THUSHÄUTU 5:8 - Cho Bible Common Language 2016

⁸ Acoyah naw dukhaih ci shedam ah ne, taga nak la ami chaw cu ma na gui sei, nami hmuh ung kä nami cäicat vai. Bawi päng cu amät ah khan ung om ci naw shung vong ci, a cun goi cun phi ani khan ung om ciah bawi naw shungvong ba goi ci.

THUSHÄUTU 5:8 Referans Kwoze

THUSHÄUTU 4:1

Cun kawn ah khomdek khan ung om ciah kä taga nak gui avan cu kei naw ka teng ba mä ci. Ami shedam nak gui cu thüi kyap ci gui, ngami m’htei tu gui khai a u kä om ci. Ngami m’htei gui khai a u kä om ci, a i ah kyasei ci ung, ngami shedam na gui ci gui ung huham om ci.

SAM 12:5

Bawipa naw, “Cun ung phi tuhbäi kei ka lawk khai,” A i ah kyasei ci ung, dukhaih ci gui ami shedam nak, dukdeiu ci gui ah m’lau ng’pyan ah hmawk ah kyak ci. Ngami am ami ng’yak hlü ah m’lung üp nak cu ka pe gui khai.

THUSHÄUTU 3:16

Be nak ah taga nak la ng’düng nak a om nak vaisü ah shin ah khomdek khan ung shetkat nak düt mi hmuk ciah kei naw ka hmat ci nei.

SAM 82:1

Khanpughi cu khankho kongsi lam shüm ne, khanpughi gui ah ng’lung ah ng’düi ne m’khoi m’cha nak bik ci:

JAMES 2:13

Chimgein nak kä om te ciah chang ah khan ah, Khanpughi naw m’khoichaa nak abi hnüüp ung, chimgein nak kä m’dang khai nei, Cun ung phi m’khoichaa nak ah khan ah chimgein nak ah m’khütnäng nak om ci nei.

LAMKTU 12:23

Acun vai am Herod cu Khanpughi kä akchang m’sui ah phäh ah Khanpughi ah khankho chang naw m’di sei, ak seng naw ei sei sik ci.

LUKA 1:76

“Nang, kei ah chang hmaw, a hlüngtai säih Khanpughi ah profet ah ning khü vai nei. Nang cu Bawipa ah ma ung law ne, ani ah hmawk ah lam na pyang khai.

LUKA 1:35

Khankho chang naw Mumcha Theing nak khan ah gawk lawk khai, Khanpughi ah hlüngtai nak phi nakkhan ah gawk lawk khai. Cun na kia sei theingthap ciah ak hmaw cu Khanpughi ah Htapa ah ming khai.

LUKA 1:32

Ang ming cu Jesuh ah na sui vai. Ani cu hlüngtai ne hlüngtai pi ciah Khanpughi ah hta ah kyak ci. Ani cu David ghangpughang ah ang shon ah kyasei, Khanpughi naw ghangpughang ah ngoh sak ba khai.

MALAKHI 3:5

Hlüngtai ciah Khanpughi naw, “Ka ning ng’thumcha gui khai ah nami lung ah ka ng’dang lawk khai. Cun ah chang gui cu kei naw cet ne ang ghit ah ka hnungtuk püi gui khai, ng’pluh ci gui, chang ah chu ih püi ci gui, hleei pyen ne ng’gun ci gui, bii bik ciah ng’cheng mang pek ci gui. Hmeinu hmeihta shedam nak ci gui — kei kä na kyih aa ci phung avan ah kyak ci.

ZEKHARIAH 8:6

“Shin cu tuhbäi om shüt ciah changpakhui gui ah hmawk ah kä hmat hning vai ah a kyak ung phi, kei ah hmawk ah hmat vai ah kyak ci nei.

MIKHAH 2:9

Nangmi naw ka chang hnumi gui ami m’hni ah ami im ungka nami k’täm gui ci. Ami hta gui ungka hriham phi angtäi sei nami gut gui ci.

AMOS 6:12

Ng’se cu lungpou ah khan ah dawng man ne ang? Chang naw tuinu ah khui ah seipat awn lai thawn man ne ang? Cun ung phi nangmi naw taga nak cu m’äm tui ah nami lat ci, gei cicu nami chei sak ci.

AMOS 5:12

Shah aih ciah nami katnak gui la leng ba ba ne nami katnak gui cu kei naw ka hmat ci. Chang k’ni nami dukdeiu nak ci, ng’mü khawh nami lak ci, mang ah m’kawt ung dukhaih ci ghui ah gah vai ah taga nak gui cu nami shung ci.

ISAIAH 57:15

“Kei cu hlüngtai ne, theingcim ciah khanpughi nei, angtäi ah ka ghing ci nei, kei cu hlüngtai ne theingcim ciah hmun ung ka om ci, cn ung phi amlung neim ne ng’zuba thei ciah chang gui awn phi atäng ah ka om ci nei. Cun ah kyasei ngami ah m’lung üp nak la ngaih u nak cu kei naw ka k’thai ba sak ci nei.

