THUSHÄUTU 4:9 - Cho Bible Common Language 2016

⁹ Tumat ah ta, hnih cu bä bi ci, a i ah kyasei ci ung, chang hnih naw bä pi khai ah bi lo hning ciah kyak ci.

THUSHÄUTU 4:9 Referans Kwoze

NG'THU K'THUUK~ 27:17

Chang gui cu tumat la tumat ng’thei theng tuk ci gui, m’sii awn m’sii k’tah ah mäih ah kyak ci.

ATÜNNAK 2:18

Bawipa Khanpughi naw, “Chang pami a mät bäng a om cu kä bä ci, hnünthawh püi khai ah a paw cu ka pyang khai” cik ci.

MAKUH 6:7

Cun kawn ah Bawipa Jesuh cu apigaw ah pei ng’et yung pigaw gui ah hteit ne m’theithang gui ci. Ang düihpüi gha-lei-goi cu khü gui netah, sing goi ciah ng’khap sak gui ne, pigaw gui ah tüi gui ci. Ngami-am khoshe m’khütnäng nak ah huham phi ap gui ci.

KHEI NAK 11:14

Shin ah chang gui ami van ah phäh ah kei ka mät bäng naw kä ka bi hning khai, kei ah phäh ah däm aih ci nei.

JOHAN 4:36

geit khäm ci cu, ng’cheng gah ne, angtäi ghin nak ah geit cu khäm ba ci, cun ah kyasei, geit ci la khäm ci cu angtäi ah yei kiai khai goi nei.”

LAMKTU 13:2

Cun ah chang gui cu Khanpughi ah taigü ne, ei hlawi ne ami om yah ung Mumcha Theing naw ngami am, “Kei ah ka bi bik khai goi ah Soul la Barnabas cu khän ne ghü goi vä” cine kyak na gui ci.

RUT 2:12

Na bi lawh ah phäh ah na Bawipa naw ning m’cümhnah sä. Israel Bawipa Khanpughi naw be ciah m’cümhnah ning pe sä, ani ung ng’yii vai ah nang cu na lawk ci nei” cik ci.

HAKKAI 1:14

Chang avan naw Taigüim ami bi vai ah Bawipa aw chäng gui ci. Zerubabel, Judah uktu bawi, Joshua taigütung la ami k’täm nak ah kaa law ba ci gui ami van ah kyak ci. Ngami naw ami Khanpughi, Hlüngtai ciah Bawipa ah Taigüim cu tün ne bik ci gui.

2 JOHAN 1:8

Geing na ne nami om vai nei, cun ung nangmi ah hmawk ah keimi ah bi cu akholä ah kä kyak khai, nangmi phi m’cümhnah nak ak be nami gah khai.

THUSHÄUTU 4:8

Shin ung amät bäng om ciah chang tumat om ci. Ani cu a hta kä om ci, a phäi nau phi kä om ci, cun ung phi ani cu ang’täi sei bi bik ci, amät ung om ciah khawh awn kä ng’büh ci. Ani naw hüithaw nak phi nawng-en ne, a u ah phäh ah shin ah k’tha na ne abi ang? Shin cu akholä ah kyak ci-cümbawng ne ghin nak ah kyak ci.

THUSHÄUTU 4:10

Avaisü ah chang tumat angtäät ah a kyak ung, ahei tumat naw m’tho tu ba hning ci. Cun ung phi chang tumat amät bäng om ne ta, angtäät ah a kyak ung, kä bä aih ci, a i ah kya sei ci ung, ani m’tho tuba khai a u kä om ci.

1 SHONTÄP NAK 19:12

Cun kawn ah Joab naw ani am, “Sirian gui naw ami na hnim law na hmuh ah a kyak ung law ne na na bawm law vai, Ammonit gui naw ami ning hnim law ah a kyak ung law ne ka ning bawm lawk khai.