THUSHÄUTU 5:2 - Cho Bible Common Language 2016

² Kä ng’thu pha ung ngaih-tüh ma vai, Khanpughi ah akten ah shai kä tak vai. Ani cu khankho ah om ci, nang cu khomdek ung na om ci. Cun ah kyasei, pyen khin vai ah kawn ah däm khai ah kä nami ng’thu vai.

THUSHÄUTU 5:2 Referans Kwoze

MATTHE 6:7

‘Nami taigü ung Khanpughi kä yum ci gui ah taigü ah mäih ah lawmkaam düt ne kä nami taigü vai. Ngami cu aksho ang sau ah taigü ung gah vai ah ngai ci gui.

NG'THU K'THUUK~ 10:19

Akda ah ng’thu ung katnak om ci, cüvai ciah chang cu adüm ah om ci.

ISAIAH 55:9

Khankho cu khomdek ah a hlüngpi ah mäih ah, kei ah ka lam la ka ngaih-tüh gui cu nangmi ah ta hlüng pi ci.

MATTHE 6:9

Cun ah kyasei nami taigü ung; ‘Khankho ah om ciah kami Pa; Na ming theing thang sä;

THUSHÄUTU 5:7

A i chü na ng’mang a shet ung phi, a kholä ah kyak khai, a i chü na bi ung phi, a i chü ah na ng’thu ung phi, Khanpughi cu kyih aa ne na om vai.

ATÜNNAK 18:27

Abraham naw, “Bawipa, kei cu m’dek khui la m’vut ah ka kyak ci. Nang ngawn kä ka khinkha ung phi, na m’gein ne ka ng’thu na ngaih pe ä.

JAMES 3:2

Mikmi cu ashäng shäng mi sheka thei ci nei. A i yah ung phi hmakat nak kä om khai ah thu thei ciah chang cu, kümbe ciah kiak ci, apumsa avan shum ne htingling ciah chang ah phi kyak ci.

THUSHÄUTU 5:3

Na ng’ä ai law pi ung, nang ng’mang akshe ah she law pi khai, akda ah na ng’thu law pi ung, na ng’thu akgu ang da law pi khai.

NG'THU K'THUUK~ 20:25

Khanpughi am na douthak vai ah shai kä na taak pha ung, geing na ne na ngaih-tüh vai. Akawn ah na ng’yu ba khai nei.

ATÜNNAK 28:20

Cun kawn ah Jakob naw Bawipa ung thukhän a bi cu, “Ka hteh nak ah lam ung na ngäng ne, na m’htei ne, sui la ei na na pek ah a kyak ung,

SAM 115:3

Kami Khanpughi cu khankho ah om ci; Ani naw ang yak hlü phung bik ci.

ATÜNNAK 18:32

Abraham naw, “Bawipa, kä m’lungshe en ä bäi, hnü ät bäng ka pyen ba khai, changni sing gha bäng a om ung mä” cine ng’yoi ba ci. Bawipa naw, “Chang ni gha a om ung kä ka m’di khai nei” ci ba ci.

ATÜNNAK 18:30

Abraham naw, “Bawipa ka pyen bamä khai, na m’lung kä she en sä, chang ni thumkip bäng a om ung mä” ci ba ci. Ani naw, “Chang ni thumkip a om ung kä ka m’di khai nei” ci ba ci.

SUKI GUI 11:30

Jephthah naw Bawipa ah shai a tak cu: “Nang naw Ammonit gui ah khan ah näng nak na na pek ah a kyak ung,

MAKUH 6:23

Kei naw ka uknak ah kho a teih phi k’bou ne ka ning pek khai nei” cine ng’thu khän ne pyein ci.

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”

TAIGÜTHUM 5:4

Chang tumat cu kä ngaih nak ah ang taam ah a kyak ung, a i ah mawng ah a kyak ung phi, cun bik ciah a hmat vai am ani cu cheishoh ciah kyak ci.

THUSHÄUTU 10:12

Cüivai ciah chang cu angthu naw ng’tamkhah sak ci, cun ung phi angtam ciah chang cu amät ah ang thu naw m’di ci.

THUSHÄUTU 10:13

Ani naw ang thu cu ak-ang thu awn tün ne, akgu ng’thu awn khüp ci.