ISAIAH 37:36

Bawipa ah khanchang cu Assirian gui ah phung ah hteit neta gakap 185, 000 cu ngawn gui ci. A ngani ung khaw thaih ung ngami cu ami van si ne ng’zän ci gui!

ISAIAH 10:12

Cun ung phi Bawipa naw a pyen cu, “Kei naw Zion M’htung la Jerusalem ah khan ah ka bi cu ang pyi ah a kyak ung, kei naw Assiria ghangpughang cu a khähghah nak avan la chang ah ang shei nak avan ah phäh ah ka m’kyuk khai nei” cik ci.

ISAIAH 5:7

Israel cu m’gäi ciah Bawipa ah Sapyit lo ah kyak ci; Ngami naw ani naw akni bik khai ah ngaih u sei, Cun ung phi ngami naw chang ngawn ci gui. Ngami naw hman ci bik khai gui ah ani naw ngaih u ci, Cun ung phi ngami ah dukdeiu nak gui naw ataga vai ng’ya hlü ne m’lau ci gui.

ISAIAH 3:15

Nangmi ung ka chang nami dep nak vai la dukhaih ciah khan ah nami eiawk nak vai ah amawng kä om ci. Kei, Avan Uk ne M’gäi ciah Bawipa naw ka pyen nei.”

NG'THU K'THUUK~ 8:17

Na m’hni cicu ka m’hni ci: Na shui ci phung naw na hmuk khai.

SAM 95:3

Bawipa cu m’gäi ciah Khanpughi, khanpughi gui avan ah khan ah m’gäi ciah ghangpughang nei.

SAM 83:18

Nang bäng Bawipa ah na kyak la khomdek khan avan ung m’gäi ciah uktu ah na kyak cu hmat tu u sä.

SAM 55:9

O Bawipa, ka gaa gui ah thu cu ng’gogan sak gui ä! Zawshe nak la guh tep nak cu mang gaw ung ka hmu pyi ci nei.

1 JOHAN 3:13

Cun ah kyasei ka phäi nau gui aw, khomdek chang gui naw ami ning gen gui ung kä nami ng’ä vai nei.

1 PETER 4:12

Ka teihpüi gui aw, nami geinvai nak vai ah ng’hlo ng’ei nak ah m’nüm nak nami khan ah a gawk law ah hmawk ah kä nami cäicat vai, cun gui cu nangmi ah phäh ah ak küikyang ah kä kyak ci.

ROMAN 11:33

Khanpughi ah bämang nak cu hlüngtai aih ci nei! Khanpughi ah lu ng’lang nak la hmuhmat nak cu thuuk aih ci nei! Khanpughi naw m’hnüt ne ak bäi cu a u naw a cangkha a m’dang hning khai ang! Khanpughi ah bilawh mawnglam cu a u naw shüm hmat hlawt khai ang!

NG'THU K'THUUK~ 22:16

Bühmang ci am m’cümhnah pe ne, kä cung bühmang vai ah dukhaih ci na yawshe nak ah a kyak ung, na mät cu na pyam lawk khai nei.

NG'THU K'THUUK~ 24:12

Nangmi naw nami bi vai ah kyak ciah kä nami ngai khai. Cun ung phi Khanpughi naw nami m’lung ngaih cu hmat ne m’khoichak ci. Ani naw k’pang ne ning ngäng gui ci, ning hmat gui ci. Ani naw nami bi ah ciah ning m’cümhnah gui khai.

THUSHÄUTU 5:9

Ghangpughang phi geit khäm ah khan ung va ng’düi ci.

THUSHÄUTU 7:7

Nang cu na cüivai ci, cung phi chang na m’hleei ung a gu-ang ah mäih ah hnüntho ciah kyak ci. Ng’mü khawh dou ci cu, a om ih m’di ciah kyak ci.

THUSHÄUTU 8:9

Khomdek khan ung ami bi lawh gui ka ngaih-tüh ah akyak ung shin gui avan cu ka hmuk ci, cun ah khaw ung chang amshah cu huham om ci, amshah cu a cun gui ah ka ung yaica ci.

EZEKIEL 18:18

Vangtäng ah apa cu hleei ci, gut tep ci, Chang nü ah khan ah ak she bik ciah a kyak ung, ani cu amät ah bi ah hma nak awn sik ci.

2 SHONTÄP NAK 26:10

Ani naw khaw ng’pyä ung khäng ciah tänghän gui cu co ne, tui k’büm gui phi akda co ci, a i ah kyasei ci ung, akiangtäng khaw gui la khawdo ung ani ah sei vuhchah gui akda om ci. Ani cu lolai bi hlük ciah kya ne, chang gui naw khogui yung ah sapyit gui ami geit vai, anglei ani nak ung ami geit kaw vai ah pyen ah gui ci.

JOB 24:23

Khanpughi naw ani cu üp oi nak pe hngaw khai, cun ung phi ani cu teng keng geng khai nei.