THUSHÄUTU 7:4 - Cho Bible Common Language 2016

⁴ Angtäi sei yeikyai nak ah mawng bäng ngaih-tüh cicu akgu ah kyak ci. Cüivai ciah chang naw sih nak ah mawng ngaih-tüh ci.

THUSHÄUTU 7:4 Referans Kwoze

HOSEA 7:5

Ghangpughang ah pawi hnüüp ung ngami naw ghangpughang la bawi gui cu sapyit tui tu ne awktat sak u ne gu sak gui ci gui.

DANIEL 5:30

A cun ah mü ung Babilon ghangpughang Belshazzar cu ngawn ci gui;

JEREMIAH 51:57

Kei naw ami uk tu gui — cüivai chang gui, ami ng’vai gui, gakap gui cu awktat khai gui ah ka ci gui khai. Ngami cu hteit ne ip u ne kä ng’shüm law ba khai gui. Kei, ghangpughang naw ka pyen nei; kei cu m’gäi ciah Bawipa nei.

JEREMIAH 51:39

Ngami cu ei aw hlü aih u ne ang? Kei naw ngami ah phäh ah ei pawi pyang pe gui ne, awk sak gui ne ka yei sak gui khai. Ngami cu ip u ne kä ng’shüm law bap hung khai gui.

ISAIAH 21:4

Kei ah kalu cu nak phiui ci nei, kei cu kyi ne ka ng’hlet ci nei. Kei naw khaw mühun cu ka gingeo ci nei, cun ung phi cun naw a i kä law püi ci, kyih nak bang ah kya ci.

1 GHANGPUGHANG GUI 20:16

Ami ng’tuk nak cu hnüüp lung ung tün ci gui, cun sangung Benhadad la angkhawt püi thumkip lei goi cu phung ah kyong ah awktat ne om ci gui.

2 SAMUEL 13:28

Achangshäm gui cu m’cäi gui ne, “Nami geing nak vai, Ammon naw akdäm a awk law ung, ka ning khü gui khai, nami ngawn vai, kä nami kyih vai. Kei naw ka mät ah bi vai cu ka bik khai. Nami nget vai, kä nami kut ng’gin vai!” cine m’cäi gui ci.

1 SAMUEL 30:16

Ani naw David cu ngami ah hteh püi ci. Ng’tuk bik ciah chang gui cu pawi bi u ne, ei ne, aw ne, ami hmun ung püi pyang ne om ci gui, a i ah kyasei ci ung Philistin la Judah ung tu ne ami gah ah dämduh aih ciah khawh chang ah phäh ah kyak ci.

1 SAMUEL 25:36

Abigail cu Nabala ah hteit ba ci, cun yah ung ani cu ghangpughang ah pawi ah mäih ah a im ah bik ci. Ani cu awktat ne, yei ne om ci, cun ah kyasei a chu naw a ngawi ung khaw ngawi güt a i kä m’thein ci.

NAHUM 1:10

Ng’hling chawng la htang gong chawng ah mäih ah nangmi yu nami awktat ci gui cu mei naw ning ui gui khai nei.

THUSHÄUTU 2:1

Kei cu ka mät ka yei vai ah om ne, yeikyai nak cu a i ang ci phi hmuh vai ah ka k’bäi ci. Cun ung phi, cun cun phi akholä ah kyak ci, ciah ka hmuk ci.

THUSHÄUTU 7:3

A-yä nak cu gaih ng’pyan ah ta bä pi ci; a cun naw na hmai ning m’sau sak ci, cun ung phi na hmuhmat nak ning ghat sak ci.

THUSHÄUTU 7:5

Cüivai ciah chang ah m’cäi m’ä nak cu, chang gu k’taak ah m’hlüngtai nak ah ta bä pi ci.