THUSHÄUTU 6:6 - Cho Bible Common Language 2016

⁶ cun ah kyasei kho kum phia m’ku a ghin ung phi, a ghin nak ung yeikyai nak kä om ci cu, ng’düm nak hmu pi ci nei. Ak hnu ah, a ni nik hnih cu hmun ät ung hteit ci goi nei.

THUSHÄUTU 6:6 Referans Kwoze

THUSHÄUTU 3:20

Ngani ani nik hnih cu a hmun ät ung hteit ci goi — m’vut ung hteit ci goi. Ani nik hnih cu m’vut ungka lawk ci goi, m’vut ung hteit ba khai goi.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

JEREMIAH 17:6

Ngami ci ng’kiang ma ah k’plup ah mäih ah kyak ci gui, cun cu bung hmu kho chawng ung pyo ci, a i naw kä a ghin nak hning ah m’shi tui khonglei ung pyo ci. Cun gui ah khan ah akni phung kä kya lawk ci.

ISAIAH 65:20

A hmaw hta gui cu ami hmaw sang ung kä si ba khai gui, chang avan cu khokum küm sei ghing khai. A khokum phia law sei ghing ci phi a hmaw ah mäih ah kyak kuai, A cun kä pha sei sik cicu kei naw ka m’kyuk ah m’hnüt nak ah kyak khai.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

THUSHÄUTU 6:3

Chang tumat cu phia ah hta ne, ak sho a ghin ung phi, a i güt a ghin ung phi, ani ung yeikyai nak kä om ne, akni ah htüm kaw nak phi kä a om ah a kyak ung, hta nak vai am sik ciah hta-yüt ah ta ka tuba ci nei.

SAM 34:12

Yeikyai ne ghin nak nami ng’yak hlü naw? Ak sho ghing ne nami pui m’ca hlü naw?

JOB 7:7

O Khanpughi, na shüm ä, kei ah ka ghin nak cu ng’ghi nak bäng ah kyak ci nei; kei ah yeikyai nak cu ng’pyi ci nei.

JOB 1:21

Ani naw, “Kei cu a i kä law püi ah ka lawk ci, a i kä hteh püi ne ka sik khai. Bawipa Naw na pek ci, tuhbäi ani naw la ba ci nei. Ani ah ming cu m’tamkhah nak om sä!” cik ci.

ATÜNNAK 5:5

Adam cu a khawkum 930 ung sik ci.

THUSHÄUTU 2:14

Cüivai ciah chang naw a hteh nak ah lam cu hmat ci, gu-ang ci naw kä hmat ci.” Cun ung phi täng ciah manak vai naw mi van na ngäng gui ciah ka hmat ci.

THUSHÄUTU 6:5

Ani naw kho hnüüp akdei phi kä hmu tuk ci, ghin nak cu a i ah mäih ah phi kä hmat tuk ci, cun ung phi ani naw ng’düm nak cu hmuk ci —

THUSHÄUTU 7:2

Sih gook htüm tu cu yu ng’kawi ung ng’lak tu ah ta bä pi ci, a i ah kyasei ci ung, chang mi van cu sih nak naw na ngäng gui ci nei ciah, ghin nak naw angtäi sei, a na m’shüm thein gui ah hmawk ah kyak ci.

THUSHÄUTU 9:2

Hmat ung phi a i kä ng’lak nak ci. Täng ciah buitang nak cu düng ci la omshek ci, nik ci la kyak ci, yum nak om ci la kä om ci, khawihnah douthak ci la kä douthak ci, avan ah khan ah gawk lawk ci. Changni cu katnak bik ciah ta kä bä tuba ci; ng’khäntam ci cun phi kä khäntam ciah ta kä bä tuba ci.