THUSHÄUTU 5:4 - Cho Bible Common Language 2016

⁴ Cun ah kyasei, Khanpughi ah shai na tak ung, ang ghit ah nak pan vai. Chang gu-ang cu ani ah phäh ah mang vai kä kyak ci. Bi vai ah shai na tak cu na bi vai.

THUSHÄUTU 5:4 Referans Kwoze

KHEI NAK 30:2

Chang tumat naw Bawipa am petak khai ah ang khäntam ah a kyak ung käcung a mawngma tumat mat ung hlawi hlek vai ah ang gunghta ah a kyak ung, ani naw a shaitak cu kä am’shet en vai, cun ung phi ani naw a bi vai ah a pyen päng cu abi vai.

MATTHE 5:33

‘Cun kawn ah, thukhän shaitaak kä plawh vai, Khanpughi ah ma ah thukhän shaitaak ah mäih ah bilawh vai’ cicu nami hmu ng’ya pyii ci.

SAM 76:11

Nami Bawipa Khanpughi ah ma ah nami shaitak nak bi vä; Apei leng ah ka pakhui avan naw m’cümhnah nak law püi vä. Chang van naw a kyih vai ah Khanpughi naw bik ci nei;

SAM 50:14

Yeikyai ne ghu tha nak cu Khanpughi am pe vä, Nami shaitak om ciah mäih ah hlüngtai pi cu khawihnah vä.

SAM 116:14

A chang gui van ah ng’bum nak ung ka shaitak cu kei naw ka pek khai.

HEBRU 10:6

“Nang naw sei me awn m’khih ne ghuthaa nak la Zo kyaang ung vawihpeh nak awn cheishoh nak nawtpet ci cu kä nam hni ci nei.

MALAKHI 1:10

Hlüngtai ciah Bawipa naw, “Nangmi ungka tumat naw pum im shoh a khai vai ah ka ng’ya hlük ci, cun cu mang kyang ung mei, akholä ah a däi vai cu shungshet nak ah kyak ci. Kei naw kä ka ning yei na gui ci, nami na pek law phi kä ka dou khai.

JONAH 2:9

Cun ung phi kei naw ng’äi ne ka ning m’tam khai nei; Khawihnah nak ka ning douthak khai nei, ka shaitak ah mäih ah ka bik khai nei. Hun nak cu Bawipa ungka lawk ci nei!”

SAM 119:106

Kei naw tuhbäi na m’shümthei läk vai ah akcang ah ka shaitak cu ka k’pang khai nei.

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ISAIAH 19:21

Egypt chang gui ah ma ah Bawipa amät naw amät m’than lawk khai, cun kawn ah ngami naw ani cu hmat law u ne, khawihnak lawk khai gui, khawihnah nak la douthak nak cu law püi khai gui. Ngami naw ami ung bäi ciah shaitak bi u ne, ani shaitak ah mäih ah bik khai gui.

ATÜNNAK 28:20

Cun kawn ah Jakob naw Bawipa ung thukhän a bi cu, “Ka hteh nak ah lam ung na ngäng ne, na m’htei ne, sui la ei na na pek ah a kyak ung,

SUKI GUI 11:35

Ani naw cun ah hnumi hta cu hmu neta, thüi ne, a sui k’teek neta a pyen cu, “Oh, ka hta hnumi! Nang naw ka m’lung msin na na nat sak ci nei! Kei ah m’lung na nat sak cicu a i ah kyasei, nang ah a kyak ang? Kei naw Bawipa ung a küi ah thu ka khan pyi ci nei, kei naw kä ka k’pyai ba hlawt khai nei! cik ci.

SAM 22:25

Kei naw chang hli ah ng’lung ah nang cu ning m’taam ne; Ning khawihnah ci gui ah ma ah ka shaitak ah mäih ah ka ning pek khai.

NG'THU K'THUUK~ 20:25

Khanpughi am na douthak vai ah shai kä na taak pha ung, geing na ne na ngaih-tüh vai. Akawn ah na ng’yu ba khai nei.