THUSHÄUTU 4:16 - Cho Bible Common Language 2016

¹⁶ Ghangpughang tumat ah uknak ung chang a i chü lawk khai ciah m’hnüt bäi nak kä om ci, ani a sih ah a kyak ung, ani naw abi gui ah phäh ah, ani yei nak khai a u kä om ci. Cun cu akolä ah kyak ci. Khokhi gawt ne pha ah mäih ah kyak ci.

THUSHÄUTU 4:16 Referans Kwoze

THUSHÄUTU 1:14

Shin ah ah khomdek khan ung bilawh gui nü cu kei naw ka hmuk ci nei, kei naw ka ning m’thein gui cu, cun gui avan cu akholä nei, Cun cu khokhi k’täm ne pha ah mäih ah kyak ci nei.

THUSHÄUTU 2:17

Cun ah kyasei ghin nak cicu kei ah phäh ah a i ah phi kä hmat ci, a i ah kyasei ci ung, a cun ung om ci naw a i phi kei ah kä law püi ci, khuikha nak bäng law püi ci. Shin gui avan cu akholä ah kyak ci, kei cu khokhi gawt ne ka phak ciah kyak ci.

1 GHANGPUGHANG GUI 1:40

Ngami ami van naw ani cu läk u ne, phyung lawi tum ne, yei ne m’lau u ne, kho ng’lei thüng sei m’lau ci gui.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

THUSHÄUTU 2:11

Ka bi gui nü avan la a i hlawk ah k’tha na ne cun gui ka bi avan cu ka ngaih-tüh ah a kyak ung, a i hta phi bä ci kä om ci, cun cu khokhi gawt ne pha ah mäih ah kyak ci — a i phi mang vai kä om ci.

2 SAMUEL 19:9

Khaw avan ung tün ne ami mät gui ng’vaw ng’shang ci gui. Ngami ami mät gui ng’htau u ne, “Ghangpughang David naw mi ga gui ungka na hun gui ci, Ani naw Philistin gui ah kut ungka na gung gui ci, cun ung phi tuhbäi Absalom kyih ne dawng ne mi khaw nawng shüt ci nei.

THUSHÄUTU 4:15

Khomdek khan ung om ciah chang avan ah mawng cu, kei naw ka ngaih-tüh ci, ngami ungka a hawi ah baw om ciah changnong tumat cu ghangpughang ah hnün ung ngok khai cicu kei naw ka hmat ci.