THUSHÄUTU 6:2 - Cho Bible Common Language 2016

² Khanpughi naw chang tumat am, khawh, m’tamkhah nak, la bühmang nak, ä, ang yak hlü nü pek ci, cun ung phi a cun gui naw ani kä yeikyai sak ci. Cun nak vaisü ung chang thai tumat cu yeikyai sak khai nei. Cun cu a kholä nei, avan hma ci nei.

THUSHÄUTU 6:2 Referans Kwoze

THUSHÄUTU 5:19

A vaisü ah Khanpughi naw chang tumat am bämang nak la khawh cham pek ne, a yeikyai sak ah akyak ung ani naw m’hlüngtai ne, a cun ah abi gui awn a yeikyai vai ah kyak ci. Shin cu Khanpughi ungka letsawng nei.

SAM 17:14

Ami ghin yah ung ami ng’yak hlü düt ah kyak ciah chang gui ung ka na hun ä. Ngami ah hmawk ah na gim pek gui ah yaica nak awn m’kyuk gui ä; cun gui cu ami hta gui ah hmawk ah ng’büh khai nei, Ami hta ah hta gui-am phi nawng pe shüt khai gui nei.

SAM 73:7

Ami m’lung ung akshe ah phu ne, ami m’sin naw ak kaa bäng pawng püi ci.

1 GHANGPUGHANG GUI 3:13

Nang naw kä na k’thäh cun phi kei naw ka ning pek khai: a hei ghangpughang gui ah ta bä pi ciah bämang nak la m’tamkhah nak cu na ghin nak chuih nang ung om khai.

NG’ÄI KYAH 5:2

Kami khawh gui cu chang hei gui ah kut ung om ci nei, Khohei chang gui cu kami im ung om ci gui nei.

SAM 39:6

pü püi hlawk ah phi kä kyak ci nei. Abi lawh phung phi a kholä ah kyak ci; khawh akda a kiam ung phi a u naw a mang vai ah kä ng’hmat ci,

HOSEA 7:9

Akhui hei chang gui ami ngaih u nak naw ami thagui aguh tep gui cu ngami naw kä hmat ci gui. Ami hnüüp cu khei ci gui, cun ung phi ngami naw kä hmat ci gui.

DANIEL 5:18

“Hlüngtai ciah Khanpughi naw na pa Nebukhadnezzar cu dämduh ciah ghangpughang ah pyang ne, bä khäk nak la bawimang nak cu pek ci nei.

THUSHÄUTU 5:16

Cun cu kä hman ci nei! Mikmi cu mi law ah mäih ah mi hteit ba ci. Mikmi naw k’tha na ne, khokhi cu mi phak ci, cung phi a i ang mikmi naw mi gah?

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

2 SHONTÄP NAK 1:11

Khanpughi naw Solomon cu m’shan ba ne, “Nang naw akni ah na ghü ci. Bühmang nak, khawh mah nak, mingthang nak na ga gui ah sih nak vai, na mät ah ghin angshäi nak vai gui kä kya ne cüivai nak la lunglang nak na na ng’yoih ah kyasei ka chang gui cu na uk hning khai ah ka chang gui ah khan ah ghangpughang ah ka ning pyang pyi nei.

1 SHONTÄP NAK 29:28

Ani cu anghtei ah ghi ne, bühmang ne, chang naw chang m’sui sei sik ci, a hta Solomon cu ghangpughang ah ngo ba ci.

1 SHONTÄP NAK 29:25

Bawipa naw Solomon cu Israel pakhui avan ah khan ah m’tamkhah ne Israel uk man ciah ghangpughang gui ah ta bä pi ciah bämang nak cu pek ci.”

SUKI GUI 18:10

Nangmi cu ah nami gawk ah a kyak ung, chang gui cu a i phi kä ng’ä ai ne om u sei nami hmu gui khai nei. Cun cu khaw akdäm nei; Chang tumat ah ng’yak hlü phung vai cu, acun ung om ci nei, cun cu khanpughi naw ning pe gui ci nei.

THULÄÄN NAK 28:43

“Nami khaw ung om tuk ciah a khaw hei chang gui cu huham mah law pi pi khai gui. Nangmi ah huham cu maih lawk khai.

THULÄÄN NAK 28:33

Nang naw tha na ne bi ne na geit kaw cu a khaw hei pakhui naw avan lak khai. Cun yah ung nang naw a i kä na gah tuk khai. Angtäi sei shedam nak la akaa ah om püi nak na gah khai.

THUSHÄUTU 5:13

Shin ah khomdek khan ung kyih vai sei, shin ung kei naw ka hmuh cu; chang gui naw a hlü law ung ami mang vai ah ami ngui cu m’cun m’sep ci gui,

ISAIAH 55:2

Phü m’ghüm vai ah kä kyak ci ung, a i ah kyasei ngui na mang ang? Na ng’cheng chuh cu mang neta, a i ah kyasei, ei na cawi lä ang? Kei cu na ngai ä, kei ah pyen ah bilo ä, cun ung ei ak ni pi ei ne na yeikyai khai nei.

THUSHÄUTU 5:18

Shin cu kei naw ka hmuh ah kyak ci; chang tumat naw akni pikbäih ah abi hning cu, ei ne, aw ne, hnünthaw ne, Khanpughi naw a pek ah ghin nak aktawi ung, abi lawh nak ung a yeikyai nak ah kyak ci; shin cu chang ah buitang ah kyak ci.