THUSHÄUTU 7:2 - Cho Bible Common Language 2016

² Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

THUSHÄUTU 7:2 Referans Kwoze

SAM 90:12

Kami ghin nak a i hlawk ah a tawi ah mawng cu na m’thei gui ä, cung vah keimi kami cüivai lawk khai.

THULÄÄN NAK 32:29

A i ah kyasei ami hniim gui cu, Ngami naw kä hmu hning ci gui. A i ah kya lawk ci, cicu ngami naw kä hmat ci gui.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

THULÄÄN NAK 32:46

a pyen cu, “Tuhngawi kei naw ka ning pek gui ah thumkhän avan nami läk vai cimvai vä. Nami hta nau gui am m’dou ne pe gui vä. Cun ung ngami naw Khanpughi ah m’theithang gui avan cu bekhüt ne läk khai gui nei.

PHILIPPIAN 3:19

Cun ah chang gui cu m’htei kho khüt ne hteit ci gui ah kyak ci. Ngami ah Khanpughi cu pumsa a ng’yak hlü ah om ih nak ah kyak ci. Ngami cu thui ng’aa nak vaisü ung khähghah ci gui, ami m’lung kyong ung phi khomdek khan ah a mawng ama bäng be ci.

MATTHE 5:4

“Am lung thüisei ci gui yeikyai vä; Khanpughi naw m’lung üp nak ning pe gui khai.

HAKKAI 1:5

Nangmi ah khan ah a i a gawk law cu kä nami hmu ne ma?

ISAIAH 47:7

Nang naw angtäi sei, ghangpughang ah na kyak khai ah na ngai ci, shin gui cu nang naw na m’lung ung kä na tha ci, shin gui avan ng’pyi khai ciah phi kä na ngaih tüh ci.

KHEI NAK 23:10

Israel gui ah htangshon cu m’vut khui ah mäih ah kyak ci gui. Ngami cu khei plah gui vai ah da aih ci gui. Khanpughi ah chang tumat mat ah mäih ah kei ah khaw hnüüp gui cu nang pyi sak ä. Düng ciah chang ah mäih ah dimdeeih nak ung na sih sak ä.”

MALAKHI 2:2

Nami bilawh nak phung ung kei cu nami na kyih aa vai. Kei ah ka ng’thu cu kä nami ngaih ah a kyak ung, nami khan ah plah tam nak ka law püi khai. Nami ng’dühshon nak vai ah nami gah ah khan ah phi plah tam nak ka chah khai. Nangmi naw ka thumkhän cu a i ah kä nami sui ci kyasei, nami gah gui ah khan ah plah tam nak cu ka chah pyi ci nei.

THUSHÄUTU 2:14

Cüivai ciah chang naw a hteh nak ah lam cu hmat ci, gu-ang ci naw kä hmat ci.” Cun ung phi täng ciah manak vai naw mi van na ngäng gui ciah ka hmat ci.

THUSHÄUTU 2:16

Cüivai ciah chang a u naw kä shüm ba ci, gu-ang ci phi a u naw kä shüm ba ci. Lawk ciah khohnüüp gui ung, mikmi, mi van cu na m’hnih gui khai gui nei. Mikmi, mi van mi sik khai — cüivai ci la gu-ang ci atäng vai.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 3:20

Ngani ani nik hnih cu a hmun ät ung hteit ci goi — m’vut ung hteit ci goi. Ani nik hnih cu m’vut ungka lawk ci goi, m’vut ung hteit ba khai goi.

THUSHÄUTU 6:6

cun ah kyasei kho kum phia m’ku a ghin ung phi, a ghin nak ung yeikyai nak kä om ci cu, ng’düm nak hmu pi ci nei. Ak hnu ah, a ni nik hnih cu hmun ät ung hteit ci goi nei.

THUSHÄUTU 9:2

Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.

THUSHÄUTU 9:3

Buitang nak tumat cu van ah khan ung atäng ah gawk lawk ci, a shin cun phi khomdek khan ung kya lawk ci gui ah mäih ah cheishoh ciah kyak ci. Chang gui cu ami ghin ah chuih ami m’lung cu akshekha la gu nak awn be sei, ngami cu ang ghit ah sik ci gui.

JEREMIAH 16:8

“Ami ng’ei awk nak ah cun ung kä nami luh vai. Ngami awn ei awk vai ah kä nami ngoh en tu vai.

THUSHÄUTU 9:5

Ä, ghing ci gui naw ami sih law vai cu hmat ci gui, cun ung phi sik ci naw a i kä hmat ci. Ngami ung m’cümhnah nak kä om ba ci; ngami cu akshe m’hnih gui ah kyak ci.