THUSHÄUTU 7:13 - Cho Bible Common Language 2016

¹³ Khanpughi naw a i a bi cu ngaih-tüh vä. Khanpughi naw ang koi sak cu a u chang naw ng’düng sak hning khai aw?

THUSHÄUTU 7:13 Referans Kwoze

THUSHÄUTU 1:15

Ng’koi cicu kä nami ng’düng sak hlawt khai; kä om cicu kä nami khei hlawt khai.

JOB 12:14

Khanpughi naw a phyeit cu a u naw co ba hning khai aw, Khanpughi naw thawng ung a chum cu a u naw m’hlaut hning khai aw?

ISAIAH 5:12

Nami zu im ung hting ni k’vei ni, phiphät ni — zu ni nami mang ci. Cun ung phi Bawipa naw a i a bi cu kä nami hwat ci,

THUSHÄUTU 3:11

Ani naw ang nü ah phäh ah hman ciah akhin k’bäi ci. Ani naw ma lam ah mawng hmat nak hlü vai cu na pe gui ci, cun ung phi ani ah bi gui akbe ah hmat nak hlü vai cu kä na pe gui ci. Cun ung phi ng’büh nak vai ah hmuhmat nak cu kä na pe gui ci.

EPHESIAN 1:11

Apäng avan cu Khanpughi naw am hnüt ak bäi ah mäih ah om kyak ci gui. Khanpughi naw cäu ä ge tün ne a mät ah k’bäi ah ng’bü nak awn, mikmi cu Bawi Khrit ung na kawng ät sak gui ne ak chang ah ana ghü gui hnga ah kyak ci.

ISAIAH 14:27

M’gäi ciah Bawipa naw shin ah bi vai ah k’bäi ci nei; ani naw m’kyuk nak vai ah a kut cu shäng ci nei. A u naw phi kä ng’düm hlawt khai.

SAM 107:43

Cüivai ciah chang gui naw shin ah mawng cu ngaih-tüh u sä, Bawipa ah ng’täi ciah am hni nak cu hmat u sä.

ROMAN 9:19

“Cun ah a kyak ung Khanpughi naw a i chaa chang gui cu m’kat gui khai ang! A u naw Khanpughi ah ng’yak hlü cu hnu ng’tuk püi hlawt khai ang!” cine na ng’shi hlük ciah chang om khai nei.

ROMAN 9:15

Khanpughi naw Moses am, “Kei naw ka chimgein hlü cu ka chimgein khai, Kei naw kam hteihtang hlü cu kam hteihtang khai,” cine kyak nak ci.

ISAIAH 43:13

Kei cu khanpughi nei, ang täih ah a cun ah ka kyak khai nei, kei ah ka huham ung ka, a u kä phyawng hlawt khai, kei ah ka bi cu a u naw kä m’thawng hlai hlawt khai.”

JOB 37:14

Joba, ashäng hta ngai shüm ä, Khanpughi ah bi gui cu cäicat vai ah kyak ci nei.

DANIEL 4:35

Ani naw chang gui cu akholä ah mäih ah teng gui ci; Khankho ung khanchang gui la m’dek khan ung m’dek chang gui cu ani naw shum gui ci. Ani ah ng’yak hlü cu a u naw kä hnung tuk püi hlawt ci, Ani ah bi cu a u naw kä ng’shi k’thäh hlawt ci.

SAM 8:3

Na kut m’dawng awn na pyan ah khankho mik la na k’süm ah cha la aisi gui cu ka teng ung

JOB 34:29

Khanpughi naw a i kä bik khai ah ak bäi ah a kyak ung, A u naw phi ani kä täitawk khai nei. Ani naw a hmai a thuh ei ah a kyak ung, chang gui cu am gein kaa ah kyak khai gui nei.

JOB 11:10

Avaisü ah Khanpughi naw ning pha ne thawng ung aning chum ah akyak ung a u naw maa na hning khai ang?

JOB 9:12

Ani naw ang yak hlü bi sei a u naw kä ng’düm sak hlawt ci; “A i cu na bi?” cine a u naw kä ng’shi dat ci.

THUSHÄUTU 8:17

Cun ung phi, Khanpughi naw a i bik ci, cicu nang naw kä na hmat hlawt khai. Nang naw a i hlawk ah na tha nak ung phi kä na hmu hlawt khai. Cüivai chang gui naw kami hmat ci nei, cik khai gui, cun ung phi kä hmat khai gui.

LUKA 12:26

Cu cha ah apihta phi kä m’khüt hning ah a kyak ung a i vai a hei hei gui ah nami ng’ä ang?