THUSHÄUTU 5:10 - Cho Bible Common Language 2016

¹⁰ Nang naw ngui na m’hni ah a kyak ung, a i yah ung phi kä na ng’büh hlawt khai; nang cu na büh mang hlü ah akyak ung phi na ng’yak hlü avan kä na gah khai. Cun cu akholä ah kyak ci nei.

THUSHÄUTU 5:10 Referans Kwoze

1 TIMOTHI 6:10

A i ah kyasei ci ung ngui yak nak hlü cu, shetkat nak nüng nüng ah ang yung ah kyak ci. Chang amshah gui cu ngui yak hlü aih u netah ami yum nak phi ng’hlah tak ci gui. Cun kawn ah ngahmi cu yaica nak naw ami m’lung shetkat sak sei geinvai ci gui.

MATTHE 6:24

‘A u chang phi bawi hnih ah changshäm ah kä kya hlawt khai, a bawi tumat cu gen ne tumat cu m’hni khai; tumat ah pyein ah om-ne, tumat cu a i ah kä sui khai. Nangmi cu Khanpughi ah chang la ghui ngui ah chang ah akawng ät ah kä nami kya hlawt khai.

LUKA 12:15

Cun kawn ah chang gui avan-am, “Ng’yak hlü nak a hlü hlü cu nami ngaih nak vai, chang ah ghin nak cu ngui ghui khawh cham ung kä om ci nei” cine pyen na gui ci.

MATTHE 6:19

‘Thu kaa m’pyiit yaup ne, m’guk ei ah m’guuk nak thei ah, khomdek khan ung khawh chaam kä nami m’cun m’seh vai.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

THUSHÄUTU 4:4

A i ah kyasei chang gui naw m’khütnäng vai ah ami tha nak aih ang ci ung; ngami naw ami im ng’gi ami m’thüi ah phäh ah kyak ci. Cun ung phi cun cu akholä ah kyak ci. Cun cu khokhi k’täm ne pha ah mäih ah kyak ci, cicu ka hmat ci nei.

SAM 62:10

Chang ngawn pha vai kä na k’tha nak vai; Ng’gut tep ne näng vai kä na ngaih-tüh vai; Na ng’bühmang law pi ung phi acun ah khan ah kä na ng’düih vai.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

SAM 52:7

“Teng vä, Shin ah chang cu phyawn vai ah Khanpughi ng’kä yii hnei ci nei, amät ah khawh düt ngaih u ne, akshe lam awn a phyawn nak vai shui ci nei.”

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

THUSHÄUTU 4:16

Ghangpughang tumat ah uknak ung chang a i chü lawk khai ciah m’hnüt bäi nak kä om ci, ani a sih ah a kyak ung, ani naw abi gui ah phäh ah, ani yei nak khai a u kä om ci. Cun cu akolä ah kyak ci. Khokhi gawt ne pha ah mäih ah kyak ci.

THUSHÄUTU 3:19

Cun kawn ah chang la seime cu täng ciah mawng naw na ngäng gui ci. Tumat cu a hei tumat ah mäih ah sik ci. Ngami cu a tüisho gui täng täng ah kyak ci. Hnicim chang cu seime ah ta kä bä tuba ci, a i ah kyasei ci ung, ani nik hnih ah phäh ah ghin nak cu a i ah kä hmat ah kyak ci.

THUSHÄUTU 6:7

Chang tumat naw a ei vai a gah ah abi vai avan cu bik ci, cun ung phi kä ng’büh hlawt ci.

THUSHÄUTU 1:17

Hmuhmat nak la gu ang nak, cüivai nak la gu k’tak nak gui ah ng’lak mah nak cu kei naw ka ng’thei khai ah ka k’bäi pyi ci nei. Cun ung phi, kei phi khokhi gawt ne phak ciah mäih ah ka kyak khai cicu ka hmuk ci.

SAM 52:1

M’gäi ciah chang shetkat nak awn a i ah kyasei na khähghah ang? Khanpughi ah bekhüt nak cu ng’lang täi ci nei.

THUSHÄUTU 1:8

Apäng avan cu khüikha nak täng ah mang ci-khüikha nak cu ng’thu awn pyen vai ah däm aih ci nei. Mi mik naw kä hmu yap lawt ci, mi hnga naw kä ng’ya yawp hlawt ci.

THUSHÄUTU 2:10

Ka ng’yak hlü phung cu, ka gah ci. Yeikyai nak phung kei ka ma man ci. Kei cu ka bilawh gui phung ah phäh ah ka khähghah ci nei, cun gui avan cu kei ah m’cümhnah nak ah kyak ci nei.

THUSHÄUTU 5:9

Ghangpughang phi geit khäm ah khan ung va ng’düi ci.