THUSHÄUTU 6:12 - Cho Bible Common Language 2016

¹² Tawi ne a kholä ah kyak ciah mi ghin nak — püipüi ah mäih ah kyak ciah ghin nak ung, chang tumat naw, mimi ah phäh ah akni pi cu, a i hawkcha ah a hmat vai ang? Chang tumat naw m’sih kawn ah khomdek khan ung a i ah kya lawk khai ci cu, a i hawkcha ah hmat hning khai aw?

THUSHÄUTU 6:12 Referans Kwoze

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

THUSHÄUTU 3:22

Cun ah kyasei kei naw ka hmat cu, akni pikbäih mikmi naw mi bi hning cu, mi bilawh ah khan ah mi yeikyai vai ah kyak ci. Mikmi naw mi bi hning a i phi kä om ci. Mi sih kawn ah a i ah kya lawk khai ci cun phi mi hmat nak vai ah lam kä om ci.

JOB 14:2

Mikmi cu cheipai ah mäih ah a lawi ah pai ne alawi ah mi ng’yai ci; mikmi cu ang hnim ah mäih ah mi maih ci.

SAM 144:4

Ani cu khokhi goh ah mäih ah kyak ci; Ani ah kho hnüüp gui cu ng’kon ciah püpüi ah mäih ah kyak ci.

THUSHÄUTU 8:13

Cun ung phi chang omshe gui ah phäh ah ni nak kä om khai. Ngami ah ghin nak cu püpüi ah mäih ah kya ne, ngami cu ami nong yah ung sik khai gui, a i ah kyasei ci ung, ngami naw Khanpughi kä ngai ci gui.”

THUSHÄUTU 8:7

Mikmi a u naw phi, a i i ah kya lawk khai cicu kä mi hmat ci, na m’thein gui ci phi a u kä om ci.

JOB 8:9

Mi ghin nak cu tawi ci, a i phi kä mi hmat ci; Mikmi cu khomdek phlän ciah ang hnim ah mäih ah mi ng’kawn ci nei.

1 SHONTÄP NAK 29:15

O Bawipa, nang naw na hmat ci, keimi cu kami pupa gui ah mäih ah omktu gui la khin gui ah mäih ah kami ghing om lawk ci. Keimi ah kho hnüüp cu vangkon vük ciah püpüi ah mäih ah kya ne, keimi naw sih nak kä kami phyawn na hlawt ci nei.

THUSHÄUTU 12:13

Shin gui avan kawn ah pyen vai tumat bäng om ci; Khanpughi kyih aa ne, ang thumkhän cu läk vai, a i ah kyasei ci ung a cun vai ah chang avan cu a tüisho ah kyak ci.

THUSHÄUTU 9:6

Ami m’hni nak, ami ng’gen nak, ami m’lung nak, avan cu ngami awn atäng ah sik ci. Ngami cu shin ah khomdek khan ung kya lawk ciah a i ung phi kä ng’päng tuba khai gui.

THUSHÄUTU 2:3

Cüivai nak ng’yak nak hlü cu gah nak vai ah, sapyit tui aw ne hüithaw ne, a khin k’ni gah vai ah ka k’bäi pyi ci nei. Cun cu khomdek khan ung chang gui naw ami ghin nak aktawi ami ng’pyi sak nak vai ah, akni pi ah ka ngai man ci nei.

SAM 109:23

Khomü hun püpüi ah mäih ah kei cu ka ng’kawn ci nei; m’kyit zoop ah mäih ah ka ng’plon ci gui.

SAM 102:11

Ka ghin nak cu mühun k’awi ung püpüi ah mäih ah kyak ci nei; kei cu khu chawng ah mäih ah ka kyak ci.

SAM 17:15

Cun ung phi kei naw ka ning hmu gui khai, kei cu chei khai ah a i kä ka bik ci; kei ka thawh law ung na na om püi nak naw kei cu na yeikyai sak khai nei.

SAM 4:6

Taigü ci chang akda om ci: “Hrilham ak dapi na pe gui ä, Bawipa. Na k’dük nak awn na teng gui ä!”

JOB 14:21

Kami hta gui cu m’hlüngtai nak gah u sei, cun ung phi kä kami hmat khai, Ngami ami thüisei ah a kyak ungphi keimi am kä na m’thein ci gui.

MIKHAH 6:8

“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.

SAM 89:47

Ka ghin nak ciah na na tüi gu avan cu na shüm vai nei.

SAM 47:4

Mi om nak vai kho ng’lei na ghü pe gui ne, am hni ah chang gui-am mang nak khawh k’peeih na pe gui ci.

SAM 16:5

Nang, Bawipa cu kei ung om ciah avan ah na kyak ci, ka ng’yak hlü avan phi na na pek ci; ma lam ka ghin nak cu nang ah kut ung om ci.

THUSHÄUTU 2:24

Chang tumat naw akni pikbäih abi hning cu ei vai, awk vai, gah tang ah khawh cham awn yeikyai vai ah kyak ci. Cun ung phi cun gui avan cu Khanpughi ung ka lawk ciah kei naw ka hmat ci.

THUSHÄUTU 6:11

Na ng’cucan law pik’täi ung, akholä ah kya law pik’täi ci, nang ung ani nak pi a i kä om lawk khai.

THUSHÄUTU 7:15

Kei ah ka ghin nak cu akholä ah kyak ci, cun ung phi a cun ah kyong ah kei naw a päng ka hmuk ci. Changni gui cu sik khai gui amshah gui cu ghing khai gui. Akshe ami kyak tupang ung phi.

THUSHÄUTU 9:9

Na m’hni ah hnumi awn yeikyai ne om ä, cun cu shin ah khomdek khan ung na ghin hta yah ung Khanpughi naw aning pek ah akholä ah ghin nak ah kyak ci. Akholä ah kyak ciah a hnüp tä yeikyai ä, a i ah kyasei ci ung cun cu na khüikha nak avan ah phäh ah nang naw na gah vai avan ah kyak ci nei.

THUSHÄUTU 10:14

Chang gu-ang cu ng’thu ne ng’thu ci. Ngawi ah a i ah kya lawk khai cu a u naw kä hmat ci, mi sih kawn ah a i ah kyak khai ci phi a u naw kä na m’thei gui hning ci.