THUSHÄUTU 7:15 - Cho Bible Common Language 2016

¹⁵ Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

THUSHÄUTU 7:15 Referans Kwoze

THUSHÄUTU 6:12

Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

LAMKTU 7:52

nami pupa gui naw kä ami shedam nak ah profet a u om ne ang? Ngah mi cu Khanpughi ah ng’düng ciah changshäm akyum law vai ah mawng pyein ciah ng’shä gui cu ngawn ci gui nei.

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

THUSHÄUTU 9:9

Na m’hni ah hnumi awn yeikyai ne om ä, cun cu shin ah khomdek khan ung na ghin hta yah ung Khanpughi naw aning pek ah akholä ah ghin nak ah kyak ci. Akholä ah kyak ciah a hnüp tä yeikyai ä, a i ah kyasei ci ung cun cu na khüikha nak avan ah phäh ah nang naw na gah vai avan ah kyak ci nei.

THUSHÄUTU 3:16

Be nak ah taga nak la ng’düng nak a om nak vaisü ah shin ah khomdek khan ung shetkat nak düt mi hmuk ciah kei naw ka hmat ci nei.

THUSHÄUTU 2:23

Na ghin ah chuih na bi lawh nü cu akholä ah kyak ci, cun ung phi ng’ä ai nak la cäicat nak bäng ah kyak ci. Khomü ah phi na m’lung cu kä ng’düm ci. Acun cu akholä ah kyak ci.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

1 GHANGPUGHANG GUI 21:13

Chang omshe goi naw chang ah ng’lung ung ani cu tawk ni ne, Khanpughi la ghangpughang yeeihkah nak ci nei, ci ni khäta, ani cu mang gaw k’pung ah hteh püi ne lung awn vawi ne ngawn ci gui.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

JOHAN 16:2

Nangmi cu pum im ungka ning k’täm gui khai gui. Chang gui naw nangmi ning ngawn gui netah, Khanpughi ah bi kami bik ci, ci ne ami ngaih nak ah khin gawk lawk khai.

SAM 10:3

Changshe cu akshe ami ng’yak hlü nak awn khähghah ci gui; Changka gui naw Bawipa cu plah ne, hnung’tuk püi ci gui.