ne na om vai nei.

NG'THU K'THUUK~ 13:18

A i kä ng’theithang cicu dukhaih nak la khüikha nak om ci. M’shungdüng nak ngai ciah chang cu chang m’sui nak om ci.

NG'THU K'THUUK~ 27:6

Nang khai ah aning bi ung phi teihpü cu khäng htek ci, Cun ung phi gaa läi naw na phleing khan ah a kut a taih ung phi — na geing nak vai.

NG'THU K'THUUK~ 17:10

Lunglang ciah chang naw hnu at m’cai m’a nak ung ang thei ah ta changshe naw m’neh nak tumat ung phia vei ng’thei ci.

NG'THU K'THUUK~ 13:13

Akni ah m’cäi ä nak maanak ciah chang cu khüikha nak k’thäh ciah kyak ci. Läk ciah chang cu hun nak gah ci.

NG'THU K'THUUK~ 9:8

A u a i ah kä hum tuk ciah chang cu kä nami m’cäi tu vai. Ani naw ning thüi nak gui khai. Cun ung phi cüivai ciah chang nami m’cäi m’ä tu ung ani naw ning chang m’sui gui khai.

SAM 69:12

Ngami naw lam lung ungka mawng pyen u ne, awktat ci gui naw na ng’äi ci gui.

NG'THU K'THUUK~ 6:23

Ngami ah m’shüm thein nak cu ng’shü ne dei ci: ami m’shung m’düng nak naw a i cha ah ghin vai cu ning m’thei ci.

NG'THU K'THUUK~ 25:12

Ngai yak hlü ciah chang am hmuhmat nak om ciah chang ah pek ah m’shümthein nak cu, ghui kutcüp, kä ung, ghui akni awn pyan ah cünglung ngamä a phu küi pi ci.

THUSHÄUTU 7:4

Angtäi sei yeikyai nak ah mawng bäng ngaih-tüh cicu akgu ah kyak ci. Cüivai ciah chang naw sih nak ah mawng ngaih-tüh ci.

THUSHÄUTU 9:17

Cüivai ciah chang ah a düm ah angthu ngaih yak cu, ak aanglam gui ah ng’bum nak ung uktu ah m’lau ngaih yak ah ta bä tuba ci.

THUSHÄUTU 12:11

Cüivai ciah chang ah ng’thu pyen gui cu htoshäm naw htome gui lam am shüm nak ah htung m’shum ah mäih ah kyak ci, a cääp ah ng’thu thuuk gui cu khäng sei khen ah m’si ah mäih ah kyak ci. Cun gui cu chang van ah htoshäm tumat ah kyak ciah Khanpughi naw a pek ah kyak ci.