THUSHÄUTU 5:11 - Cho Bible Common Language 2016

¹¹ Nang cu na büh mang law pi ung, shai da law pi ci na tumbei khai. Nang naw na gah avan cu, na ng’büh mang ciah na mät naw na hmat ah kyak ci.

THUSHÄUTU 5:11 Referans Kwoze

1 JOHAN 2:16

M’dek khan ng’yak hlü gui ah kyak ciah shetkat nak awn ng’yak hlü nak, mik awn hmu ne yak hlü nak, khähghah läma nak gui cu Pa Khanpughi ung ka lawk ciah kä kyak ci, khomdek khan ungka lawk ciah kyak ci.

HABAKKUK 2:13

Nami nang gui ah pakhui gui cu, ami thagui akholä ah kia ne, ami cawh kyan avan cu mei m’lei ah kya yawp ci. Cun cu m’gäi ciah Bawipa ah bi ah kyak ci.

NG'THU K'THUUK~ 23:5

Na ngui cu kho lailäp ung maih hning ci. Cun cu ang phia om law ne langta ah mäih ah ahei ah yong khai.

THUSHÄUTU 6:9

Cun cu a kholä nei; khokhi k’täm ne pha ah mäih ah kyak ci nei. Ang täi sei a i baw ng’ya hlü ne om ah k’dam ah, mät ung om ci awn ng’büh cu bä tuba ci nei.

THUSHÄUTU 11:9

Chang nong gui, nami nong yah ung hüithaw vä. Nami hmaw yah sang ung yeikyai vä. Nami bi hlü cu nami bi vai nei, nami m’lung ah ng’yak hlü cu nami läk vai nei. Cun ung phi nami bi nak phung ung Khanpughi naw ning ng’thumcha gui khai ci cu, nami shüm vai nei.

ATÜNNAK 13:2

Abram cu htawme, me, seipat la ghui ngui gui awn büh mang ci.

ATÜNNAK 12:16

Ghangpughang naw cun ah hnumi ah phäh ah Abram cu khinchah na ne, htaw gui, me gui, vantang gui, sela gui, kala uk gui la changshäm gui akda cu pek ci.

JEREMIAH 17:11

Kä ng’düng ci awn ngui gah ciah chang cu, kä amtui baw ciah kha awn täng ci. A nong sang ge ung a ng’büh mang nak cu maih sei, ak hnu ah akholä ah kya ne agu ang nak ng’pyi ci.

THUSHÄUTU 2:9

Ä, kei cu ka dämduh ci, Jerusalem ung om man ciah chang phung ah ka dämduh pi ci nei, ka cüivai nak naw a i yah ung phi kä na yuk kyak sak man ci nei.

THUSHÄUTU 5:12

Bi bik ciah chang cu a phü ah a ei ung phi kä a ei ung phi, mü ah akni ah ip thei ci. Ng’büh mang ciah chang cu, akda tak ciah kya ne, ng’ä ai ne, kä ip hlawt ci.