THUSHÄUTU 7:1 - Cho Bible Common Language 2016

¹ Nik ciah mingthang cu küikyang ciah tui ng’ui ah ta bä pi ci; sih nak hnüüp cu ng’tüi nak hnüüp ah ta bä pi ci.

THUSHÄUTU 7:1 Referans Kwoze

THU PHLAAN 14:13

Cun kawn ah khankho ah kaa k’aw naw, “Tuhbäi ung tün ne Bawipa ah khuut bi netah, sik ci gui cu yeikyai nak om ci nei, cun cu na guk vai nei” ci sei ka ng’yak ci. Mumcha naw, “Ä! Cun cu akcang nei! K’tha nane bilo ciah chang gui cu yeikyai ne ng’düm khai gui nei, ami bi ah akchaw cu ami mät awn ng’khap ci nei” cine pyein ci.

NG'THU K'THUUK~ 22:1

Nang naw na ghü law ung nik ciah ming thang nak la bä ciah bühmang nak ungka nik ciah ming thang nak cu na ghü vai nei.

THUSHÄUTU 4:2

Si ne hteit pyi ci gui ah khan ah kei cu ka ng’vanglak ci; ghing ne om ci gui ah ta ngami cu bä pi ci gui ah kyak ci.

2 KORIN 5:8

Kei mi cu k’thamah nak om sei, pumsa im cu nawng shüt ne, Bawipa awn a täng ah om vai cu kami ng’ya hlü pi ci.

2 KORIN 5:1

Mikmi ah om nak ah kyak ciah khomdek pumsa cu ang kawn ah a kyak ung, Khanpughi naw khankho ah, amät ah pyan ah, angtäi om nak ah im, na k’hman gui khai cicu mi hmat ci.

SOLOMON NG’Ä~ 1:3

Nang ah mawng cu tui ng’ui ah kyak ci; na ming ni naw cun cu khü ci. A u hnumi naw phi kä ning m’hni ne kä om hlawt ci.

THUSHÄUTU 10:1

K’pi k’si tumat naw situi tui ng’ui palang ät thu sak ci, sheit nak api naw, dämduh pi ciah cüivai nak m’shet sak ci.

NG'THU K'THUUK~ 27:9

Tui ng’ui la tui ng’ui tui naw nami m’lung ning yei sak gui ci, Cun ung phi khüikha nak naw ding gei nak cu m’shet ci.

ISAIAH 56:5

Na ming cu kei ah Taigüim kyong ah shüm ba khai gui, kei ah ka chang gui ah ng’lung ah htanu, htapa m’hnih gui khai.”

NG'THU K'THUUK~ 15:30

Hmai kiang nak naw chang yeikyai sak ci, ng’thu ni naw m’lung yei sak pi ci.

JOB 3:17

Changshe naw akshe ah om gui cu phuh hmun ung ng’düm ci gui. Bawngbai ciah bii bik ci gui phi ng’düm ci gui nei.

JOHAN 13:2

Bawipa Jesuh la ang Düihpüi gui cu mü-ei ei ci gui. Khoshe naw Simon Iskariot a hta Judas cu, gaa ah kut ung Bawipa Jesuh cu a ap vai ah am lung kyong ah am cäi pyi ah kyak ci.

SAM 133:2

Cun cu Aaron ah lu ung yuk shawi ung, am khamu ung zu long ne, a suinu k’pei ung gawk ciah m’kui m’to nak ah tui ng’ui ah mäih ah kyak ci nei.

HEBRU 11:39

Ngami cu ami yum nak awn m’hlüngtai nak gah ci gui. Cun ung phi ngami cu Khanpughi ah shaitaak kä gah tuk ci gui.

HEBRU 11:2

Cau chang gui cu ami yum nak awn Khanpughi am tamkhah nak gah man ci gui.

LUKA 10:20

A i gaa phi nami khan ah gawk lawk khai, cun ung phi khoshe nami m’khüt näng ah phäh ah kä yeikyai vä, khankho ah nami ming guk pyi ah phäh ah yeikyai vä” cik ci.

SOLOMON NG’Ä~ 4:10

Na m’hni nak naw na tuihlim sak ci nei ka m’lung ung tuihlim ciah ng’lami hta aw. Na m’hni nak cu sapyit tui ah bä pi ci nei; nang ah tui ng’ui cu, tui ng’ui ni ah ni pi ci nei.

THUSHÄUTU 7:8

A mawng tumat ah khüt nak cu ang tün nak ah ta bä pi ci. M’lung sau nak cu chang ah ng’shei nak ah ta bä pi ci.

JONAH 4:3

Tuhbäi, Bawipa, kei cu na sih sak ä. Kei cu ka ghin nakdam ka sih cu bä pi khai nei” cik ci.

RUT 3:14

Ani cu a khaw pei ah ng’yän tuk ci, cun ung phi ami hmuh khin vai ah khaw kä a dei pha ung, ani cu tho lawk ci; a i ah kyasei ci ung ani cun ung a ih tu cu chang naw a hmat vai ah Boaz naw kä ng’ya hlük ci.

NG'THU K'THUUK~ 25:10

Kä cun ung chang nü naw a i kä nami m’yih hlawt ciah hmat khai. Cun ung kä ng’aa ne kä nami om hlawt khai.